ਕੋਸਟਾ ਰਿਕਾ ਨੂੰ ਹਰਾ ਕੇ ਕੋਲੰਬੀਆ ਕੋਪਾ ਅਮਰੀਕਾ ਕੱਪ ਦੇ ਕੁਆਟਰ ਫਾਈਨਲ 'ਚ ਪਹੁੰਚਿਆ

ਗਲੇਂਡੇਲ : ਡੇਵਿਨਸਨ ਸਾਂਚੇਜ਼ ਅਤੇ ਜਾਨ ਕੋਰਡੋਬਾ ਦੇ ਦੂਜੇ ਹਾਫ ਦੇ ਤਿੰਨ ਮਿੰਟਾਂ ਦੇ ਅੰਦਰ ਹੀ ਗੋਲ ਕੀਤੇ ਜਿਸ ਨਾਲ ਕੋਲੰਬੀਆ ਨੇ ਕੋਸਟਾ ਰੀਕਾ ਨੂੰ 3-0 ਨਾਲ ਹਰਾ ਕੇ ਕੋਪਾ ਅਮਰੀਕਾ ਦੇ ਕੁਆਰਟਰ ਫਾਈਨਲ ਵਿੱਚ ਪ੍ਰਵੇਸ਼ ਕਰ ਲਿਆ ਹੈ। ਕੋਲੰਬੀਆ ਨੇ ਗਰੁੱਪ ਡੀ ਮੈਚ ਦੀ ਸ਼ੁਰੂਆਤ ਤੋਂ ਹੀ ਹਾਵੀ ਰਿਹਾ। ਲੁਈਸ ਡਾਜ ਨੇ 31ਵੇਂ ਮਿੰਟ ਵਿੱਚ ਪੈਨਲਟੀ ਨੂੰ ਗੋਲ ਵਿੱਚ ਬਦਲ ਕੇ ਟੀਮ ਨੂੰ ਬੜ੍ਹਤ ਦਿਵਾਈ। ਸਾਂਚੇਜ਼ ਅਤੇ ਕੋਰਡੋਬਾ ਨੇ ਦੂਜੇ ਹਾਫ ਵਿੱਚ ਮੈਚ ਦੇ 59ਵੇਂ ਅਤੇ 62ਵੇਂ ਮਿੰਟ ਵਿੱਚ ਗੋਲ ਕਰਕੇ ਟੀਮ ਦੀ ਬੜ੍ਹਤ 3-0 ਨਾਲ ਵਧਾ ਦਿੱਤੀ।
ਕੋਲੰਬੀਆ ਹੁਣ ਮੰਗਲਵਾਰ ਨੂੰ ਖੇਡੇ ਜਾਣ ਵਾਲੇ ਗਰੁੱਪ ਮੈਚ ਵਿੱਚ ਬ੍ਰਾਜ਼ੀਲ ਦੀ ਚੁਣੌਤੀ ਦਾ ਸਾਹਮਣਾ ਕਰੇਗਾ। 2022 ਵਿਸ਼ਵ ਕੱਪ ਕੁਆਲੀਫਾਇਰ ਵਿੱਚ ਅਰਜਨਟੀਨਾ ਤੋਂ ਹਾਰਨ ਤੋਂ ਬਾਅਦ ਕੋਲੰਬੀਆ ਦੀ 25 ਮੈਚਾਂ ਵਿੱਚ ਇਹ 20ਵੀਂ ਅਤੇ ਲਗਾਤਾਰ 10ਵੀਂ ਜਿੱਤ ਹੈ। ਟੀਮ ਨੇ ਇਸ ਦੌਰਾਨ ਪੰਜ ਮੈਚ ਡਰਾਅ ਖੇਡੇ ਹਨ। ਕੋਸਟਾ ਰਿਕਾ ਦੀ ਟੀਮ ਪੂਰੇ ਮੈਚ ਵਿੱਚ ਇੱਕ ਵਾਰ ਵੀ ਕੋਲੰਬੀਆ ਦੇ ਰੱਖਿਆ ਲਾਈਨ ਨੂੰ ਪਾਰ ਨਹੀਂ ਕਰ ਸਕੀ।