CWG 2026: ਪਾਵਰਲਿਫਟਰ ਝੰਡੂ ਕੁਮਾਰ ਨੇ ਰਚਿਆ ਇਤਿਹਾਸ, ਭਾਰਤ ਦੀ ਝੋਲੀ ਪਾਇਆ ਪਹਿਲਾ ਮੈਡਲ

ਗਲਾਸਗੋ : ਭਾਰਤ ਨੇ ਕਾਮਨਵੈਲਥ ਗੇਮਜ਼ 2026 ਵਿੱਚ ਆਪਣੀ ਜਿੱਤ ਦਾ ਖਾਤਾ ਖੋਲ੍ਹ ਲਿਆ ਹੈ। ਪੈਰਾ ਪਾਵਰਲਿਫਟਰ ਝੰਡੂ ਕੁਮਾਰ ਨੇ ਗਲਾਸਗੋ ਵਿੱਚ ਚੱਲ ਰਹੇ ਮੁਕਾਬਲਿਆਂ ਦੌਰਾਨ ਪੁਰਸ਼ਾਂ ਦੀ ਹੈਵੀਵੇਟ ਕੈਟੇਗਰੀ ਵਿੱਚ ਕਾਂਸੀ ਦਾ ਤਮਗਾ (Bronze Medal) ਜਿੱਤ ਕੇ ਦੇਸ਼ ਨੂੰ ਪਹਿਲਾ ਤਮਗਾ ਦਿਵਾਇਆ ਹੈ। 

ਈ-ਰਿਕਸ਼ਾ ਚਾਲਕ ਤੋਂ ਤਮਗਾ ਜੇਤੂ ਤੱਕ ਦਾ ਸਫ਼ਰ 

ਬਿਹਾਰ ਦੇ ਰਹਿਣ ਵਾਲੇ 29 ਸਾਲਾ ਝੰਡੂ ਕੁਮਾਰ ਦੀ ਇਹ ਪ੍ਰਾਪਤੀ ਬੇਹੱਦ ਪ੍ਰੇਰਨਾਦਾਇਕ ਹੈ। ਖੇਡਾਂ ਦੀ ਦੁਨੀਆ ਵਿੱਚ ਨਾਮ ਕਮਾਉਣ ਤੋਂ ਪਹਿਲਾਂ ਉਹ ਈ-ਰਿਕਸ਼ਾ ਚਲਾਉਂਦੇ ਸਨ ਅਤੇ ਉਨ੍ਹਾਂ ਦੇ ਪਿਤਾ ਸੜਕ ਕਿਨਾਰੇ ਸਬਜ਼ੀਆਂ ਵੇਚ ਕੇ ਗੁਜ਼ਾਰਾ ਕਰਦੇ ਹਨ। ਅੱਜ ਉਨ੍ਹਾਂ ਦੀ ਮਿਹਨਤ ਨੇ ਉਨ੍ਹਾਂ ਨੂੰ ਕੌਮਾਂਤਰੀ ਮੰਚ 'ਤੇ ਚਮਕਾ ਦਿੱਤਾ ਹੈ।

Jhandu Kumar finishes at the top in group stage of para powerlifting🥰

Huge respect to you Sir🙏🏿#CWG2026 #TeamIndia #Cheer4Bharat pic.twitter.com/gjwFcGZVr5

— Varsha RAJ🙋‍♀️ (@VR__VarshaRaj) July 24, 2026

ਮੁਕਾਬਲੇ ਦਾ ਵੇਰਵਾ 

ਝੰਡੂ ਕੁਮਾਰ ਨੇ ਆਪਣੇ ਦੂਜੇ ਯਤਨ ਵਿੱਚ 190 ਕਿਲੋ ਭਾਰ ਸਫਲਤਾਪੂਰਵਕ ਚੁੱਕਿਆ। ਆਪਣੇ ਆਖਰੀ ਯਤਨ ਵਿੱਚ ਉਨ੍ਹਾਂ ਨੇ 196 ਕਿਲੋ ਭਾਰ ਚੁੱਕ ਕੇ ਵੱਡੀ ਕਾਮਯਾਬੀ ਹਾਸਲ ਕਰਨੀ ਚਾਹੀ, ਪਰ ਉਹ ਮਾਮੂਲੀ ਫਰਕ ਨਾਲ ਖੁੰਝ ਗਏ। ਉਨ੍ਹਾਂ ਨੇ ਕੁੱਲ 130.9 ਪੁਆਇੰਟ ਹਾਸਲ ਕਰਕੇ ਤੀਜਾ ਸਥਾਨ ਬਰਕਰਾਰ ਰੱਖਿਆ।

ਇਹ ਵੀ ਪੜ੍ਹੋ : ਨੀਟ ਪੇਪਰ ਲੀਕ: ਕੇਂਦਰ ਸਰਕਾਰ ਦੇ 24 ਘੰਟਿਆਂ 'ਚ 6 ਵੱਡੇ ਫੈਸਲੇ

ਹੋਰ ਜੇਤੂ ਖਿਡਾਰੀ 

ਇਸ ਮੁਕਾਬਲੇ ਵਿੱਚ ਨਾਈਜੀਰੀਆ ਦੇ ਰਿਲੁਵਾਨ ਇਦਰੀਸ ਨੇ 208 ਕਿਲੋ ਭਾਰ ਚੁੱਕ ਕੇ ਸੋਨ ਤਮਗਾ (Gold) ਜਿੱਤਿਆ, ਜਦਕਿ ਇੰਗਲੈਂਡ ਦੇ ਮੈਥਿਊ ਹਾਰਡਿੰਗ ਨੇ 199 ਕਿਲੋ ਭਾਰ ਨਾਲ ਚਾਂਦੀ ਦਾ ਤਮਗਾ (Silver) ਆਪਣੇ ਨਾਂ ਕੀਤਾ। ਝੰਡੂ ਕੁਮਾਰ ਦੀ ਇਸ ਜਿੱਤ ਨਾਲ ਭਾਰਤੀ ਖੇਮੇ ਵਿੱਚ ਖੁਸ਼ੀ ਦੀ ਲਹਿਰ ਦੌੜ ਗਈ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8