BCCI ਨੇ ਸੁਧਾਰੀ ਗਲਤੀ, ਸਿਲੇਕਸ਼ਨ ਤੋਂ ਬਾਅਦ ਟੀਮ 'ਚੋਂ ਕੱਢਿਆ ਭਾਰਤੀ ਖਿਡਾਰੀ
Tuesday, Jul 24, 2018 - 12:57 PM (IST)
ਨਵੀਂ ਦਿੱਲੀ— ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ.ਸੀ.ਸੀ.ਆਈ) ਦੁਆਰਾ ਵੱਡੀ ਭੁੱਲ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਬੀ.ਸੀ.ਸੀ.ਆਈ ਨੇ ਪੰਜਾਬ ਦੇ ਵਿਕਟਕੀਪਰ ਬੱਲੇਬਾਜ਼ ਅਭਿਸ਼ੇਕ ਗੁਪਤਾ ਦੀ ਚੋਣ ਦਲੀਪ ਟ੍ਰਾਫੀ ਲਈ ਭਾਰਤੀ ਰੈੱਡ ਟੀਮ 'ਚ ਕੀਤੀ ਹੈ ਜੋ ਡੋਪ ਉਲੰਘਣ ਮਾਮਲੇ 'ਚ 14 ਸਤੰਬਰ ਤੱਕ ਬੈਨ ਹੈ। ਦਲੀਪ ਟ੍ਰਾਫੀ ਦੀ ਸ਼ੁਰੂਆਤ 17 ਅਗਸਤ ਤੋਂ 14 ਸਤੰਬਰ ਤੱਕ ਹੋਣੀ ਹੈ।
ਜੂਨ 'ਚ 27 ਸਾਲਾ ਇਸ ਖਿਡਾਰੀ ਨੂੰ ਡੋਪਿੰਗ ਨਿਯਮਾਂ ਨੂੰ ਲੈ ਕੇ 'ਲਾਪਰਵਾਹੀ' ਵਰਤਣ 'ਤੇ ਅੱਠ ਮਹੀਨਿਆਂ ਲਈ ਬੈਨ ਕੀਤਾ ਗਿਆ ਸੀ। ਗੁਪਤਾ 'ਤੇ ਬੈਨ 15 ਜਨਵਰੀ ਨੂੰ ਸ਼ੁਰੂ ਹੋਇਆ ਸੀ ਜੋ 14 ਸਤੰਬਰ ਤੱਕ ਰਹੇਗਾ। ਬੀ.ਸੀ.ਸੀ.ਆਈ ਨੇ ਜੂਨ 'ਚ ਕਿਹਾ ਸੀ ਕਿ ਗੁਪਤਾ ਨੇ ਗਲਤੀ ਨਾਲ ਅਜਿਹੇ ਪਦਾਰਥਾਂ ਦਾ ਸੇਵਨ ਕਰ ਲਿਆ ਸੀ ਜੋ ਆਮ ਤੌਰ 'ਤੇ ਸਰਦੀ-ਜ਼ੁਕਾਮ ਦੀ ਦਵਾਈ 'ਚ ਪਾਇਆ ਜਾਂਦਾ ਹੈ।ਚੋਣਕਾਰਾਂ ਨੇ ਅੱਜ ਕੋਲਕਾਤਾ 'ਚ ਦਲੀਪ ਟ੍ਰਾਫੀ ਦੀਆਂ ਟੀਮਾਂ ਦੀ ਚੋਣ ਕੀਤੀ ਜਿਸ 'ਚ ਫੈਜ਼ ਫਜ਼ਲ ਨੂੰ ਭਾਰਤੀ ਬਲਿਊ, ਅਭਿਨਵ ਮੁਕੁੰਦ ਨੂੰ ਭਾਰਤੀ ਰੈੱਡ ਅਤੇ ਪਾਰਥਿਵ ਪਟੇਲ ਨੂੰ ਭਾਰਤੀ ਗ੍ਰੀਨ ਦਾ ਕਪਤਾਨ ਬਣਾਇਆ ਗਿਆ ਹੈ। ਗੁਪਤਾ ਨੇ 6 ਪਹਿਲੀ ਸ਼੍ਰੇਣੀ ਦੇ ਮੈਚਾਂ ਤੋਂ ਇਲਾਵਾ 6 ਲਿਸਟ-ਏ ਅਤੇ 9 ਟੀ-20 ਮੈਚ ਖੇਡੇ ਹਨ।
