ਮਹਿਲਾ ਬਾਕਸਰ ਨਿਕਲੀ ਪੁਰਸ਼! ਭੜਕੇ ਹਰਭਜਨ ਨੇ ਕਿਹਾ ਤਮਗਾ ਲਵੋ ਵਾਪਸ

ਸਪੋਰਟਸ ਡੈਸਕ- ਪੈਰਿਸ ਓਲੰਪਿਕ 2024 ਦੇ ਦੌਰਾਨ ਅਲਜੀਰੀਆ ਦੀ ਬਾਕਸਰ ਇਮਾਨ ਖਲੀਫਾ ਨੂੰ ਲੈ ਕੇ ਵਿਵਾਦ ਹੋਇਆ ਸੀ। ਉਦੋਂ ਔਰਤਾਂ ਦੀ ਕੈਟੇਗਰੀ 'ਚ ਇਮਾਨ ਖਲੀਫ ਨੇ ਇਟਲੀ ਦੀ ਬਾਕਸਰ ਨੂੰ ਸਿਰਫ 46 ਸਕਿੰਟ 'ਚ ਹੀ ਹਰਾ ਦਿੱਤਾ ਸੀ, ਉਦੋਂ ਉਸ 'ਤੇ ਦੋਸ਼ ਲੱਗਾ ਸੀ ਕਿ ਉਹ ਮਹਿਲਾ ਨਹੀਂ ਪੁਰਸ਼ ਹੈ। ਇਸ ਨੂੰ ਲੈ ਕੇ ਉਸ ਸਮੇਂ ਕਾਫੀ ਵਿਵਾਦ ਹੋਇਆ ਸੀ। ਪਰ ਇਮਾਨ ਖਲੀਫਾ ਨੂੰ ਟੂਰਨਾਮੈਂਟ 'ਚ ਖੇਡਣ ਤੋਂ ਰੋਕਿਆ ਨਹੀਂ ਗਿਆ ਸੀ। ਇਸ ਤੋਂ ਬਾਅਦ ਉਸ ਨੇ ਗੋਲਡ ਮੈਡਲ ਵੀ ਆਪਣੇ ਨਾਂ ਕੀਤਾ ਸੀ।

ਪੈਰਿਸ ਓਲੰਪਿਕ ਦੇ ਦੌਰਾਨ ਇਮਾਨ ਖਲੀਫਾ ਨੂੰ ਲੈ ਕੇ ਹੋਇਆ ਸੀ ਵਿਵਾਦ

ਦਰਅਸਲ ਇਟਲੀ ਦੀ ਏਂਜੇਲਾ ਕੈਰਿਨੀ ਤੇ ਇਮਾਨ ਖਲੀਫਾ ਵਿਚਾਲੇ ਪੈਰਿਸ ਓਲੰਪਿਕ 2024 'ਚ ਬਾਕਸਿੰਗ ਦਾ ਮੈਚ ਖੇਡਿਆ ਗਿਆ ਸੀ। ਇਸ ਤੋਂ ਬਾਅਦ ਇਮਾਨ ਖਲੀਫਾ ਦੇ ਦੋ ਮੁੱਕੇ ਖਾਣ ਦੇ ਬਾਅਦ ਏਂਜੇਲਾ ਕੈਰਿਨੀ ਕੈਨਵਾਸ 'ਤੇ ਡਿੱਗ ਪਈ। ਜਿਸ ਤੋਂ ਬਾਅਦ ਉਹ ਚੀਕਦੇ ਹੋਏ ਕਹਿਣ ਲੱਗੀ, ''ਇਹ ਅਨਿਆ ਹੈ।'' ਇਟਲੀ ਦੀ ਖਿਡਾਰਨ ਗੋਡਿਆਂ ਦੇ ਭਾਰ ਬੈਠ ਕੇ ਜ਼ੋਰ-ਜ਼ੋਰ ਨਾਲ ਰੋਣ ਲੱਗੀ। ਰੋਂਦੇ ਹੋਏ ਕੈਰਿਨੀ ਨੇ ਕਿਹਾ ਕਿ ਇਹ ਪਹਿਲਾ ਮੁਕਾਬਲਾ ਸੀ ਜਿਸ 'ਚ ਉਸ ਨੇ ਇੰਨੇ ਜ਼ੋਰ ਨਾਲ ਮੁੱਕੇ ਮਹਿਸੂਸ ਕੀਤੇ। ਇਸ ਤੋਂ ਬਾਅਦ ਵਿਵਾਦ ਹੋਇਆ ਕਿ ਇਮਾਨ ਖਲੀਫਾ ਮਹਿਲਾ ਨਹੀਂ ਪੁਰਸ਼ ਹੈ। 

An absolute travesty at the Olympics.

Angela Carini is forced to box against a biological male. She quits after just 45 seconds, and cries hysterically as her opponent is declared the winner.

Don't look away. This is wokeness. pic.twitter.com/wOkVRs88t5

— End Wokeness (@EndWokeness) August 1, 2024

ਹਰਭਜਨ ਸਿੰਘ ਨੇ ਗੋਲਡ ਮੈਡਲ ਖੋਹਣ ਦੀ ਕਹੀ ਗੱਲ

ਹੁਣ ਇੱਕ ਮੈਡੀਕਲ ਰਿਪੋਰਟ ਵਿੱਚ ਖੁਲਾਸਾ ਹੋਇਆ ਹੈ ਕਿ ਇਮਾਨ ਖਲੀਫਾ ਵਿੱਚ ਪੁਰਸ਼ ਵਿਸ਼ੇਸ਼ਤਾਵਾਂ ਹਨ। ਇੱਕ ਮੈਡੀਕਲ ਰਿਪੋਰਟ ਲੀਕ ਹੋਈ ਹੈ, ਜਿਸ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਇਮਾਨ ਅਸਲ ਵਿੱਚ ਮਰਦ ਹੈ। ਇੱਕ ਫਰਾਂਸੀਸੀ ਪੱਤਰਕਾਰ ਅਨੁਸਾਰ, ਖਲੀਫਾ ਦੇ ਅੰਦਰੂਨੀ ਅੰਡਕੋਸ਼ ਅਤੇ XY ਕ੍ਰੋਮੋਸੋਮ (ਪੁਰਸ਼ ਕ੍ਰੋਮੋਸੋਮ) ਹਨ। ਪੱਤਰਕਾਰ ਪੀਅਰਸ ਮੋਰਗਨ ਨੇ ਵੀ ਇਸ ਸਬੰਧੀ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਉਸ ਨੇ ਕਿਹਾ ਹੈ ਕਿ ਅਸੀਂ ਸਾਰਿਆਂ ਨੇ ਉਸ ਸਮੇਂ ਜੋ ਕਿਹਾ ਸੀ ਕਿ ਇਮਾਨ ਖਲੀਫਾ ਇਕ ਆਦਮੀ ਹੈ, ਉਸ ਦੀ ਪੁਸ਼ਟੀ ਹੋ ​​ਗਈ ਹੈ। ਹੁਣ ਉਨ੍ਹਾਂ ਤੋਂ ਗੋਲਡ ਮੈਡਲ ਖੋਹ ਲਿਆ ਜਾਵੇ। ਭਾਰਤੀ ਟੀਮ ਦੇ ਸਾਬਕਾ ਦਿੱਗਜ ਸਪਿਨਰ ਹਰਭਜਨ ਸਿੰਘ ਨੇ ਵੀ ਤਿੱਖੀ ਪ੍ਰਤੀਕਿਰਿਆ ਦਿੱਤੀ ਹੈ। ਉਨ੍ਹਾਂ ਕਿਹਾ ਹੈ ਕਿ ਸੋਨ ਤਮਗਾ ਵਾਪਸ ਲੈ ਲਿਆ ਜਾਵੇ।

Take the Gold back @Olympics This isn’t fair https://t.co/ZO3yJmqdpY

— Harbhajan Turbanator (@harbhajan_singh) November 5, 2024