ਮੈਚ ਦੌਰਾਨ ਅੰਪਾਇਰ ਦੀ ਗਲਤੀ 'ਤੇ ਭੜਕੇ ਕਪਤਾਨ ਕੋਹਲੀ

ਨਵੀਂ ਦਿੱਲੀ (ਬਿਊਰੋ)— ਭਾਰਤ-ਸ਼੍ਰੀਲੰਕਾ ਦਰਿਮਆਨ ਈਡਨ ਗਾਰਡਨ ਵਿਚ ਚੱਲ ਰਹੇ ਪਹਿਲੇ ਟੈਸਟ ਮੈਚ ਦੌਰਾਨ ਅੰਪਾਇਰ ਤੋਂ ਵੱਡੀ ਗਲਤੀ ਹੋਈ, ਜਿਸਦਾ ਖਾਮਿਆਜਾ ਟੀਮ ਨੂੰ ਭੁਗਤਣਾ ਪਿਆ। ਦੂਜੇ ਦਿਨ ਮੈਚ ਦੇ 53ਵੇਂ ਓਵਰ ਦੀ ਚੌਥੀ ਗੇਂਦ ਉੱਤੇ ਸ਼੍ਰੀਲੰਕਾ ਦੇ ਕਪਤਾਨ ਵਲੋਂ ਆਈ.ਸੀ.ਸੀ. ਦੇ ਨਿਯਮਾਂ ਦੀ ਉਲੰਘਣਾ ਕਰਦੇ ਹੋਏ ਫੇਕ ਫਿਲਡਿੰਗ ਦੇਖਣ ਨੂੰ ਮਿਲੀ। ਅੰਪਾਇਰ ਨੇ ਇਸਨੂੰ ਨਜ਼ਰਅੰਦਾਜ ਕਰ ਦਿੱਤਾ ਜਿਸਦੇ ਕਾਰਨ ਭਾਰਤ ਨੂੰ ਫੇਕ ਫਿਲਡਿੰਗ ਦੀਆਂ 5 ਦੌੜਾਂ ਨਹੀਂ ਮਿਲ ਸਕੀਆ।

ਚਾਂਦੀਮਲ ਨੇ ਕੀਤਾ ਥਰੋ ਕਰਨ ਦਾ ਇਸ਼ਾਰਾ
ਭੁਵਨੇਸ਼ਵਰ ਕੁਮਾਰ ਦੇ ਨਾਲ ਉਸ ਸਮੇਂ ਮੁਹੰਮਦ ਸ਼ਮੀ ਕਰੀਜ ਉੱਤੇ ਮੌਜੂਦ ਸਨ। ਭੁਵੀ ਨੇ ਸ਼ਾਰਟ ਖੇਡਿਆ ਅਤੇ ਦੂਜੀ ਦੌੜ ਲੈਣ ਲਈ ਸ਼ਮੀ ਨੂੰ ਬੁਲਾਇਆ। ਗੇਂਦ ਦੇ ਪਿੱਛੇ ਭੱਜੇ ਰਹੇ ਸ਼ਰੀਲੰਕਾਈ ਕਪਤਾਨ ਦਿਨੇਸ਼ ਚਾਂਡੀਮਲ ਨੇ ਸਲਾਇਡ ਲਗਾਈ ਅਤੇ ਥਰੋ ਕਰਨ ਦਾ ਇਸ਼ਾਰਾ ਕੀਤਾ ਜਦੋਂ ਕਿ ਉਹ ਗੇਂਦ ਦੇ ਬਿਲਕੁਲ ਕਰੀਬ ਨਹੀਂ ਸਨ ਅਤੇ ਦੂਜੇ ਫੀਲਡਰ ਨੇ ਗੇਂਦ ਫੜ ਕੇ ਥਰੋ ਕੀਤਾ।

ਗ਼ੁੱਸੇ ਵਿਚ ਦਿੱਸੇ ਕੋਹਲੀ
ਅੰਪਾਇਰ ਵਲੋਂ ਫੇਕ ਫੀਲਡਿੰਗ ਦੀ ਪੈਨੇਲਟੀ ਨਾ ਮਿਲਣ ਉੱਤੇ ਕਪਤਾਨ ਵਿਰਾਟ ਕੋਹਲੀ ਵੀ ਗ਼ੁੱਸੇ ਵਿਚ ਦਿੱਸੇ। ਉਨ੍ਹਾਂ ਨੇ ਅੰਪਾਇਰ ਵੱਲ ਵੀ 5 ਦੌੜਾਂ ਦੇਣ ਦਾ ਇਸ਼ਾਰਾ ਕੀਤਾ ਪਰ ਉਨ੍ਹਾਂ ਵੱਲ ਕਿਸੇ ਦਾ ਧਿਆਨ ਨਹੀਂ ਗਿਆ।

ਕੀ ਹੈ ਫੇਕ ਫਿਲਡਿੰਗ ਨਿਯਮ?
ਇੰਟਰਨੈਸ਼ਨਲ ਕ੍ਰਿਕਟ ਕਾਊਂਸਿਲ ਨੇ ਹਾਲ ਹੀ ਵਿਚ 28 ਸਤੰਬਰ ਤੋਂ ਕ੍ਰਿਕਟ ਦੇ ਕਈ ਨਿਯਮਾਂ ਵਿਚ ਬਦਲਾਅ ਕੀਤਾ। ਇਸ ਵਿਚ ਫੇਕ ਫੀਲਡਿੰਗ ਨਾਲ ਜੁੜਿਆ ਇਕ ਨਵਾਂ ਨਿਯਮ ਸ਼ਾਮਲ ਹੈ। ਇਸਦੇ ਮੁਤਾਬਕ ਜੇਕਰ ਕੋਈ ਫੀਲਡਰ ਜਾਣ ਬੁੱਝ ਕੇ ਗੇਂਦ ਥਰੋ ਕਰਨ ਦਾ ਇਸ਼ਾਰਾ ਕਰੇ ਜਾਂ ਫੜਨ ਦਾ ਇਸ਼ਾਰਾ ਕਰਦਾ ਹੈ ਤਾਂ ਨਿਯਮ 41.5 ਦੇ ਤਹਿਤ ਟੀਮ ਨੂੰ 5 ਦੌੜਾਂ ਦਾ ਜੁਰਮਾਨਾ ਪਵੇਗਾ। 'ਫੇਕ ਫੀਲਡਿੰਗ' ਨਿਯਮ ਦੇ ਸਭ ਤੋਂ ਪਹਿਲਾਂ ਸ਼ਿਕਾਰ ਆਸਟਰੇਲੀਆਈ ਘਰੇਲੂ ਟੀਮ ਦੇ ਖਿਡਾਰੀ ਮਾਰਨਸ ਲਬਸ਼ੇਇਨ ਹੋਏ ਸਨ।