ਅਨਾਹਤ ਨੇ ਭਾਰਤ ਨੂੰ ਦਿਵਾਇਆ ਜੂਨੀਅਰ ਸਕੁਐਸ਼ ਦਾ ਪਹਿਲਾ ਵਿਸ਼ਵ ਖ਼ਿਤਾਬ, ਮਿਸਰ ਦਾ 16 ਸਾਲ ਦਾ ਦਬਦਬਾ ਖ਼ਤਮ

ਕੈਨੇਡਾ : ਭਾਰਤ ਦੀ 18 ਸਾਲਾ ਉੱਭਰਦੀ ਸਕੁਐਸ਼ ਖਿਡਾਰਨ ਅਨਾਹਤ ਸਿੰਘ ਨੇ ਕੈਨੇਡਾ ਵਿੱਚ ਖੇਡੀ ਗਈ ਵਰਲਡ ਜੂਨੀਅਰ ਸਕੁਐਸ਼ ਚੈਂਪੀਅਨਸ਼ਿਪ 2026 ਵਿੱਚ ਗਰਲਜ਼ ਸਿੰਗਲਜ਼ ਦਾ ਖ਼ਿਤਾਬ ਜਿੱਤ ਕੇ ਸੁਨਹਿਰੀ ਇਤਿਹਾਸ ਲਿਖ ਦਿੱਤਾ ਹੈ। ਅਨਾਹਤ ਇਸ ਵੱਕਾਰੀ ਟੂਰਨਾਮੈਂਟ ਵਿੱਚ ਚੈਂਪੀਅਨ ਬਣਨ ਵਾਲੀ ਪਹਿਲੀ ਭਾਰਤੀ ਖਿਡਾਰਨ ਬਣ ਗਈ ਹੈ। 

ਫਾਈਨਲ 'ਚ ਰਿਹਾ ਦਬਦਬਾ 

ਸ਼ਨੀਵਾਰ ਨੂੰ ਹੋਏ ਖ਼ਿਤਾਬੀ ਮੁਕਾਬਲੇ ਵਿੱਚ ਟੌਪ ਸੀਡ ਅਨਾਹਤ ਸਿੰਘ ਨੇ ਮਿਸਰ ਦੀ ਦੂਜੀ ਦਰਜਾ ਪ੍ਰਾਪਤ ਖਿਡਾਰਨ ਰੁਕੱਈਆ ਸਲੇਮ ਨੂੰ ਸਿੱਧੇ ਗੇਮਾਂ ਵਿੱਚ 11-3, 11-7, 11-9 ਨਾਲ ਹਰਾਇਆ। ਅਨਾਹਤ ਨੇ ਮੈਚ ਦੀ ਸ਼ੁਰੂਆਤ ਤੋਂ ਹੀ ਹਮਲਾਵਰ ਖੇਡ ਦਿਖਾਈ ਅਤੇ ਪਹਿਲੇ ਗੇਮ ਵਿੱਚ ਸਲੇਮ ਨੂੰ ਸਿਰਫ਼ ਤਿੰਨ ਅੰਕ ਲੈਣ ਦਿੱਤੇ। ਹਾਲਾਂਕਿ, ਦੂਜੇ ਅਤੇ ਤੀਜੇ ਗੇਮ ਵਿੱਚ ਮਿਸਰ ਦੀ ਖਿਡਾਰਨ ਨੇ ਵਾਪਸੀ ਦੀ ਕੋਸ਼ਿਸ਼ ਕੀਤੀ, ਪਰ ਅਨਾਹਤ ਨੇ ਆਪਣੇ ਸੰਜਮ ਅਤੇ ਸ਼ਾਨਦਾਰ ਸ਼ਾਟਸ ਨਾਲ ਮੁਕਾਬਲਾ ਆਪਣੇ ਨਾਂ ਕਰ ਲਿਆ।

History Made! 🇮🇳

Congratulations to Anahat Singh (@Anahat_Singh13) on becoming the first Indian ever to win the World Squash Junior Championship.

A phenomenal achievement and a proud moment for every Indian. pic.twitter.com/SfURD0Zg69

— Dr Mansukh Mandaviya (@mansukhmandviya) July 25, 2026

ਮਿਸਰ ਦਾ ਕਿਲ੍ਹਾ ਢਾਹਿਆ 

ਅਨਾਹਤ ਦੀ ਇਹ ਜਿੱਤ ਇਸ ਲਈ ਵੀ ਅਹਿਮ ਹੈ, ਕਿਉਂਕਿ ਉਸ ਨੇ ਜੂਨੀਅਰ ਸਕੁਐਸ਼ ਵਿੱਚ ਮਿਸਰ ਦੇ ਲੰਬੇ ਸਮੇਂ ਤੋਂ ਚੱਲੇ ਆ ਰਹੇ ਦਬਦਬੇ ਨੂੰ ਖ਼ਤਮ ਕਰ ਦਿੱਤਾ ਹੈ। ਸਾਲ 2011 ਤੋਂ ਲਗਾਤਾਰ 13 ਵਾਰ ਇਹ ਖ਼ਿਤਾਬ ਮਿਸਰ ਦੀਆਂ ਖਿਡਾਰਨਾਂ ਕੋਲ ਸੀ। ਉਹ 2010 ਵਿੱਚ ਅਮਰੀਕਾ ਦੀ ਅਮਾਂਡਾ ਸੋਭੀ ਤੋਂ ਬਾਅਦ ਚੈਂਪੀਅਨ ਬਣਨ ਵਾਲੀ ਪਹਿਲੀ ਗੈਰ-ਮਿਸਰੀ ਖਿਡਾਰਨ ਹੈ। ਇਸ ਤੋਂ ਪਹਿਲਾਂ ਭਾਰਤ ਵੱਲੋਂ 2005 ਵਿੱਚ ਜੋਸ਼ਨਾ ਚਿਨੱਪਾ ਫਾਈਨਲ ਵਿੱਚ ਪਹੁੰਚੀ ਸੀ, ਪਰ ਉਹ ਟਰਾਫੀ ਜਿੱਤਣ ਤੋਂ ਖੁੰਝ ਗਈ ਸੀ।

ਇਹ ਵੀ ਪੜ੍ਹੋ : ਵੱਡੀ ਖਬਰ: ਧਰਮਿੰਦਰ ਪ੍ਰਧਾਨ ਦੇ ਅਸਤੀਫ਼ੇ ਮਗਰੋਂ ਪ੍ਰਹਿਲਾਦ ਜੋਸ਼ੀ ਬਣੇ ਨਵੇਂ ਸਿੱਖਿਆ ਮੰਤਰੀ 

ਟੂਰਨਾਮੈਂਟ 'ਚ ਸ਼ਾਨਦਾਰ ਸਫ਼ਰ 

ਪੂਰੇ ਟੂਰਨਾਮੈਂਟ ਦੌਰਾਨ ਅਨਾਹਤ ਦਾ ਪ੍ਰਦਰਸ਼ਨ ਬੇਮਿਸਾਲ ਰਿਹਾ। ਉਸ ਨੇ 6 ਮੁਕਾਬਲਿਆਂ ਵਿੱਚ ਸਿਰਫ਼ ਦੋ ਗੇਮਾਂ ਗਵਾਈਆਂ। ਨਾਕਆਊਟ ਪੜਾਅ ਵਿੱਚ ਉਸ ਨੇ ਮਿਸਰ ਦੀਆਂ ਤਿੰਨ ਲਗਾਤਾਰ ਖਿਡਾਰਨਾਂ ਨੂੰ ਹਰਾਇਆ, ਜਿਸ ਵਿੱਚ ਕੁਆਰਟਰ ਫਾਈਨਲ 'ਚ ਹਬੀਬਾ ਰਿਜ਼ਕ ਅਤੇ ਸੈਮੀਫਾਈਨਲ 'ਚ ਬਾਰਬ ਸਮੇਹ ਵਿਰੁੱਧ 3-1 ਦੀਆਂ ਜਿੱਤਾਂ ਸ਼ਾਮਲ ਹਨ। 

ਭਵਿੱਖ ਦੀ ਸਟਾਰ 

ਮਹਿਜ਼ 18 ਸਾਲ ਦੀ ਉਮਰ ਵਿੱਚ ਅਨਾਹਤ ਸਿੰਘ ਸੀਨੀਅਰ ਪੀ.ਐੱਸ.ਏ. (PSA) ਟੂਰ ਰੈਂਕਿੰਗ ਵਿੱਚ 20ਵੇਂ ਨੰਬਰ 'ਤੇ ਪਹੁੰਚ ਚੁੱਕੀ ਹੈ। ਪਿਛਲੇ ਸਾਲ ਕਾਹਿਰਾ ਵਿੱਚ ਉਸ ਨੇ ਕਾਂਸੀ ਦਾ ਤਗਮਾ ਜਿੱਤ ਕੇ ਭਾਰਤ ਦਾ 15 ਸਾਲਾਂ ਦਾ ਇੰਤਜ਼ਾਰ ਖ਼ਤਮ ਕੀਤਾ ਸੀ, ਪਰ ਇਸ ਵਾਰ ਉਸ ਨੇ ਵਿਸ਼ਵ ਚੈਂਪੀਅਨ ਬਣ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8