ਵੀਨਾ ਮਲਿਕ ਦੀ ਟੁੱਟੀ-ਭੱਜੀ ਅੰਗਰੇਜ਼ੀ 'ਤੇ ਹਰਭਜਨ ਨੇ ਕਰ ਦਿੱਤਾ ਟ੍ਰੋਲ, ਲਿਖੀ ਮਜ਼ੇਦਾਰ ਗੱਲ

ਸਪੋਰਟਸ ਡੈਸਕ— ਪਾਕਿਸਤਾਨੀ ਅਭਿਨੇਤਰੀ ਵੀਨਾ ਮਲਿਕ ਨੂੰ ਆਪਣੀ ਅੰਗਰੇਜ਼ੀ ਕਾਰਣ ਸ਼ਰਮਿੰਦਗੀ ਦਾ ਸਾਹਮਣਾ ਕਰਨਾ ਪਿਆ। ਦਰਅਸਲ ਬੀਤੇ ਦਿਨੀਂ ਭਾਰਤੀ ਕ੍ਰਿਕਟਰ ਹਰਭਜਨ ਸਿੰਘ ਨੇ ਪਾਕਿਸਤਾਨ ਦੇ ਪੀ. ਐੱਮ. ਇਮਰਾਨ ਖਾਨ ਨੂੰ ਉਸ ਦੇ ਯੂ. ਐੱਨ. 'ਚ ਦਿੱਤੇ ਗਏ ਭਾਸ਼ਣ ਨੂੰ ਲੈ ਕੇ ਲਤਾੜਿਆ ਸੀ। ਹਰਭਜਨ ਨੇ ਆਪਣੇ ਟਵੀਟ 'ਚ ਲਿਖਿਆ ਸੀ, ''ਇਮਰਾਨ ਖਾਨ ਦੇ ਯੂ. ਐੱਨ. ਜੀ. ਏ. 'ਚ ਦਿੱਤੇ ਗਏ ਭਾਸ਼ਣ 'ਚ ਭਾਰਤ ਲਈ ਸੰਭਾਵਿਤ ਪ੍ਰਮਾਣੂ ਯੁੱਧ ਦੇ ਸੰਕੇਤ ਸਨ। ਇਕ ਪ੍ਰਮੁੱਖ ਖਿਡਾਰੀ ਦੇ ਰੂਪ 'ਚ ਇਮਰਾਨ ਖਾਨ ਨੂੰ ਉਸ ਦੇ ਬਲੱਡ ਬਾਥ (ਅੰਤ ਤਕ ਲੜਾਈ) ਸ਼ਬਦਾਂ ਦੀ ਚੋਣ 'ਤੇ ਕਹਾਂਗਾ ਕਿ ਇਹ ਸ਼ਬਦ ਸਿਰਫ ਦੋਵੇਂ ਰਾਸ਼ਟਰਾਂ ਵਿਚਾਲੇ ਨਫਰਤ ਵਧਾਉਣਗੇ।''

At UNGA speech, there were indications for India of potential nuclear war. As a prominent sportsperson, Imran Khan’s choice of words 'bloodbath' 'fight to the end' will only increase hatred between the two nations. As a fellow sportsperson I expect him to promote ✌️ peace

— Harbhajan Turbanator (@harbhajan_singh) October 2, 2019

ਹਰਭਜਨ ਦੇ ਇਸ ਟਵੀਟ 'ਚ ਵੀਨਾ ਨੇ ਲਿਖਿਆ
ਇਕ ਸਾਥੀ ਖਿਡਾਰੀ ਦੇ ਰੂਪ 'ਚ ਮੈਂ ਉਸ ਤੋਂ ਸ਼ਾਂਤੀ ਨੂੰ ਬੜ੍ਹਾਵਾ ਦੇਣ ਦੀ ਉਮੀਦ ਕਰਦਾ ਹਾਂ। ਹਰਭਜਨ ਦਾ ਟਵੀਟ ਦੇਖ ਕੇ ਗੁੱਸੇ 'ਚ ਆਈ ਵੀਨਾ ਨੇ ਲਿਖਿਆ ਕਿ ਪੀ. ਐੱਮ. ਇਮਰਾਨ ਖਾਨ ਨੇ ਆਪਣੇ ਭਾਸ਼ਣ 'ਚ ਸ਼ਾਂਤੀ ਦੀ ਗੱਲ ਕੀਤੀ ਹੈ। ਉਸ ਨੇ ਅਸਲੀਅਤ ਅਤੇ ਉਸ ਡਰਾਉਣੀ ਘਟਨਾ ਦੇ ਬਾਰੇ 'ਚ ਗੱਲ ਕੀਤੀ ਹੈ ਜਦੋਂ ਕਰਫਿਊ ਹਟਾ ਲਿਆ ਜਾਂਦਾ ਹੈ। ਦੁੱਖ ਦੀ ਗੱਲ ਹੈ ਕਿ ਉਥੇ ਖੂਨ ਵਗਣ ਵਾਲਾ ਹੈ। ਉਸ ਨੇ ਸਪੱਸ਼ਟ ਰੂਪ ਨਾਲ ਕਿਹਾ ਕਿ ਉਥੇ ਕੋਈ ਖਤਰਾ ਨਹੀਂ ਹੈ ਪਰ ਇਕ ਡਰ ਹੈ। ਕੀ ਤੁਸੀਂ ਅੰਗਰੇਜ਼ੀ ਨੂੰ ਸਮਝਦੇ ਹੋ?

PM Imran khan DID talk about peace in his speech.He talked about the reality and the horror that will surly occur when the curfew is lifted and sadly there's gonna be a bloodbath.He clearly states that it’s not a threat but a fear
Don’t you understand English? @harbhajan_singh https://t.co/WTpjholRoT

— VEENA MALIK (@iVeenaKhan) October 7, 2019

ਵੀਨਾ ਨੂੰ ਹਰਭਜਨ ਸਿੰਘ ਦਾ ਮੂੰਹ ਤੋਡ਼ ਜਵਾਬ 
ਵੀਨਾ ਦੇ ਇਸ ਤਿੱਖੇ ਜਵਾਬ 'ਤੇ ਭੱਜੀ ਵੀ ਪਿੱਛੇ ਨਹੀਂ ਹਟਿਆ। ਉਸ ਨੇ ਲਿਖਿਆ, ''ਮਤਲਬ ਕੀ ਹੈ? ਓਹ, ਇਹ ਹੈ??? ਲਓ ਜੀ  ਦੇਖੋ, ਇਹ ਅੰਗਰੇਜ਼ੀ ਇਸਦੀ, ਅਗਲੀ ਵਾਰ ਅੰਗਰੇਜ਼ੀ 'ਚ ਕੁਝ ਪੜ੍ਹਨ ਅਤੇ ਲਿਖਣ ਤੋਂ ਪਹਿਲਾਂ ਚਿਲ-ਪਿਲ (ਠੰਡੀ ਗੋਲੀ) ਲੈ ਲਓ।''

What do u mean by surly? Oh is it surely ?? 😂😂😂😂 lo ji dekho yeh Angreji Inki.. chill pill next time try and read before u put something in English 👍 https://t.co/dgaTOJplDU

— Harbhajan Turbanator (@harbhajan_singh) October 8, 2019