ਸੀਏਬੀਆਈ ਨੇ ਨੇਤਰਹੀਣ ਟੀ-20 ਵਿਸ਼ਵ ਕੱਪ ਤੋਂ ਪਹਿਲਾਂ 26 ਸੰਭਾਵਿਤ ਖਿਡਾਰੀਆਂ ਦਾ ਕੀਤਾ ਐਲਾਨ

ਬੇਂਗਲੁਰੂ, (ਭਾਸ਼ਾ) ਕ੍ਰਿਕਟ ਐਸੋਸੀਏਸ਼ਨ ਆਫ ਇੰਡੀਆ ਫਾਰ ਦਿ ਬਲਾਈਂਡ (ਸੀ.ਏ.ਬੀ.ਆਈ.) ਨੇ ਨਵੰਬਰ-ਦਸੰਬਰ ਵਿਚ ਪਾਕਿਸਤਾਨ ਵਿਚ ਹੋਣ ਵਾਲੇ ਟੀ-20 ਵਿਸ਼ਵ ਕੱਪ ਤੋਂ ਪਹਿਲਾਂ ਰਾਸ਼ਟਰੀ ਕੈਂਪ ਲਈ 26 ਸੰਭਾਵਿਤ ਖਿਡਾਰੀਆਂ ਦਾ ਐਲਾਨ ਕੀਤਾ ਹੈ। ਖੇਡ ਮੰਤਰਾਲੇ ਅਤੇ ਭਾਰਤ ਸਰਕਾਰ ਤੋਂ ਕੋਈ ਇਤਰਾਜ਼ ਨਹੀਂ ਸਰਟੀਫਿਕੇਟ ਮਿਲਣ ਤੋਂ ਬਾਅਦ ਹੀ ਭਾਰਤੀ ਟੀਮ ਪਾਕਿਸਤਾਨ ਵਿੱਚ ਇਹ ਟੂਰਨਾਮੈਂਟ ਖੇਡੇਗੀ। ਸੀਏਬੀਆਈ ਦੇ ਪ੍ਰਧਾਨ ਜੀ ਮਹਾੰਤੇਸ਼ ਨੇ ਇੱਕ ਰੀਲੀਜ਼ ਵਿੱਚ ਕਿਹਾ, “ਵਿਸ਼ਵ ਕੱਪ ਨੇਤਰਹੀਣ ਕ੍ਰਿਕਟਰਾਂ ਲਈ ਆਪਣੇ ਹੁਨਰ ਦਾ ਪ੍ਰਦਰਸ਼ਨ ਕਰਨ ਦਾ ਸਭ ਤੋਂ ਵੱਡਾ ਪਲੇਟਫਾਰਮ ਹੈ। ਪਾਕਿਸਤਾਨ ਵਿੱਚ ਵਿਸ਼ਵ ਕੱਪ ਖੇਡਣਾ ਅਤੇ ਆਪਣੇ ਦੇਸ਼ ਦੀ ਨੁਮਾਇੰਦਗੀ ਕਰਨਾ ਇੱਕ ਵੱਡਾ ਮੌਕਾ ਹੈ। ਵਿਸ਼ਵ ਕੱਪ ਜਿੱਤਣ ਨਾਲ ਸਾਨੂੰ ਨੇਤਰਹੀਣ ਕ੍ਰਿਕਟ ਨੂੰ ਉਤਸ਼ਾਹਿਤ ਕਰਨ ਵਿਚ ਮਦਦ ਮਿਲਦੀ ਹੈ ਅਤੇ ਖਿਡਾਰੀਆਂ ਨੂੰ ਪੁਰਸਕਾਰ ਅਤੇ ਮਾਨਤਾ ਵੀ ਮਿਲਦੀ ਹੈ।'' ਉਨ੍ਹਾਂ ਕਿਹਾ, ''ਸਾਨੂੰ ਉਮੀਦ ਹੈ ਕਿ ਭਾਰਤ ਸਰਕਾਰ ਸਾਨੂੰ ਜਲਦੀ ਤੋਂ ਜਲਦੀ ਐਨਓਸੀ ਦੇਵੇਗੀ ਤਾਂ ਜੋ ਅਸੀਂ ਟੀਮ ਨੂੰ ਤਿਆਰ ਕਰ ਸਕੀਏ।'' 

ਸੰਭਾਵਿਤ ਖਿਡਾਰੀ:

ਅਜੈ ਕੁਮਾਰ ਰੈਡੀ, ਦੇਬਰਾਜ ਬਹੇਰਾ, ਜੀ.ਐਸ. ਅਰਕੇਰੀ, ਮਹਾਰਾਜਾ ਸਿਵਸੁਬਰਾਮਣੀਅਨ, ਨਰੇਸ਼ਭਾਈ ਤੁਮਡਾ, ਨੀਲੇਸ਼ ਯਾਦਵ, ਸੰਜੇ ਕੁਮਾਰ ਸ਼ਾਹ, ਸ਼ੌਕਤ ਅਲੀ, ਪ੍ਰਵੀਨ ਕੁਮਾਰ ਸ਼ਰਮਾ, ਜਿਬਿਨ ਪ੍ਰਕਾਸ਼, ਵੈਂਕਟੇਸ਼ਵਰ ਰਾਓ ਦੁਨਾ, ਪੰਕਜ ਭੂਈ, ਲੋਕੇਸ਼, ਰਾਮਬੀਰ ਸਿੰਘ, ਨਕੁਲ ਦੇਨਾਯਕ, ਨਕੁਲ ਬਦਨਾਇਕ, ਸੋਨੂੰ ਸਿੰਘ ਰਾਵਤ , ਦੁਰਗਾ ਰਾਓ ਟੋਮਪਾਕੀ , ਸੁਨੀਲ ਰਮੇਸ਼ , ਸੁਖਰਾਮ ਮਾਂਝੀ , ਰਵੀ ਅਮਿਤੀ , ਡੀ ਗੋਪੂ , ਦਿਨੇਸ਼ਭਾਈ ਰਾਠਵਾ , ਘੇਵਰ ਰੇਬਾੜੀ , ਗੰਭੀਰ ਸਿੰਘ ਚੌਹਾਨ , ਨਿਖਿਲ ਬਥੂਲਾ ।