ਅਮਨ ਰਾਜ ਨੇ ਜਿੱਤਿਆ ਗੁਜਰਾਤ ਓਪਨ, ਮਿਲੀ 1 ਕਰੋੜ ਦੀ ਇਨਾਮੀ ਰਾਸ਼ੀ

ਅਹਿਮਦਾਬਾਦ : ਪਟਨਾ ਦੇ ਅਮਨ ਰਾਜ ਨੇ ਸ਼ਨੀਵਾਰ ਨੂੰ ਇੱਥੇ ਗੁਜਰਾਤ ਓਪਨ ਗੋਲਫ ਚੈਂਪੀਅਨਸ਼ਿਪ 2023 ਦੇ ਫਾਈਨਲ ਗੇੜ ਵਿੱਚ ਇੱਕ ਓਵਰ 73 ਦੇ ਕਾਰਡ ਦੇ ਨਾਲ 11 ਅੰਡਰ 277 ਦਾ ਸਕੋਰ ਬਣਾਇਆ ਤੇ ਗੁਜਰਾਤ ਓਪਨ ਗੋਲਫ ਚੈਂਪੀਅਨਿਸ਼ਪ 2023 ਖ਼ਿਤਾਬ ਆਪਣੇ ਨਾਂ ਕਰ ਲਿਆ। 27 ਸਾਲਾ ਅਮਨ (66-68-70-73) ਪਹਿਲੇ ਗੇੜ ਤੋਂ ਹੀ ਲੀਡਰਬੋਰਡ ਵਿੱਚ ਮੋਹਰੀ ਰਿਹਾ ਅਤੇ ਅੰਤ ਵਿੱਚ 1 ਕਰੋੜ ਰੁਪਏ ਦੀ ਇਨਾਮੀ ਰਾਸ਼ੀ ਵਾਲਾ ਟੂਰਨਾਮੈਂਟ ਜਿੱਤਿਆ।

ਇਸ ਜਿੱਤ ਨਾਲ ਅਮਨ ਪੀਜੀਟੀਆਈ ਰੈਂਕਿੰਗ ਵਿੱਚ 11ਵੇਂ ਤੋਂ ਦੂਜੇ ਸਥਾਨ ’ਤੇ ਪਹੁੰਚ ਗਿਆ ਹੈ। ਉਸ ਨੂੰ 15,00,000 ਰੁਪਏ ਦੀ ਇਨਾਮੀ ਰਾਸ਼ੀ ਮਿਲੀ। ਬੈਂਗਲੁਰੂ ਦਾ ਆਰੀਅਨ ਰੂਪਾ ਆਨੰਦ, ਇੱਕ ਪੇਸ਼ੇਵਰ ਵਜੋਂ ਆਪਣਾ ਦੂਜਾ ਟੂਰਨਾਮੈਂਟ ਖੇਡ ਰਿਹਾ ਹੈ, ਨੇ 10 ਅੰਡਰ 278 ਦਾ ਸਕੋਰ ਬਣਾ ਕੇ ਦੂਜੇ ਸਥਾਨ 'ਤੇ ਰਿਹਾ, ਜਿਸ ਨਾਲ ਉਹ ਪੀਜੀਟੀਆਈ ਮੈਰਿਟ ਸੂਚੀ ਵਿੱਚ 23ਵੇਂ ਤੋਂ 6ਵੇਂ ਸਥਾਨ 'ਤੇ ਪਹੁੰਚ ਗਿਆ। ਅੰਸ਼ੁਲ ਪਟੇਲ ਨੇ ਕੁੱਲ ਅੱਠ ਅੰਡਰ 280 ਦੇ ਸਕੋਰ ਨਾਲ ਫਰੀਦਾਬਾਦ ਦੇ ਅਭਿਨਵ ਲੋਹਾਨ ਨਾਲ ਤੀਜਾ ਸਥਾਨ ਹਾਸਲ ਕੀਤਾ।