ਅਦਾਕਾਰਾ ਸਿਡਨੀ ਸਵੀਨੀ ਦੇ ਇਸ਼ਤਿਹਾਰ ''ਤੇ ਭੜਕੀਆਂ ਮਹਿਲਾ ਖਿਡਾਰਨਾਂ, ਲਾਏ ''ਸੈਕਸ਼ੂਅਲਾਈਜ਼'' ਕਰਨ ਦੇ ਦੋਸ਼

ਲੰਡਨ (ਏਜੰਸੀ)- ਮਹਿਲਾ ਐਥਲੀਟਾਂ ਨੇ ਅਮਰੀਕੀ ਅਦਾਕਾਰਾ ਸਿਡਨੀ ਸਵੀਨੀ ਦੇ ਇੱਕ ਇਸ਼ਤਿਹਾਰ ਦਾ ਸਖ਼ਤ ਵਿਰੋਧ ਕਰਦਿਆਂ ਇਸ ਨੂੰ ਖੇਡਾਂ ਵਿੱਚ ਔਰਤਾਂ ਨੂੰ "ਸੈਕਸੁਅਲਾਈਜ਼" ਦੇ ਨਜ਼ਰੀਏ ਨਾਲ ਦੇਖਣਾ ਕਰਾਰ ਦਿੱਤਾ ਹੈ। ਸਪੋਰਟਸ ਪ੍ਰੈਡਿਕਸ਼ਨ ਮਾਰਕੀਟ ਪਲੇਟਫਾਰਮ ਨੋਵਿਗ ਲਈ ਇਸ਼ਤਿਹਾਰ ਵਿੱਚ, ਸਵੀਨੀ ਬਹੁਤ ਘੱਟ ਜਾਂ ਬਿਨਾਂ ਕੱਪੜਿਆਂ ਦੇ ਦਿਖਾਈ ਦੇ ਰਹੀ ਹੈ। ਉਹ ਇਸ ਇਸ਼ਤਿਹਾਰ ਵਿੱਚ ਆਪਣੇ ਸਰੀਰ ਦੇ ਕੁੱਝ ਹਿੱਸਿਆ ਨੂੰ ਫੁੱਟਬਾਲ ਅਤੇ ਹੋਰ ਖੇਡਾਂ ਸਮੱਗਰੀ ਨਾਲ ਢੱਕਦੀ ਨਜ਼ਰ ਆ ਰਹੀ ਹੈ। ਕਈ ਮਹਿਲਾ ਐਥਲੀਟਾਂ ਨੇ ਸੋਸ਼ਲ ਮੀਡੀਆ 'ਤੇ ਇਸ ਇਸ਼ਤਿਹਾਰ ਦੀ ਆਲੋਚਨਾ ਕੀਤੀ ਹੈ ਅਤੇ ਇਸਨੂੰ ਔਰਤਾਂ ਲਈ ਅਪਮਾਨਜਨਕ ਦੱਸਿਆ।

ਚਾਰ ਵਾਰ ਦੀ ਓਲੰਪਿਕ ਤੈਰਾਕੀ ਸੋਨ ਤਮਗਾ ਜੇਤੂ ਏਰੀਆਰਨ ਟਿਟਮਸ ਨੇ ਇੰਸਟਾਗ੍ਰਾਮ 'ਤੇ ਲਿਖਿਆ, "ਮੈਂ ਇਹ ਵੀ ਨਹੀਂ ਦੱਸ ਸਕਦੀ ਕਿ ਇਹ ਦੇਖਣ ਤੋਂ ਬਾਅਦ ਮੈਨੂੰ ਕਿੰਨਾ ਗੁੱਸਾ ਆ ਰਿਹਾ ਹੈ। ਅਸੀਂ ਅਜਿਹੀ ਦੁਨੀਆ ਵਿੱਚ ਕਿਵੇਂ ਰਹਿ ਰਹੇ ਹਾਂ, ਜਿੱਥੇ ਔਰਤਾਂ ਦੇ ਸਰੀਰਾਂ ਦਾ ਵਪਾਰੀਕਰਨ ਅਤੇ ਔਰਤਾਂ ਦੀਆਂ ਖੇਡਾਂ ਦਾ ਜਿਨਸੀਕਰਣ ਕਰਨਾ ਅਜੇ ਵੀ ਆਮ ਗੱਲ ਹੈ?" 

ਸਾਬਕਾ ਅਮਰੀਕੀ ਜਿਮਨਾਸਟ ਗ੍ਰੇਸੀ ਕ੍ਰੈਮਰ ਨੇ ਵੀ ਇਸ ਇਸ਼ਤਿਹਾਰ ਨੂੰ ਬਹੁਤ ਹੀ ਅਪਮਾਨਜਨਕ ਦੱਸਿਆ। ਉਸਨੇ ਇੰਸਟਾਗ੍ਰਾਮ 'ਤੇ ਕਿਹਾ, "ਖੇਡਾਂ ਵਿੱਚ ਔਰਤਾਂ ਨੂੰ ਹਮੇਸ਼ਾ ਉਨ੍ਹਾਂ ਦੇ ਸਰੀਰ ਤੱਕ ਸੀਮਤ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ, ਜਦਕਿ ਉਨ੍ਹਾਂ ਦੀ ਅਸਲ ਪਛਾਣ ਉਨ੍ਹਾਂ ਦੀ ਮਿਹਨਤ ਅਤੇ ਸਮਰਪਣ ਹੈ।"

ਜਰਮਨ ਰਗਬੀ ਖਿਡਾਰਨ ਸੋਫੀ ਫੇਲਾ ਨੇ ਕਿਹਾ ਕਿ ਮਹਿਲਾ ਐਥਲੀਟਾਂ ਕੁੜੀਆਂ ਅਤੇ ਔਰਤਾਂ ਲਈ ਰੋਲ ਮਾਡਲ ਬਣ ਸਕਦੀਆਂ ਹਨ, ਕਿਉਂਕਿ ਉਹ ਸਮਾਜ ਦੇ ਸੁੰਦਰਤਾ ਅਤੇ ਨਾਰੀਵਾਦ ਦੇ ਆਦਰਸ਼ਾਂ ਤੋਂ ਆਪਣੇ ਆਪ ਨੂੰ "ਵੱਖ" ਕਰਨ ਦੇ ਯੋਗ ਹੁੰਦੀਆਂ ਹਨ। ਇਸ ਲਈ ਸਿਡਨੀ ਸਵੀਨੀ ਦਾ ਇਹ ਇਸ਼ਤਿਹਾਰ ਦੁਨੀਆ ਦੀ ਹਰ ਮਹਿਲਾ ਐਥਲੀਟ ਲਈ ਅਪਮਾਨਜਨਕ ਹੈ।"