CWG 2026: ਵੇਟਲਿਫਟਿੰਗ ''ਚ ਬਿੰਦਿਆਰਾਣੀ ਨੇ ਜਿੱਤਿਆ Bronze, ਭਾਰਤ ਦੀ ਝੋਲੀ ਪਿਆ ਛੇਵਾਂ ਮੈਡਲ

ਗਲਾਸਗੋ : ਗਲਾਸਗੋ ਰਾਸ਼ਟਰਮੰਡਲ ਖੇਡਾਂ 2026 ਵਿੱਚ ਭਾਰਤ ਦੀ ਤਜਰਬੇਕਾਰ ਵੇਟਲਿਫਟਰ (Weightlifter) ਬਿੰਦਿਆਰਾਣੀ ਦੇਵੀ ਨੇ ਸ਼ਾਨਦਾਰ ਜੁਝਾਰੂਪਨ ਦਾ ਪ੍ਰਦਰਸ਼ਨ ਕਰਦੇ ਹੋਏ ਔਰਤਾਂ ਦੇ 58 ਕਿਲੋਗ੍ਰਾਮ ਵਰਗ ਵਿੱਚ ਕਾਂਸੀ ਦਾ ਮੈਡਲ ਜਿੱਤ ਕੇ ਦੇਸ਼ ਦਾ ਨਾਂ ਰੌਸ਼ਨ ਕੀਤਾ ਹੈ। ਬਿੰਦਿਆਰਾਣੀ ਨੇ ਸਨੈਚ ਵਿੱਚ 87 ਕਿਲੋ ਅਤੇ ਕਲੀਨ ਐਂਡ ਜਰਕ ਵਿੱਚ 112 ਕਿਲੋ ਭਾਰ ਚੁੱਕ ਕੇ ਕੁੱਲ 199 ਕਿਲੋ ਦਾ ਸਫਲ ਯਤਨ ਕੀਤਾ। ਗਲਾਸਗੋ ਖੇਡਾਂ ਵਿੱਚ ਭਾਰਤ ਲਈ ਇਹ ਕੁੱਲ ਛੇਵਾਂ ਅਤੇ ਵੇਟਲਿਫਟਿੰਗ ਵਿੱਚ ਪੰਜਵਾਂ ਮੈਡਲ ਹੈ।

Well done Bindyarani Devi. You have made us proud by winning the Bronze Medal🥉in the Women's 58 kg Weightlifting event at the #CWG2026. Best wishes for your future endeavors. pic.twitter.com/n7D05UJtK4

— Amit Shah (@AmitShah) July 27, 2026

ਸਖ਼ਤ ਮੁਕਾਬਲੇ 'ਚ ਦਿਖਾਇਆ ਦਮ

ਬਿੰਦਿਆਰਾਣੀ ਦੇਵੀ, ਜਿਸਨੇ 2022 ਦੀਆਂ ਬਰਮਿੰਘਮ ਰਾਸ਼ਟਰਮੰਡਲ ਖੇਡਾਂ ਵਿੱਚ 55 ਕਿਲੋਗ੍ਰਾਮ ਵਰਗ ਵਿੱਚ ਚਾਂਦੀ ਦਾ ਤਗਮਾ ਜਿੱਤਿਆ ਸੀ, ਇਸ ਵਾਰ ਸਨੈਚ ਮੁਕਾਬਲੇ ਤੋਂ ਬਾਅਦ ਚੌਥੇ ਸਥਾਨ 'ਤੇ ਸੀ। ਕਲੀਨ ਐਂਡ ਜਰਕ ਵਿੱਚ ਉਸਦੀ ਸਖ਼ਤ ਟੱਕਰ ਇੰਗਲੈਂਡ ਦੀ ਐਲੀਜ਼ਾ ਪ੍ਰੈਟ ਨਾਲ ਸੀ। ਬਿੰਦਿਆਰਾਣੀ ਦਾ ਪਹਿਲਾ 110 ਕਿਲੋ ਦਾ ਯਤਨ ਤਕਨੀਕੀ ਕਾਰਨਾਂ ਕਰਕੇ ਰੱਦ ਕਰ ਦਿੱਤਾ ਗਿਆ ਸੀ, ਪਰ ਉਸਨੇ ਦੂਜੇ ਯਤਨ ਵਿੱਚ 112 ਕਿਲੋ ਭਾਰ ਚੁੱਕ ਕੇ ਸ਼ਾਨਦਾਰ ਵਾਪਸੀ ਕੀਤੀ। ਹਾਲਾਂਕਿ, ਉਹ ਆਪਣੇ ਆਖਰੀ ਯਤਨ ਵਿੱਚ 116 ਕਿਲੋ ਭਾਰ ਨਹੀਂ ਚੁੱਕ ਸਕੀ, ਫਿਰ ਵੀ 199 ਕਿਲੋ ਦੇ ਕੁੱਲ ਭਾਰ ਨਾਲ ਉਹ ਤੀਜੇ ਸਥਾਨ 'ਤੇ ਰਹੀ।

ਇਹ ਵੀ ਪੜ੍ਹੋ : ਹੁਣ ਗੈਸ ਸਿਲੰਡਰ ਲਈ ਨਹੀਂ ਕਰਨਾ ਪਵੇਗਾ ਲੰਬਾ ਇੰਤਜ਼ਾਰ, ਇੰਡੀਅਨ ਆਇਲ ਨੇ ਸ਼ੁਰੂ ਕੀਤੀ ਨਵੀਂ ਸਰਵਿਸ 

ਨਾਈਜੀਰੀਆ ਦੀ ਲਾਵਾਲ ਨੇ ਬਣਾਇਆ ਨਵਾਂ ਰਿਕਾਰਡ

ਇਸ ਮੁਕਾਬਲੇ ਵਿੱਚ ਸੋਨ ਤਗਮਾ ਨਾਈਜੀਰੀਆ ਦੀ ਰਾਫੀਆਤੂ ਫੋਲਾਸ਼ਾਦੇ ਲਾਵਾਲ ਨੇ ਜਿੱਤਿਆ, ਜਿਸਨੇ 229 ਕਿਲੋ (103 ਕਿਲੋ ਸਨੈਚ + 126 ਕਿਲੋ ਕਲੀਨ ਐਂਡ ਜਰਕ) ਭਾਰ ਚੁੱਕ ਕੇ ਰਾਸ਼ਟਰਮੰਡਲ ਖੇਡਾਂ ਦਾ ਨਵਾਂ ਰਿਕਾਰਡ ਕਾਇਮ ਕੀਤਾ। ਕੈਨੇਡਾ ਦੀ ਐਨ-ਸੋਫੀ ਤਾਸ਼ੇਰੋ ਨੇ 215 ਕਿਲੋ ਦੇ ਕੁੱਲ ਭਾਰ ਨਾਲ ਚਾਂਦੀ ਦਾ ਤਗਮਾ ਆਪਣੇ ਨਾਂ ਕੀਤਾ। ਇੰਗਲੈਂਡ ਦੀ ਐਲੀਜ਼ਾ ਪ੍ਰੈਟ 196 ਕਿਲੋ ਭਾਰ ਨਾਲ ਚੌਥੇ ਸਥਾਨ 'ਤੇ ਰਹੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8