ਡੇਵਿਡ ਵਾਰਨਰ ਸਿਡਨੀ ਥੰਡਰ ਦਾ ਕਪਤਾਨ ਨਿਯੁਕਤ

ਸਿਡਨੀ- ਆਸਟਰੇਲੀਆ ਦੇ ਸਾਬਕਾ ਵਿਸਫੋਟਕ ਬੱਲੇਬਾਜ਼ ਡੇਵਿਡ ਵਾਰਨਰ ਨੂੰ ਬਿਗ ਬੈਸ਼ ਲੀਗ (ਬੀਬੀਐਲ) 2024-25 ਲਈ ਸਿਡਨੀ ਥੰਡਰ ਦਾ ਕਪਤਾਨ ਨਿਯੁਕਤ ਕੀਤਾ ਗਿਆ ਹੈ। 2018 ਵਿੱਚ, ਵਾਰਨਰ ਨੂੰ ਦੱਖਣੀ ਅਫਰੀਕਾ ਦੇ ਖਿਲਾਫ ਮੈਚ ਵਿੱਚ ਗੇਂਦ ਨਾਲ ਛੇੜਛਾੜ ਕਰਨ ਲਈ ਉਮਰ ਭਰ ਲਈ ਕਪਤਾਨੀ ਤੋਂ ਪਾਬੰਦੀ ਲਗਾਈ ਗਈ ਸੀ। ਡੇਵਿਡ ਵਾਰਨਰ ਨੇ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਹੈ।

ਹਾਲ ਹੀ 'ਚ ਡੇਵਿਡ ਵਾਰਨਰ ਨੇ ਕਪਤਾਨੀ 'ਤੇ ਲੱਗੀ ਪਾਬੰਦੀ ਦੇ ਖਿਲਾਫ ਅਪੀਲ ਕੀਤੀ ਸੀ। ਜਿਸ ਤੋਂ ਬਾਅਦ ਕ੍ਰਿਕਟ ਆਸਟ੍ਰੇਲੀਆ ਦੇ ਕੋਡ ਆਫ ਕੰਡਕਟ ਕਮਿਸ਼ਨ ਨੇ ਉਸ 'ਤੇ ਲਗਾਈ ਪਾਬੰਦੀ ਨੂੰ ਖਤਮ ਕਰ ਦਿੱਤਾ। ਸਮੀਖਿਆ ਪੈਨਲ ਨੇ ਕਿਹਾ, "ਵਾਰਨਰ ਦੇ ਜਵਾਬਾਂ ਦੇ ਸਤਿਕਾਰਯੋਗ ਅਤੇ ਪਛਤਾਵੇ ਵਾਲੇ ਲਹਿਜੇ ਨੇ ਸਮੀਖਿਆ ਪੈਨਲ ਨੂੰ ਪ੍ਰਭਾਵਿਤ ਕੀਤਾ ਅਤੇ ਉਸ ਨੂੰ ਆਪਣੇ ਵਿਹਾਰ ਲਈ ਬਹੁਤ ਪਛਤਾਵਾ ਹੈ।"

ਸਿਡਨੀ ਥੰਡਰ ਦਾ ਕਪਤਾਨ ਬਣਾਏ ਜਾਣ 'ਤੇ ਡੇਵਿਡ ਵਾਰਨਰ ਨੇ ਕਿਹਾ, ''ਸਿਡਨੀ ਥੰਡਰ ਦੀ ਕਪਤਾਨੀ ਕਰਨਾ ਮੇਰੇ ਲਈ ਬਹੁਤ ਮਾਅਨੇ ਰੱਖਦਾ ਹੈ। ਮੈਂ ਸ਼ੁਰੂ ਤੋਂ ਹੀ ਇਸ ਟੀਮ ਦਾ ਹਿੱਸਾ ਰਿਹਾ ਹਾਂ। ਹੁਣ ਮੇਰੇ ਨਾਮ ਦੇ ਸਾਹਮਣੇ 'ਸੀ' ਦੇ ਨਾਲ ਵਾਪਸ ਆ ਕੇ ਬਹੁਤ ਵਧੀਆ ਮਹਿਸੂਸ ਹੋ ਰਿਹਾ ਹੈ, ਵਾਰਨਰ ਨੇ ਪਹਿਲਾਂ 2011 ਵਿੱਚ ਇੱਕ ਵਾਰ ਥੰਡਰ ਦੀ ਅਗਵਾਈ ਕੀਤੀ ਸੀ ਅਤੇ ਮੈਲਬੌਰਨ ਸਟਾਰਸ ਦੇ ਖਿਲਾਫ ਅਜੇਤੂ 102 ਦੌੜਾਂ ਬਣਾਈਆਂ ਸਨ।