ਹੈਟ੍ਰਿਕ ਲੈਣ ਵਾਲੇ ਦੀਪਕ ਚਾਹਰ ਨੇ ਖੋਲਿਆ ਸ਼ਾਨਦਾਰ ਗੇਂਦਬਾਜ਼ੀ ਕਰਨ ਦਾ ਰਾਜ਼
11/11/2019 11:14:21 AM
ਸਪੋਰਟਸ ਡੈਸਕ— ਦੀਪਕ ਚਾਹਰ ਨੇ ਹੈਟ੍ਰਿਕ ਸਮੇਤ 6 ਵਿਕਟ ਲਏ ਜਿਸ ਨਾਲ ਭਾਰਤ ਨੇ ਗੇਂਦਬਾਜ਼ੀ ਦੇ ਨਾਲ-ਨਾਲ ਬੱਲੇਬਾਜ਼ੀ 'ਚ ਵੀ ਸ਼ਾਨਦਾਰ ਵਾਪਸੀ ਕਰਕੇ ਬੰਗਲਾਦੇਸ਼ ਨੂੰ ਤੀਜੇ ਅਤੇ ਫੈਸਲਾਕੁੰਨ ਟੀ-20 ਕੌਮਾਂਤਰੀ ਕ੍ਰਿਕਟ ਮੈਚ 'ਚ ਐਤਵਾਰ ਨੂੰ ਇੱਥੇ 30 ਦੌੜਾਂ ਨਾਲ ਹਰਾ ਕੇ ਤਿੰਨ ਮੈਚਾਂ ਦੀ ਸੀਰੀਜ਼ 2-1 ਨਾਲ ਜਿੱਤੀ।
ਮੈਚ ਖਤਮ ਹੋਣ ਦੇ ਬਾਅਦ ਚਾਹਰ ਨੇ ਕਿਹਾ, ''ਮੈਂ ਸੋਚਿਆ ਨਹੀਂ ਸੀ ਕਿ ਅਜਿਹਾ ਕੁਝ ਹੋਵੇਗਾ। ਮੈਂ ਖੁਸ਼ ਹਾਂ। ਮੈਂ ਸਿਰਫ ਸਖਤ ਮਿਹਨਤ ਕਰਨਾ ਚਾਹੁੰਦਾ ਹਾਂ। ਇਹ ਸਭ ਰੱਬ ਦੀ ਮਿਹਰਬਾਨੀ ਹੈ ਕਿ ਮੈਂ ਇੱਥੇ ਹਾਂ। ਮੈਚ 'ਚ ਨਵੀਂ ਗੇਂਦ ਦੇ ਨਾਲ ਪਲੈਨ (ਯੋਜਨਾ) ਨੂੰ ਅੱਗੇ ਵਧਾਉਣਾ ਸੀ। ਮੈਨੂੰ ਦੱਸਿਆ ਗਿਆ ਸੀ ਕਿ ਮੈਂ ਮਹੱਤਵਪੂਰਨ ਓਵਰਾਂ 'ਚ ਗੇਂਦਬਾਜ਼ੀ ਕਰਾਂਗਾ। ''
ਜ਼ਿਕਰਯੋਗ ਹੈ ਕਿ ਸਲਾਮੀ ਬੱਲੇਬਾਜ਼ਾਂ ਦੀ ਅਸਫਲਤਾ ਦੇ ਬਾਅਦ ਕੇ. ਐੱਲ. ਰਾਹੁਲ (35 ਗੇਂਦਾਂ 'ਤੇ 52 ਦੌੜਾਂ) ਅਤੇ ਸ਼੍ਰੇਅਸ ਅਈਅਰ (33 ਗੇਂਦਾਂ 'ਤੇ 62 ਦੌੜਾਂ) ਨੇ ਤੀਜੇ ਵਿਕਟ ਲਈ 59 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਜਿਸ ਨਾਲ ਭਾਰਤ ਪੰਜ ਵਿਕਟ 'ਤੇ 174 ਦੌੜਾਂ ਦਾ ਚੁਣੌਤੀਪੂਰਨ ਸਕੋਰ ਬਣਾਉਣ 'ਚ ਸਫਲ ਰਿਹਾ।