ਫੀਫਾ 2022 ਦਾ ਪਹਿਲਾ ਗੋਲ ਕਰਨ ਵਾਲੇ ਐਨਰ ਵੇਲੇਂਸੀਆ ਦੇ ਸੰਘਰਸ਼ ਦੀ ਕਹਾਣੀ ਸੁਣ ਖੜ੍ਹੇ ਹੋ ਜਾਣਗੇ ਰੌਂਗਟੇ

ਸਪੋਰਟਸ ਡੈਸਕ : ਇਕਵਾਡੋਰ ਦੇ ਐਨਰ ਵੇਲੇਂਸੀਆ ਨੇ ਫੀਫਾ 2022 ਦੇ ਗਰੁੱਪ-ਏ ਮੈਚ ’ਚ ਕਤਰ ਦੇ ਖ਼ਿਲਾਫ਼ ਅਲ ਬੇਟ ਸਟੇਡੀਅਮ ’ਚ ਪਹਿਲਾ ਗੋਲ ਕੀਤਾ। ਵੇਲੇਂਸੀਆ ਨੇ 16ਵੇਂ ਮਿੰਟ ’ਚ ਪੈਨਲਟੀ ਅਤੇ 31ਵੇਂ ਮਿੰਟ ’ਚ ਮੈਦਾਨੀ ਗੋਲ ਕਰਕੇ ਆਪਣੀ ਟੀਮ ਨੂੰ ਬੜ੍ਹਤ ਦਿਵਾਈ। ਹਾਲਾਂਕਿ ਵੇਲੇਂਸੀਆ ਨੇ ਪਹਿਲੇ ਚਾਰ ਮਿੰਟਾਂ ’ਚ ਇਕਵਾਡੋਰ ਦਾ ਖਾਤਾ ਖੋਲ੍ਹ ਦਿੱਤਾ ਸੀ ਪਰ ਵੀ. ਏ. ਆਰ. ’ਚ ਆਫਸਾਈਡ ਪਾਏ ਜਾਣ ਤੋਂ ਬਾਅਦ ਗੋਲ ਰੱਦ ਕਰ ਦਿੱਤਾ ਗਿਆ। ਇਸ ਦੇ ਬਾਵਜੂਦ ਵੇਲੇਂਸੀਆ ਦੇ ਜ਼ਬਰਦਸਤ ਪ੍ਰਦਰਸ਼ਨ ਦੀ ਬਦੌਲਤ ਇਕਵਾਡੋਰ ਨੇ ਮੈਚ ’ਤੇ ਦਬਦਬਾ ਬਣਾਈ ਰੱਖਿਆ। ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਫੁੱਟਬਾਲ ਦਾ ਇਹ ਸਫ਼ਰ ਵੇਲੇਂਸੀਆ ਲਈ ਆਸਾਨ ਨਹੀਂ ਸੀ। ਉਸ ਨੇ ਆਪਣੀ ਜ਼ਿੰਦਗੀ ’ਚ ਬਹੁਤ ਸੰਘਰਸ਼ ਕੀਤਾ, ਜਿਸ ਵਿਚ ਇਕ ਵਾਰ ਉਸ ਦੀ ਭੈਣ ਦਾ ਅਗਵਾ ਵੀ ਸ਼ਾਮਲ ਸੀ।

ਇਹ ਖ਼ਬਰ ਵੀ ਪੜ੍ਹੋ ; FIFA 2022 Special : ਕਤਰ ’ਚ ਵਿਸ਼ਵ ਕੱਪ ਦੇ ਨਾਲ-ਨਾਲ ਇਹ ਵਿਵਾਦ ਵੀ ਚਰਚਾ ’ਚ ਰਹਿਣਗੇ

ਖਾਣ ਲਈ ਪੈਸੇ ਨਹੀਂ ਸਨ ਹੁੰਦੇ

ਐਨਰ ਵੇਲੇਂਸੀਆ ਐਸਮੇਰਾਲਡਸ ਸੂਬੇ ਤੋਂ ਹੈ, ਜਿੱਥੇ ਐਫਰੋ-ਇਕਵਾਡੋਰੀਅਨ ਮੂਲ ਦੇ ਲੋਕ ਰਹਿੰਦੇ ਹਨ। ਗ਼ਰੀਬ ਪਰਿਵਾਰ ’ਚੋਂ ਹੋਣ ਕਰਕੇ ਉਨ੍ਹਾਂ ਨੂੰ ਸ਼ੁਰੂ ’ਚ ਕਈ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਉਹ ਛੋਟੀ ਉਮਰ ’ਚ ਐਮਲੇਕ ਪਹੁੰਚ ਗਏ। ਉਨ੍ਹਾਂ ਨੂੰ ਗਰਾਊਂਡ ਦੇ ਨੇੜੇ ਹੀ ਰਹਿਣਾ ਪੈਂਦਾ ਸੀ ਕਿਉਂਕਿ ਉਨ੍ਹਾਂ ਕੋਲ ਕਿਤੇ ਹੋਰ ਕਮਰਾ ਖਰੀਦਣ ਲਈ ਪੈਸੇ ਨਹੀਂ ਸਨ। ਵੇਲੇਂਸੀਆ ਨੇ ਖੁਦ ਇਕ ਇੰਟਰਵਿਊ ਦੌਰਾਨ ਦੱਸਿਆ ਕਿ ਗ਼ਰੀਬੀ ਦੇ ਦਿਨਾਂ ’ਚ ਉਹ ਰੋਜ਼ ਸੋਚਦਾ ਸੀ ਕਿ ਅੱਜ ਖਾਣਾ ਕਿੱਥੋਂ ਮਿਲੇਗਾ।

ਇਹ ਖ਼ਬਰ ਵੀ ਪੜ੍ਹੋ : ਪੰਜਾਬ ਦੇ ਦਰਜਨਾਂ ਪਿੰਡ ਉਜਾੜ ਕੇ ਬਣੇ ਚੰਡੀਗੜ੍ਹ ’ਤੇ ਸਿਰਫ਼ ਪੰਜਾਬ ਦਾ ਹੱਕ : ਐਡਵੋਕੇਟ ਧਾਮੀ

ਭੈਣ ਨੂੰ ਅਗਵਾ ਕੀਤਾ ਗਿਆ ਸੀ

ਹਾਲਾਂਕਿ, ਵੇਲੇਂਸੀਆ ਨਾਲ ਕੁਝ ਵਿਵਾਦ ਵੀ ਜੁੜੇ ਹੋਏ ਹਨ। ਅਕਤੂਬਰ 2016 ’ਚ ਇਕਵਾਡੋਰ ਵਿਚ ਬਿਨਾਂ ਭੁਗਤਾਨ ਕੀਤੇ ਬੱਚਿਆਂ ਦੀ ਸਹਾਇਤਾ ਲਈ ਉਸ ਦੀ ਗ੍ਰਿਫ਼ਤਾਰੀ ਦਾ ਵਾਰੰਟ ਜਾਰੀ ਕੀਤਾ ਗਿਆ ਸੀ। ਇਸੇ ਤਰ੍ਹਾਂ ਅਗਸਤ 2020 ’ਚ ਵੇਲੇਂਸੀਆ ਦੀ ਭੈਣ ਆਰਸ ਨੂੰ ਸੈਨ ਲੋਰੇਂਜ਼ੋ ’ਚ ਇਕ ਹਥਿਆਰਬੰਦ ਗਿਰੋਹ ਨੇ ਬੰਧਕ ਬਣਾ ਲਿਆ ਸੀ। ਵੇਲੇਂਸੀਆ ਨੂੰ ਅਰਸੀ ਨੂੰ ਰਿਹਾਅ ਕਰਵਾਉਣ ਲਈ ਕਾਫੀ ਸੰਘਰਸ਼ ਕਰਨਾ ਪਿਆ। ਅਰਸੀ ਨੂੰ ਆਖਿਰਕਾਰ 10 ਦਿਨਾਂ ਬਾਅਦ ਛੱਡ ਕਰ ਦਿੱਤਾ ਗਿਆ।

 ਇਕਵਾਡੋਰ ਲਈ ਵੇਲੇਂਸੀਆ ਦੇ ਗੋਲ 

ਸਾਲ 2012 : 0
ਸਾਲ 2013 : 1
ਸਾਲ 2014 : 10
ਸਾਲ 2015 : 2
ਸਾਲ 2016 : 6
ਸਾਲ 2017 : 2
ਸਾਲ 2018 : 6
ਸਾਲ 2019 : 4
ਸਾਲ 2020 : 0
ਸਾਲ 2021 : 3
ਸਾਲ 2022 : 3
ਮੈਚ 75, ਗੋਲ 37