ਬਾਰਸੀਲੋਨਾ ਦੇ ਗੋਲਕੀਪਰ ਟੇਰ ਸਟੇਗੇਨ ਦੇ ਗੋਢੇ ਦੀ ਹੋਵੇਗੀ ਸਰਜਰੀ
08/18/2020 10:36:23 PM
ਬਾਰਸੀਲੋਨਾ- ਬਾਰਸੀਲੋਨਾ ਦੇ ਗੋਲਕੀਪਰ ਮਾਰਕ ਆਂਦਰੇ ਟੇਰ ਸਟੇਗੇਨ ਨੇ ਕਿਹਾ ਹੈ ਕਿ ਭਵਿੱਖ ’ਚ ਸੱਟਾਂ ਤੋਂ ਬਚਣ ਦੇ ਲਈ ਉਹ ਗੋਢੇ ਦਾ ਆਪ੍ਰੇਸ਼ਨ ਕਰਾਉਣਗੇ। ਸਟੇਗੇਨ ਨੇ ਕਿਹਾ ਹੈ ਕਿ ਡਾਕਟਰਾਂ ਨੇ ਟੇਂਡਨ ਸਰਜਰੀ ਦੀ ਸਲਾਹ ਦਿੱਤੀ ਹੈ। ਇਸ ਫੁੱਟਬਾਲਰ ਨੇ ਕਿਹਾ ਕਿ ਉਸ ਨੂੰ ਠੀਕ ਅਤੇ ਪੂਰੀ ਫਿੱਟਨੈਸ ਹਾਸਲ ਕਰਨ ਲਈ ਕੁਝ ਹਫਤਿਆਂ ਦਾ ਸਮਾਂ ਲੱਗੇਗਾ। ਸਟੇਗੇਨ ਨੇ ਇੰਸਟਾਗ੍ਰਾਮ ’ਤੇ ਲਿਖਿਆ - ਮੈਂ ਸਥਿਤੀ ਨੂੰ ਲੈ ਕੇ ਸਬਰ ਅਤੇ ਸਕਾਰਾਤਮਕ ਹਾਂ। ਉਨ੍ਹਾਂ ਨੇ ਕਿਹਾ ਕਿ ਮੈਂ ਜਲਦ ਹੀ ਵਾਪਸੀ ਕਰਾਂਗਾ।