ਜੋਕੋਵਿਚ ਅਤੇ ਕਿਰਗਿਓਸ ਦੀ ਜੋੜੀ ਬ੍ਰਿਸਬੇਨ ਇੰਟਰਨੈਸ਼ਨਲ ਦੇ ਕੁਆਰਟਰ ਫਾਈਨਲ ਵਿੱਚ ਹਾਰੀ

ਬ੍ਰਿਸਬੇਨ- ਨੋਵਾਕ ਜੋਕੋਵਿਚ ਅਤੇ ਨਿਕ ਕਿਰਗਿਓਸ ਦੀ ਜੋੜੀ ਬੁੱਧਵਾਰ ਨੂੰ ਬ੍ਰਿਸਬੇਨ ਇੰਟਰਨੈਸ਼ਨਲ ਦੇ ਪੁਰਸ਼ ਡਬਲਜ਼ ਦੇ ਕੁਆਰਟਰ ਫਾਈਨਲ ਵਿੱਚ ਨਿਕੋਲਾ ਮੇਕਟਿਕ ਅਤੇ ਮਾਈਕਲ ਵੀਨਸ ਤੋਂ ਹਾਰ ਗਈ। ਇੱਕ ਘੰਟਾ 48 ਮਿੰਟ ਤੱਕ ਚੱਲੇ ਮੈਚ ਵਿੱਚ ਨਿਕੋਲਾ ਮੇਕਟਿਕ ਅਤੇ ਮਾਈਕਲ ਵੀਨਸ ਨੇ ਨੋਵਾਕ ਜੋਕੋਵਿਚ ਅਤੇ ਨਿਕ ਕਿਰਗਿਆਸ ਦੀ ਜੋੜੀ ਨੂੰ 6-2, 3-6, 10-8 ਨਾਲ ਹਰਾਇਆ। 

ਪਹਿਲਾ ਸੈੱਟ 6-2 ਨਾਲ ਗੁਆਉਣ ਤੋਂ ਬਾਅਦ ਜੋਕੋਵਿਚ ਅਤੇ ਕਿਰਗਿਓਸ ਦੀ ਜੋੜੀ ਨੇ ਦੂਜਾ ਸੈੱਟ 6-3 ਨਾਲ ਜਿੱਤ ਕੇ ਮੈਚ ਨੂੰ ਆਖਰੀ ਗੇਮ ਤੱਕ ਪਹੁੰਚਾਇਆ। ਨਿਕੋਲਾ ਮੇਕਟਿਕ ਅਤੇ ਮਾਈਕਲ ਵੀਨਸ ਨੇ ਜੋਕੋਵਿਚ ਦੀ ਗਲਤੀ ਦਾ ਫਾਇਦਾ ਉਠਾਇਆ ਅਤੇ ਤੀਜਾ ਸੈੱਟ 10-8 ਨਾਲ ਜਿੱਤ ਕੇ ਟੂਰਨਾਮੈਂਟ ਦੇ ਸੈਮੀਫਾਈਨਲ 'ਚ ਪ੍ਰਵੇਸ਼ ਕੀਤਾ।