ਭੁੱਲਰ ਨੇ ਸੀਜ਼ਨ ਦੀ ਆਖਰੀ ਟਾਟਾ ਸਟੀਲ ਟੂਰ ਗੋਲਫ ਚੈਂਪੀਅਨਸ਼ਿਪ ਜਿੱਤੀ

ਜਮਸ਼ੇਦਪੁਰ, (ਭਾਸ਼ਾ)- ਸਟਾਰ ਗੋਲਫਰ ਗਗਨਜੀਤ ਭੁੱਲਰ ਨੇ ਆਪਣੀ ਸਾਖ ਨੂੰ ਕਾਇਮ ਰੱਖਦੇ ਹੋਏ ਐਤਵਾਰ ਨੂੰ ਇੱਥੇ ਫਾਈਨਲ ਰਾਊਂਡ ਵਿਚ ਛੇ ਅੰਡਰ 66 ਦਾ ਕਾਰਡ ਖੇਡ ਕੇ ਇੱਕ ਸ਼ਾਟ ਨਾਲ ਸੀਜ਼ਨ ਦੀ ਆਖਰੀ ਟਾਟਾ ਸਟੀਲ ਟੂਰ ਗੋਲਫ ਚੈਂਪੀਅਨਸ਼ਿਪ ਜਿੱਤੀ। ਭੁੱਲਰ (64-66-67-66) ਨੇ 2020 ਤੋਂ ਬਾਅਦ ਦੂਜੀ ਵਾਰ ਇਹ ਚੈਂਪੀਅਨਸ਼ਿਪ ਜਿੱਤੀ। ਉਸ ਦਾ ਕੁੱਲ ਸਕੋਰ 25 ਅੰਡਰ 263 ਰਿਹਾ ਅਤੇ ਉਸ ਨੇ 45 ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਜਿੱਤੀ। 

ਇਹ ਵੀ ਪੜ੍ਹੋ : ਵੱਡੀ ਖ਼ਬਰ : ਖੇਡ ਮੰਤਰਾਲੇ ਨੇ ਨਵੇਂ ਕੁਸ਼ਤੀ ਸੰਘ ਨੂੰ ਕੀਤਾ ਰੱਦ, WFI ਪ੍ਰਧਾਨ ਸੰਜੇ ਸਿੰਘ ਮੁਅੱਤਲ

ਪੰਜਾਬ ਦੇ ਕਪੂਰਥਲਾ ਦੇ ਇਸ 35 ਸਾਲਾ ਗੋਲਫਰ ਦਾ ਇਹ 12ਵਾਂ ਪੀਜੀਟੀਆਈ ਖਿਤਾਬ ਹੈ। ਭੁੱਲਰ ਨੇ 2020 ਦੇ ਆਪਣੇ ਕੁੱਲ 24 ਅੰਡਰ 264 ਵਿੱਚ ਸੁਧਾਰ ਕੀਤਾ। ਐਤਵਾਰ ਨੂੰ ਫਾਈਨਲ ਰਾਊਂਡ ਵਿੱਚ ਉਸ ਨੇ ਇੱਕ ਈਗਲ ਅਤੇ ਚਾਰ ਬਰਡੀਜ਼ ਖੇਡੀਆਂ। ਰਾਹਿਲ ਗੰਜੀ (70-62-65-67) 24 ਅੰਡਰ 264 ਦੇ ਕੁੱਲ ਸਕੋਰ ਨਾਲ ਉਪ ਜੇਤੂ ਰਿਹਾ। ਉਸ ਨੂੰ 30 ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਮਿਲੀ ਜਿਸ ਨਾਲ ਉਹ ਪੀਜੀਟੀਆਈ ਆਰਡਰ ਆਫ਼ ਮੈਰਿਟ ਵਿੱਚ 26 ਸਥਾਨ ਉੱਪਰ ਪਹੁੰਚ ਗਿਆ ਅਤੇ ਸਾਲ ਦਾ ਅੰਤ ਛੇਵੇਂ ਸਥਾਨ 'ਤੇ ਕੀਤਾ। ਚੰਡੀਗੜ੍ਹ ਦਾ ਅੰਗਦ ਚੀਮਾ 23 ਅੰਡਰ 265 ਦੇ ਕੁੱਲ ਸਕੋਰ ਨਾਲ ਤੀਜੇ ਸਥਾਨ 'ਤੇ ਰਿਹਾ। 

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।