ਸ਼ਵਾਸਟਿੰਗਰ ਨਾਲ ਕਰਾਰ ਦਾ ਏ.ਟੀ.ਕੇ. ਨੇ ਕੀਤਾ ਖੰਡਨ

ਕੋਲਕਾਤਾ— ਇੰਡੀਅਨ ਸੁਪਰ ਲੀਗ ਦੀ ਦੋ ਵਾਰ ਦੀ ਚੈਂਪੀਅਨ ਏ.ਟੀ.ਕੇ. ਨੇ ਅੱਜ ਉਨ੍ਹਾਂ ਸਾਰੀਆਂ ਅਟਕਲਾਂ ਨੂੰ ਖਾਰਜ ਕਰ ਦਿੱਤਾ ਜਿਸ 'ਚ ਕਿਹਾ ਗਿਆ ਸੀ ਕਿ ਟੀਮ 2014 ਦੇ ਫੁੱਟਬਾਲ ਚੈਂਪੀਅਨ ਜਰਮਨ ਖਿਡਾਰੀ ਬਾਸਟੀਅਨ ਸ਼ਵਾਸਟਿੰਗਰ ਨਾਲ ਕਰਾਰ ਕਰਨ ਜਾ ਰਹੀ ਹੈ।
ਇਕ ਸਥਾਨਕ ਅਖਬਾਰ 'ਚ ਦਾਅਵਾ ਕੀਤਾ ਗਿਆ ਸੀ ਕਿ ਬਾਇਰਨ ਮੂਨਿਖ ਦੇ ਸਟਾਰ ਮਿਡਫੀਲਡਰ ਨੂੰ ਆਈ.ਐੱਸ.ਐੱਲ. ਦੇ ਆਗਾਮੀ ਸੈਸ਼ਨ 'ਚ ਏ.ਟੀ.ਕੇ. ਦੀ ਜਰਸੀ 'ਚ ਦੇਖਿਆ ਜਾ ਸਕਦਾ ਹੈ ਕਿ ਕਿਉਂਕਿ ਨਵੇਂ ਕੋਚ ਸਟੀਵ ਕੋਪੇਲ ਇਸ ਜਰਮਨ ਖਿਡਾਰੀ ਨੂੰ ਟੀਮ 'ਚ ਜੋੜਨਾ ਚਾਹੁੰਦੇ ਹਨ। ਏ.ਟੀ.ਕੇ. ਦੇ ਬੁਲਾਰੇ ਨੇ ਕਿਹਾ, ''ਇਸ ਸਮੇਂ ਏ.ਟੀ.ਕੇ. ਦੇ ਕਿਸੇ ਵੀ ਖਿਡਾਰੀ ਨਾਲ ਕੋਈ ਸੰਪਰਕ ਨਹੀਂ ਕੀਤਾ ਗਿਆ ਹੈ। ਸਾਨੂੰ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ ਕਿ ਕੋਪੇਲ ਨੇ ਉਨ੍ਹਾਂ ਨਾਲ (ਸ਼ਵਾਸਟਿੰਗਰ) ਨਾਲ ਸੰਪਰਕ ਕੀਤਾ ਹੈ। ਇਸ 'ਚ ਕੋਈ ਸੱਚਾਈ ਨਹੀਂ ਹੈ।''