ਅਮਰੀਕਾ ’ਚ ਧੋਨੀ ਇਹ ਖੇਡ ਖੇਡਦੇ ਆਏ ਨਜ਼ਰ, ਜਾਧਵ ਨੇ ਸ਼ੇਅਰ ਕੀਤੀ ਤਸਵੀਰ
Sunday, Sep 01, 2019 - 09:51 PM (IST)
ਨਵੀਂ ਦਿੱਲੀ— ਭਾਰਤੀ ਟੀਮ ਦੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਇਸ ਸਮੇਂ ਕ੍ਰਿਕਟ ਤੋਂ ਦੂਰ ਹਨ ਤੇ ਉਹ ਇਕ ਹੋਰ ਖੇਡ ਖੇਡਦੇ ਨਜ਼ਰ ਆ ਰਹੇ ਹਨ। ਜਿਸ ’ਚ ਉਸ ਨਾਲ ਕੇਦਾਰ ਜਾਧਵ ਵੀ ਦਿਖਾਈ ਦੇ ਰਹੇ। ਐੱਮ. ਐੱਸ. ਧੋਨੀ ਦੱਖਣੀ ਅਫਰੀਕਾ ਵਿਰੁੱਧ ਸਤੰਬਰ ’ਚ ਖੇਡੀ ਜਾਣ ਵਾਲੀ ਟੀ-20 ਅੰਤਰਰਾਸ਼ਟਰੀ ਸੀਰੀਜ਼ ਲਈ ਨਹੀਂ ਚੁਣੇ ਗਏ। ਅਜਿਹਾ ਪਹਿਲੀ ਵਾਰ ਹੋਵੇਗਾ ਜਦੋਂ ਭਾਰਤੀ ਟੀਮ ਬਿਨ੍ਹਾ ਧੋਨੀ ਦੇ ਦੱਖਣੀ ਅਫਰੀਕਾ ਵਿਰੁੱਧ ਟੀ-20 ਸੀਰੀਜ਼ ਖੇਡੇਗੀ।
ਦਰਅਸਲ ਕੇਦਾਰ ਜਾਧਵ ਨੇ ਅਮਰੀਕਾ ’ਚ ਇਕ ਤਸਵੀਰ ਆਪਣੇ ਅਧਿਕਾਰਕ ਇੰਸਟਾਗ੍ਰਾਮ ਅਕਾਊਂਟ ’ਤੇ ਸ਼ੇਅਰ ਕੀਤੀ। ਰਾਸ਼ਟਰੀ ਖੇਡ ਦਿਵਸ ਦੀ ਵਧਾਈ ਦਿੰਦਿਆਂ ਕੇਦਾਰ ਜਾਧਵ ਨੇ ਕਿਹਾ ਕਿ ਮੈਂ ਤੇ ਧੋਨੀ ਇਸ ਸਮੇਂ ਯੂ. ਐੱਸ. ’ਚ ਹਾਂ ਤੇ ਗੋਲਫ ਖੇਡ ਰਹੇ ਹਾਂ। ਜ਼ਿਕਰਯੋਗ ਹੈ ਕਿ ਧੋਨੀ ਆਖਰੀ ਵਾਰ ਵਿਸ਼ਵ ਕੱਪ ’ਚ ਖੇਡਦੇ ਹੋਏ ਨਜ਼ਰ ਆਏ ਸਨ, ਜਦਕਿ ਕੇਦਾਰ ਜਾਧਵ ਵੈਸਟਇੰਡੀਜ਼ ਦੌਰੇ ਤੇ ਵਨ ਡੇ ਟੀਮ ਦਾ ਹਿੱਸਾ ਹਨ ਤੇ ਜਾਧਵ ਪਲੇਇੰਗ ਇਲੈਵਨ ’ਚ ਸ਼ਾਮਲ ਹਨ।
