ਬੰਗਾਲ ਕ੍ਰਿਕਟ ਸੰਘ ਚੀਨੀ ਕ੍ਰਿਕਟਰਾਂ ਦੀ ਕਰੇਗਾ ਮਦਦ

ਕੋਲਕਾਤਾ— ਬੰਗਾਲ ਕ੍ਰਿਕਟ ਸੰਘ (ਕੈਬ) ਚੋਂਗਕਿੰਗ ਸ਼ਹਿਰ 'ਚ ਕ੍ਰਿਕਟ ਦੇ ਵਿਕਾਸ ਲਈ ਇੱਥੇ ਚੀਨ ਦੇ ਮਹਾਵਣਜਕ ਦੂਤ ਨਾਲ ਸਮਝੌਤਾ ਪੱਤਰ 'ਤੇ ਦਸਤਖਤ ਕਰਨ ਦੀ ਪ੍ਰਕਿਰਿਆ 'ਚ ਹੈ। ਕੋਲਕਾਤਾ ਵਿੱਚ ਚੀਨ ਦੇ ਮਹਾਵਣਜਕ ਦੂਤ ਝਾ ਲਿਊ ਦੀ ਅਗਵਾਈ ਵਿੱਚ ਦੇਸ਼ ਦੇ ਤਿੰਨ ਮੈਂਬਰੀ ਵਫ਼ਦ ਨੇ ਈਡਨ ਗਾਰਡਨ ਵਿੱਚ ਕੈਬ ਦੇ ਪ੍ਰਧਾਨ ਅਵਿਸ਼ੇਕ ਡਾਲਮੀਆ ਨਾਲ ਮੁਲਾਕਾਤ ਕੀਤੀ। ਉਨ੍ਹਾਂ ਨੇ ਇਕ ਐਮ. ਓ. ਯੂ. 'ਤੇ ਦਸਤਖਤ ਕਰਨ ਦਾ ਪ੍ਰਸਤਾਵ ਦਿੱਤਾ ਜਿਸ ਦੇ ਤਹਿਤ ਉਹ ਖਿਡਾਰੀਆਂ ਨੂੰ ਸਿਖਲਾਈ ਲਈ ਇੱਥੇ ਭੇਜ ਸਕਦੇ ਹਨ। 

ਇਹ ਚੀਨੀ ਸ਼ਹਿਰ ਦੇ ਨਾਲ ਹੋਰ ਸਹਿਯੋਗ ਦਾ ਪ੍ਰਸਤਾਵ ਵੀ ਰੱਖਦਾ ਹੈ, ਜਿਸ ਵਿੱਚ ਆਪਸੀ ਬੈਠਕਾਂ, ਕੋਚਿੰਗ ਸੇਵਾਵਾਂ ਅਤੇ ਦੋਸਤਾਨਾ ਮੈਚ ਸ਼ਾਮਲ ਹਨ। ਡਾਲਮੀਆ ਨੇ ਕਿਹਾ, "ਅਸੀਂ ਸਹਿਯੋਗ ਦਾ ਭਰੋਸਾ ਦਿੱਤਾ ਹੈ ਕਿਉਂਕਿ ਅਸੀਂ ਵਿਸ਼ਵ ਪੱਧਰ 'ਤੇ ਕ੍ਰਿਕਟ ਦੇ ਪ੍ਰਸਾਰ ਵਿੱਚ ਵਿਸ਼ਵਾਸ ਰੱਖਦੇ ਹਾਂ ਅਤੇ ਚੀਨ ਨੂੰ ਖੇਡ ਨੂੰ ਖੇਡਣ ਲਈ ਪਹਿਲ ਕਰਦੇ ਹੋਏ ਦੇਖਣਾ ਉਤਸ਼ਾਹਜਨਕ ਹੈ।"