ਜੋਕੋਵਿਚ 6ਵੀਂ ਵਾਰ ਵਿੰਬਲਡਨ ਦੇ ਫਾਈਨਲ 'ਚ

ਲੰਡਨ— ਵਿਸ਼ਵ ਦੇ ਨੰਬਰ ਇਕ ਖਿਡਾਰੀ ਨੋਵਾਕ ਜੋਕੋਵਿਚ ਨੇ ਸ਼ੁੱਕਰਵਾਰ ਨੂੰ ਇੱਥੇ ਚਾਰ ਸੈੱਟਾਂ ਤਕ ਚੱਲੇ ਸਖਤ ਮੁਕਾਬਲੇ 'ਚ ਰਾਬਰਟੋ ਬਾਤਿਸਤਾ ਆਗੁਤ ਨੂੰ 6-2, 4-6, 6-2 ਨਾਲ ਹਰਾ ਕੇ 6ਵੀਂ ਵਾਰ ਵਿੰਬਲਡਨ ਟੈਨਿਸ ਟੂਰਨਾਮੈਂਟ ਦੇ ਫਾਈਨਲ 'ਚ ਜਗ੍ਹਾ ਬਣਾਈ। ਜੋਕੋਵਿਚ 25ਵੀਂ ਵਾਰ ਕਿਸੇ ਗ੍ਰੈਂਡ ਸਲੈਮ ਟੂਰਨਾਮੈਂਟ ਦੇ ਫਾਈਨਲ 'ਚ ਪਹੁੰਚੇ ਹਨ। ਉਹ ਹੁਣ ਤਕ 15 ਵਾਰ ਖਿਤਾਬ ਜਿੱਤਣ 'ਚ ਸਫਲ ਰਹੇ ਹਨ। ਵਿੰਬਲਡਨ 'ਚ ਚਾਰ ਵਾਰ ਦੇ ਚੈਂਪੀਅਨ ਸਰਬੀਆਈ ਖਿਡਾਰੀ ਨੂੰ ਫਾਈਨਲ 'ਚ ਰੋਜਰ ਫੈਡਰਰ ਤੇ ਰਾਫੇਲ ਨਡਾਲ ਦੇ ਵਿਚ ਹੋਣ ਵਾਲੇ ਮੈਚ ਦੇ ਜੇਤੂ ਨਾਲ ਭਿੜਣਾ ਹੋਵੇਗਾ। ਵਿੰਬਲਡਨ ਫਾਈਨਲ 'ਚ ਜੋਕੋਵਿਚ ਦਾ ਰਿਕਾਰਡ 4-1 ਦਾ ਹੈ। ਉਸ ਨੂੰ ਇਕ ਹਾਰ 2013 'ਚ ਐਂਡੀ ਮਰੇ ਤੋਂ ਝੱਲਣੀ ਪਈ। ਜੋਕੋਵਿਚ ਦਾ ਫੈਡਰਰ ਵਿਰੁੱਧ 25-22 ਤੇ ਨਡਾਲ 'ਤੇ 28-26 ਦਾ ਰਿਕਾਰਡ ਹੈ। ਜੋਕੋਵਿਚ ਨੇ ਬਾਅਦ 'ਚ ਕਿਹਾ ਕਿ ਇਹ ਮੇਰੇ ਲਈ ਯਾਦਗਾਰ ਰਿਹਾ ਤੇ ਇਕ ਹੋਰ ਫਾਈਨਲ 'ਚ ਪਹੁੰਚਣ ਦਾ ਸੁਪਨਾ ਸੱਚ ਹੋਣ ਵਰਗਾ ਹੈ।

ਰਾਬਰਟੋ ਪਹਿਲੀ ਵਾਰ ਗ੍ਰੈਂਡ ਸਲੈਮ ਦੇ ਸੈਮੀਫਾਈਨਲ 'ਚ ਖੇਡ ਰਿਹਾ ਸੀ ਤੇ ਉਹ ਅਸਲ 'ਚ ਘਬਰਾਇਆ ਨਹੀਂ ਸੀ। ਇਸ 32 ਸਾਲਾ ਖਿਡਾਰੀ ਨੇ ਕਿਹਾ ਕਿ ਤੀਜੇ ਸੈੱਟ ਦੇ ਪਹਿਲੇ ਚਾਰ-ਪੰਜ ਖੇਡ ਬਹੁਤ ਨੇੜੇ ਰਹੀ, ਜਿਸ ਨੂੰ ਕੋਈ ਵੀ ਜਿੱਤ ਸਕਦਾ ਸੀ। ਖੁਸ਼ਕਿਸਮ ਨਾਲ ਉਹ ਮੇਰੇ ਪੱਖ 'ਚ ਗਏ। ਜੋਕੋਵਿਚ ਨੇ ਵਧੀਆ ਸ਼ੁਰੂਆਤ ਕੀਤੀ ਪਰ ਸਪੇਨ ਦੇ 23ਵੇਂ ਦਰਜਾ ਪ੍ਰਾਪਤ ਆਗੁਤ ਨੇ ਜਲਦ ਹੀ ਲੈਅ ਹਾਸਲ ਕਰ ਲਈ। ਜੋਕੋਵਿਚ ਨੇ ਪਹਿਲੇ ਸੈੱਟ ਦੇ ਸ਼ੁਰੂਆਤ 'ਚ ਹੀ ਆਗੁਤ ਦੀ ਸਰਵਿਸ ਤੋੜ ਦਿੱਤੀ ਸੀ ਤੇ ਫਿਰ ਆਖਰੀ ਖੇਡ 'ਚ ਵੀ ਬ੍ਰੇਕ ਪੁਆਇੰਟ ਲੈ ਕੇ ਇਹ ਸੈੱਟ ਆਸਾਨੀ ਨਾਲ ਆਪਣੇ ਨਾਂ ਕੀਤਾ। ਆਗੁਤ ਨੇ ਹਾਲਾਂਕਿ ਦੂਜੇ ਸੈੱਟ 'ਚ ਵਧੀਆ ਵਾਪਸੀ ਕੀਤੀ। ਉਨ੍ਹਾਂ ਨੇ ਤੀਜੇ ਖੇਡ 'ਚ ਜੋਕੋਵਿਚ ਦੀ ਸਰਵਿਸ ਤੋੜ ਕੇ 2-1 ਨਾਲ ਬੜ੍ਹਤ ਬਣਾਈ। ਸਪੇਨ ਦੇ ਇਸ ਖਿਡਾਰੀ ਨੂੰ ਪੰਜਵੇਂ ਖੇਡ 'ਚ ਵੀ ਦੋ ਬ੍ਰੇਕ ਪੁਆਇੰਟ ਮਿਲੇ ਪਰ ਉਹ ਉਸਦਾ ਫਾਇਦਾ ਨਹੀਂ ਚੁੱਕ ਸਕਿਆ। ਆਗੁਤਾ ਨੇ ਹਾਲਾਂਕਿ ਸ਼ੁਰੂਆਤੀ ਬੜ੍ਹਤ ਦਾ ਫਾਇਦਾ ਚੁੱਕਿਆ ਤੇ ਆਪਣੀ ਸਰਵਿਸ 'ਤੇ ਇਹ ਸੈੱਟ ਜਿੱਤ ਕੇ ਮੈਚ ਬਰਾਬਰੀ 'ਤੇ ਲਿਆ ਦਿੱਤਾ। ਜੋਕੋਵਿਚ ਨੇ ਇਸ ਤੋਂ ਬਾਅਦ ਆਪਣੇ ਤਜਰਬੇ ਦਾ ਇਸਤੇਮਾਲ ਕੀਤਾ। ਉਨ੍ਹਾਂ ਨੇ ਤੀਜੇ ਸੈੱਟ 'ਚ ਵੀ ਦੋ ਵਾਰ ਬ੍ਰੇਕ ਪੁਆਇੰਟ ਬਚਾਏ। ਇਸ ਚੋਟੀ ਦੇ ਦਰਜਾ ਪ੍ਰਾਪਤ ਸਰਬੀਆਈ ਖਿਡਾਰੀ ਨੇ 6ਵੀਂ ਖੇਡ 'ਚ ਆਗੁਤ ਦੀ ਸਰਵਿਸ ਤੋੜ ਕੇ 4-2 ਨਾਲ ਬੜ੍ਹਤ ਬਣਾਈ ਤੇ ਅਗਲੇ ਖੇਡ 'ਚ ਦੇ ਬ੍ਰੇਕ ਪੁਆਇੰਟ ਬਚਾ ਕੇ ਸਪੈਨਿਸ਼ ਖਿਡਾਰੀ ਦੀ ਵਾਪਸੀ ਦੀ ਉਮੀਦਾ 'ਤੇ ਪਾਣੀ ਫੇਰਿਆ। ਚੌਥੇ ਸੈੱਟ 'ਚ ਜੋਕੋਵਿਚ ਸ਼ੁਰੂ ਤੋਂ ਹੀ ਹਾਵੀ ਹੋ ਗਏ ਤੇ ਉਨ੍ਹਾਂ ਨੇ ਆਗੁਤ ਨੂੰ ਕੋਈ ਮੌਕਾ ਨਹੀਂ ਦਿੱਤਾ। ਇਹ ਅਲੱਗ ਗੱਲ ਹੈ ਕਿ ਉਨ੍ਹਾਂ ਨੇ ਪੰਜਵੇਂ ਮੈਚ ਪੁਆਇੰਟ 'ਤੇ ਦਰਜ ਕੀਤੀ।