ਅਨੁਸ਼ਕਾ ਨੇ ਤੋੜੀ ਚੁੱਪੀ, ਦੱਸਿਆ ਕਿਉਂ ਪਾਉਂਦੀ ਹੈ ਪਤੀ ਵਿਰਾਟ ਦੇ ਕੱਪੜੇ
11/08/2019 11:52:06 PM
ਜਲੰਧਰ— ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਦੀ ਪਤਨੀ ਤੇ ਬਾਲੀਵੁੱਡ ਅਭਿਨੇਤਰੀ ਅਨੁਸ਼ਕਾ ਸ਼ਰਮਾ ਨੂੰ ਕਈ ਵਾਰ ਆਪਣੇ ਪਤੀ ਦੇ ਕਪੜਿਆਂ 'ਚ ਦੇਖਿਆ ਗਿਆ ਹੈ। ਇਸ 'ਤੇ ਹੁਣ ਅਨੁਸ਼ਕਾ ਨੇ ਚੁੱਪੀ ਤੋੜੀ ਹੈ ਤੇ ਕਿਹਾ ਕਿ ਇਸ ਨਾਲ ਵਿਰਾਟ ਨੂੰ ਖੁਸ਼ੀ ਮਿਲਦੀ ਹੈ। ਫਿਲਹਾਲ ਇਸ ਸਮੇਂ ਵਿਰਾਟ ਤੇ ਅਨੁਸ਼ਕਾ ਭੂਟਾਨ 'ਚ ਹਨ ਤੇ ਛੁੱਟੀਆਂ ਬਤੀਤ ਕਰ ਰਹੇ ਹਨ।
ਅਨੁਸ਼ਕਾ ਨੇ ਇਕ ਇੰਟਰਵਿਊ 'ਚ ਇਸ ਗੱਲ ਦਾ ਖੁਲਾਸਾ ਕਰਦੇ ਹੋਏ ਕਿਹਾ ਕਿ ਮੈਂ ਕਈ ਵਾਰ ਆਪਣੇ ਪਤੀ ਦੀਆਂ ਚੀਜਾਂ ਇਸਤੇਮਾਲ ਕਰਦੀ ਹਾਂ, ਜਿਵੇਂ ਵਿਰਾਟ ਦੀ ਟੀ-ਸ਼ਰਟ, ਜੈਕਟ ਤੇ ਕਈ ਹੋਰ ਚੀਜ਼ਾਂ। ਮੈਂ ਇਹ ਇਸ ਲਈ ਕਹਿੰਦੀ ਹਾਂ ਕਿਉਂਕਿ ਵਿਰਾਟ ਨੂੰ ਇਸ ਨਾਲ ਬਹੁਤ ਖੁਸ਼ੀ ਮਿਲਦੀ ਹੈ। ਇੰਨਾ ਹੀ ਨਹੀਂ, ਜੇਕਰ ਅਨੁਸ਼ਕਾ ਸ਼ਰਮਾ ਕੈਪਟਨ ਦੇ ਕੱਪੜੇ ਵੀ ਪਾ ਲਵਾ ਤਾਂ ਵੀ ਬਹੁਤ ਵਧੀਆ ਲੱਗਦਾ ਹੈ। ਕਪਤਾਨ ਕੋਹਲੀ ਤੇ ਅਭਿਨੇਤਰੀ ਅਨੁਸ਼ਕਾ ਸ਼ਰਮਾ ਨੇ ਦਸੰਬਰ 2017 'ਚ ਵਿਆਹ ਕੀਤਾ ਸੀ।
ਜ਼ਿਕਰਯੋਗ ਹੈ ਕਿ ਬੰਗਲਾਦੇਸ਼ ਦੇ ਨਾਲ ਖੇਡੀ ਜਾ ਰਹੀ ਤਿੰਨ ਮੈਚਾਂ ਦੀ ਟੀ-20 ਅੰਤਰਰਾਸ਼ਟਰੀ ਸੀਰੀਜ਼ ਦਾ ਕੋਹਲੀ ਹਿੱਸਾ ਨਹੀਂ ਹੈ। ਉਹ ਬੰਗਲਾਦੇਸ਼ ਦੇ ਨਾਲ ਖੇਡੀ ਜਾਣ ਵਾਲੀ 2 ਮੈਚਾਂ ਦੀ ਟੈਸਟ ਸੀਰੀਜ਼ ਦੇ ਪਹਿਲੇ ਮੈਚ 'ਚ ਦਿਖਾਈ ਦੇਣਗੇ। ਪਹਿਲਾ ਮੈਚ 14 ਨਵੰਬਰ ਤੋਂ 18 ਨਵੰਬਰ ਤਕ ਇੰਦੌਰ 'ਚ ਖੇਡਿਆ ਜਾਵੇਗਾ। ਦੂਜਾ ਮੈਚ ਡੇ-ਨਾਈਟ ਜੋ 22 ਤੋਂ 26 ਨਵੰਬਰ ਨੂੰ ਖੇਡਿਆ ਜਾਵੇਗਾ।
