ਏਸ਼ੀਆ ਕੱਪ : PCB ਚੇਅਰਮੈਨ ਨੇ ਜੈ ਸ਼ਾਹ ਨੂੰ ਕੀਤਾ ਫੋਨ ਕੀਤਾ, ਕਿਹਾ- ਬਾਕੀ ਮੈਚ ਪਾਕਿ ਨੂੰ ਕਰੋ ਸ਼ਿਫਟ

ਸਪੋਰਟਸ ਡੈਸਕ : ਪੀ. ਸੀ. ਬੀ. ਦੇ ਚੇਅਰਮੈਨ ਜ਼ਕਾ ਅਸ਼ਰਫ ਨੇ ਜੈ ਸ਼ਾਹ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਸ਼੍ਰੀਲੰਕਾ ਦੇ ਖਰਾਬ ਮੌਸਮ ਕਾਰਨ ਏਸ਼ੀਆ ਕੱਪ 2023 ਦੇ ਬਾਕੀ ਬਚੇ ਮੈਚਾਂ ਨੂੰ ਪਾਕਿਸਤਾਨ 'ਚ ਸ਼ਿਫਟ ਕਰਨ। ਉਨ੍ਹਾਂ ਦਾ ਇਹ ਬਿਆਨ ਉਦੋਂ ਆਇਆ ਜਦੋਂ 2 ਸਤੰਬਰ ਨੂੰ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਕੈਂਡੀ, ਸ਼੍ਰੀਲੰਕਾ 'ਚ ਖੇਡਿਆ ਗਿਆ ਮੈਚ ਖਰਾਬ ਮੌਸਮ ਕਾਰਨ ਪੂਰਾ ਨਹੀਂ ਹੋ ਸਕਿਆ ਅਤੇ ਪਹਿਲੀ ਪਾਰੀ ਤੋਂ ਬਾਅਦ ਇਸ ਨੂੰ ਰੱਦ ਕਰਨਾ ਪਿਆ। ਨੇਪਾਲ ਨਾਲ ਭਾਰਤ ਦੇ ਮੈਚ ਵਿੱਚ ਵੀ ਮੀਂਹ ਪੈਣ ਦੀ ਸੰਭਾਵਨਾ ਹੈ।

ਪਾਕਿਸਤਾਨ ਕ੍ਰਿਕਟ ਬੋਰਡ (ਪੀ.ਸੀ.ਬੀ.) ਦੇ ਚੇਅਰਮੈਨ ਜ਼ਕਾ ਅਸ਼ਰਫ ਨੇ ਕਥਿਤ ਤੌਰ 'ਤੇ ਮੌਸਮ ਦੀ ਸਥਿਤੀ ਕਾਰਨ ਏਸ਼ੀਆ ਕੱਪ 2023 ਦੇ ਬਾਕੀ ਮੈਚਾਂ ਨੂੰ ਸ਼੍ਰੀਲੰਕਾ ਤੋਂ ਪਾਕਿਸਤਾਨ ਸ਼ਿਫਟ ਕਰਨ ਦੀ ਸਿਫਾਰਸ਼ ਕੀਤੀ ਹੈ। ਜ਼ਕਾ ਅਸ਼ਰਫ਼ ਨੇ ਕਥਿਤ ਤੌਰ 'ਤੇ ਏਸ਼ੀਅਨ ਕ੍ਰਿਕਟ ਕੌਂਸਲ (ਏ. ਸੀ. ਸੀ.) ਦੇ ਪ੍ਰਧਾਨ ਜੈ ਸ਼ਾਹ ਨੂੰ ਵੀ ਸ਼੍ਰੀਲੰਕਾ ਵਿੱਚ ਮੈਚਾਂ ਨੂੰ ਪ੍ਰਭਾਵਿਤ ਕਰਨ ਵਾਲੇ ਮੌਸਮ ਦੀ ਸਥਿਤੀ ਬਾਰੇ ਚਰਚਾ ਕਰਨ ਲਈ ਕਿਹਾ ਹੈ।

ਇਹ ਵੀ ਪੜ੍ਹੋ : ਭਾਰਤੀ ਦੇ ਸਟਾਰ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਬਣੇ ਪਿਤਾ, ਪਤਨੀ ਨੇ ਦਿੱਤਾ ਪੁੱਤਰ ਨੂੰ ਜਨਮ

ਇਸ ਤੋਂ ਪਹਿਲਾਂ ਪਾਕਿਸਤਾਨ ਕ੍ਰਿਕਟ ਬੋਰਡ (ਪੀ.ਸੀ.ਬੀ.) ਦੇ ਸਾਬਕਾ ਚੇਅਰਮੈਨ ਨਜਮ ਨੇ ਟਵਿੱਟਰ 'ਤੇ ਏਸ਼ੀਆਈ ਕ੍ਰਿਕਟ ਕੌਂਸਲ (ਏ. ਸੀ. ਸੀ.) 'ਤੇ ਨਿਸ਼ਾਨਾ ਸਾਧਦੇ ਹੋਏ ਲਿਖਿਆ ਸੀ, 'ਕਿੰਨਾ ਨਿਰਾਸ਼ਾਜਨਕ ਹੈ। ਮੀਂਹ ਨੇ ਕ੍ਰਿਕਟ ਦੇ ਸਭ ਤੋਂ ਵੱਡੇ ਮੈਚ ਵਿੱਚ ਵਿਘਨ ਪਾਇਆ। ਪਰ ਇਹ ਵੀ ਭਵਿੱਖਬਾਣੀ ਕੀਤੀ ਗਈ ਸੀ। 

ਪੀ. ਸੀ. ਬੀ. ਚੇਅਰਮੈਨ ਹੋਣ ਦੇ ਨਾਤੇ, ਮੈਂ ਏ. ਸੀ. ਸੀ. ਨੂੰ ਯੂ. ਏ. ਈ. ਵਿੱਚ ਖੇਡਣ ਦੀ ਬੇਨਤੀ ਕੀਤੀ ਸੀ ਪਰ ਸ਼੍ਰੀਲੰਕਾ ਵਿੱਚ ਈਵੈਂਟ ਦੀ ਮੇਜ਼ਬਾਨੀ ਲਈ ਬੇਕਾਰ ਦਲੀਲਾਂ ਦਿੱਤੀਆਂ ਗਈਆਂ। ਉਸਨੇ ਲਿਖਿਆ, 'ਉਸਨੇ ਕਿਹਾ ਕਿ ਦੁਬਈ ਵਿੱਚ ਬਹੁਤ ਗਰਮੀ ਹੋਵੇਗੀ। ਪਰ ਪਿਛਲੀ ਵਾਰ ਜਦੋਂ ਸਤੰਬਰ 2022 ਵਿਚ ਏਸ਼ੀਆ ਕੱਪ ਉਥੇ ਖੇਡਿਆ ਗਿਆ ਸੀ, ਉਹ ਵੀ ਓਨਾ ਹੀ ਗਰਮ ਸੀ ਜਾਂ ਜਦੋਂ ਅਪ੍ਰੈਲ 2014 ਅਤੇ ਸਤੰਬਰ 2020 ਵਿਚ ਆਈ. ਪੀ. ਐਲ. ਉਥੇ ਖੇਡਿਆ ਗਿਆ ਸੀ। ਖੇਡਾਂ 'ਤੇ ਰਾਜਨੀਤੀ। ਮੁਆਫ਼ ਕਰਨ ਯੋਗ ਨਹੀਂ।'

ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।