ਕੰਗਾਰੂਆਂ ਨੂੰ ਹਰਾ ਟੀਮ ਪਰਤੀ ਭਾਰਤ, ਰਹਾਣੇ ਦਾ ਮੁੰਬਈ ’ਚ ਢੋਲ ਢਮੱਕਿਆਂ ਨਾਲ ਸ਼ਾਨਦਾਰ ਸਵਾਗਤ (ਵੀਡੀਓ)

ਮੁੰਬਈ : ਅਜਿੰਕਿਆ ਰਹਾਣੇ ਆਸਟਰੇਲੀਆ ’ਤੇ ਜਿੱਤ ਦਰਜ ਕਰਣ ਤੋਂ ਬਾਅਦ ਵੀਰਵਾਰ ਨੂੰ ਜਦੋਂ ਕੁੱਝ ਹੋਰ ਖਿਡਾਰੀਆਂ ਨਾਲ ਸਵਦੇਸ਼ ਪੁੱਜੇ ਤਾਂ ਵਾਤਾਵਰਣ ‘ਆਲਾ ਰੇ ਆਲਾ ਅਜਿੰਕਿਆ ਆਲਾ’ ਦੇ ਧੁੰਨ ਨਾਲ ਗੂੰਜ ਉਠਿਆ।

ਇਹ ਵੀ ਪੜ੍ਹੋ: IPL 2021 : ਜਾਣੋ ਕਿਹੜੇ ਖਿਡਾਰੀਆਂ ਨੂੰ ਮਿਲੀ ਜਗ੍ਹਾ ਅਤੇ ਕਿਹੜੇ ਖਿਡਾਰੀ ਹੋਏ ਬਾਹਰ

Welcome back home, champ – a thoroughly deserving hero's reception for Jinks Rahane! 👑 😍

Next up, 🏴󠁧󠁢󠁥󠁮󠁧󠁿 and #IndiaHaiTaiyar for bringing out the fireworks at home! 👊#INDvENG pic.twitter.com/GIXDUed55y

— Star Sports (@StarSportsIndia) January 21, 2021

ਕਪਤਾਨ ਰਹਾਣੇ ਅਤੇ ਕੋਚ ਰਵੀ ਸ਼ਾਸਤਰੀ ਸਮੇਤ ਕੁੱਝ ਹੋਰ ਖਿਡਾਰੀ ਵੀਰਵਾਰ ਨੂੰ ਸਵਦੇਸ਼ ਪੁੱਜੇ ਅਤੇ ਉਨ੍ਹਾਂ ਦਾ ਇੱਥੇ ਸ਼ਾਨਦਾਰ ਸਵਾਗਤ ਕੀਤਾ ਗਿਆ। ਰਹਾਣੇ ਜਦੋਂ ਆਪਣੇ ਘਰ ਪਹੁੰਚੇ ਤਾਂ ਰਵਾਇਤੀ ਢੋਲ ਤਾਸ਼ੇ ਵੱਜ ਰਹੇ ਸਨ ਅਤੇ ਲੋਕ ‘ਆਲਾ ਰੇ ਆਲਾ ਅਜਿੰਕਿਆ ਆਲਾ’ ਗਾ ਰਹੇ ਸਨ। ਜਦੋਂ ਉਹ ਲਾਲ ਕਾਰਪੇਟ ’ਤੇ ਅੱਗੇ ਵੱਧ ਰਹੇ ਸਨ ਤਾਂ ਲੋਕ ਉਨ੍ਹਾਂ ’ਤੇ ਫੁੱਲਾਂ ਦੀ ਵਰਖਾ ਕਰ ਰਹੇ ਸਨ। ਇਸ ਦੌਰਾਨ ਰਹਾਣੇ ਨਾਲ ਉਨ੍ਹਾਂ ਦੀ ਪਤਨੀ ਅਤੇ ਧੀ ਵੀ ਨਜ਼ਰ ਆਈ। ਰਹਾਣੇ ਦੇ ਇਲਾਵਾ, ਮੁੱਖ ਕੋਚ ਰਵੀ ਸ਼ਾਸਤਰੀ, ਸਟਾਰ ਬੱਲੇਬਾਜ਼ ਰੋਹਿਤ ਸ਼ਰਮਾ, ਤੇਜ਼ ਗੇਂਦਬਾਜ਼ ਸ਼ਾਰਦੁਲ ਠਾਕੁਰ ਅਤੇ ਸਲਾਮੀ ਬੱਲੇਬਾਜ਼ ਪ੍ਰਿਥਵੀ ਸ਼ਾਹ ਮੁੰਬਈ, ਜਦੋਂ ਕਿ ਬ੍ਰਿਸਬੇਨ ਟੈਸਟ ਦੇ ਨਾਇਕ ਰਿਸ਼ਭ ਪੰਤ ਤੜਕੇ ਦਿੱਲੀ ਪੁੱਜੇ। 

ਇਹ ਵੀ ਪੜ੍ਹੋ: ਮਾਂ ਬਣਨ ਤੋਂ ਬਾਅਦ ਪਹਿਲੀ ਵਾਰ ਵਿਰਾਟ ਕੋਹਲੀ ਨਾਲ ਨਜ਼ਰ ਆਈ ਅਨੁਸ਼ਕਾ ਸ਼ਰਮਾ, ਤਸਵੀਰਾਂ ਵਾਇਰਲ

📹 "Brilliant... 𝘈𝘳𝘦𝘺 𝘵𝘢𝘢𝘭𝘪 𝘵𝘰𝘩 𝘮𝘢𝘢𝘳..." 🤣🤣🤣

Shardul Thakur being asked to clap as stand-in skipper Ajinkya Rahane cuts a cake to celebrate India's 2-1 win in Australia to retain the Border-Gavaskar Trophy!#AUSvIND 🏏 pic.twitter.com/x9hnJPlWzG

— Sportstar (@sportstarweb) January 21, 2021

ਇਸ ਤੋਂ ਪਹਿਲਾਂ ਰਹਾਣੇ, ਸ਼ਾਸਤਰੀ, ਸ਼ਾਰਦੁਲ ਅਤੇ ਸ਼ਾਹ ਦਾ ਮੁੰਬਈ ਪਹੁੰਚਣ ’ਤੇ ਮੁੰਬਈ ਕ੍ਰਿਕਟ ਸੰਘ ਦੇ ਅਧਿਕਾਰੀਆਂ ਨੇ ਸਵਾਗਤ ਕੀਤਾ। ਰਹਾਣੇ ਨੇ ਟੀਮ ਦੀ ਜਿੱਤ ਦਾ ਜਸ਼ਨ ਮਨਾਉਣ ਲਈ ਕੇਟ ਵੀ ਕੱਟਿਆ।  ਮੁੰਬਈ ਪੁੱਜੇ ਸਾਰੇ ਕ੍ਰਿਕਟ ਖਿਡਾਰੀਆਂ ਨੂੰ ਅਗਲੇ 7 ਦਿਨਾਂ ਤੱਕ ਇਕਾਂਤਵਾਸ ਵਿਚ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ। 

ਇਹ ਵੀ ਪੜ੍ਹੋ: ਬਾਈਡੇਨ ਦੇ ਸਹੁੰ ਚੁੱਕ ਸਮਾਗਮ ’ਚ ਲੇਡੀ ਗਾਗਾ ਦੀ ਡਰੈੱਸ ਨੇ ਆਪਣੇ ਵੱਲ ਖਿੱਚਿਆ ਸਭ ਦਾ ਧਿਆਨ (ਤਸਵੀਰਾਂ)

Mumbaikars welcoming their hero! #AUSvINDtest #AjinkyaRahane pic.twitter.com/i7sdCfrodW

— Aniket (@AniketKadam_) January 21, 2021

ਇਸ ਤੋਂ ਇਲਾਵਾ ਪਹਿਲਾਂ ਨੈਟ ਗੇਂਦਬਾਜ਼ ਦੇ ਰੂਪ ਵਿਚ ਚੁਣੇ ਗਏ ਪਰ ਬਾਅਦ ਵਿਚ ਇਕ ਦੌਰੇ ਦੌਰਾਨ ਤਿੰਨਾਂ ਅੰਤਰਰਾਸ਼ਟਰੀ ਰੂਪਾਂ ਵਿਚ ਡੈਬਿਊ ਕਰਣ ਵਾਲੇ ਪਹਿਲੇ ਕ੍ਰਿਕਟਰ ਬਣੇ ਤੇਜ਼ ਗੇਂਦਬਾਜ਼ ਟੀ ਨਟਰਾਜਨ ਬੇਂਗਲੁਰੂ ਗਏ, ਜਿੱਥੋਂ ਉਹ ਤਾਮਿਲਨਾਡੂ ਵਿਚ ਆਪਣੇ ਪਿੰਡ ਸਲੇਮ ਜਾਣਗੇ। ਚੇਨਈ ਦੇ ਰਹਿਣ ਵਾਲੇ ਅਨੁਭਵੀ ਸਪਿਨਰ ਰਵਿਚੰਦਰਨ ਅਸ਼ਵਿਨ, ਨੌਜਵਾਨ ਆਲਰਾਊਂਡਰ ਵਾਸ਼ਿੰਗਟਨ ਸੁੰਤਰ ਅਤੇ ਗੇਂਦਬਾਜ਼ੀ ਕੋਚ ਭਰਤ ਅਰੁਣ ਅਜੇ ਦੁਬਈ ਵਿਚ ਹਨ ਅਤੇ ਉਨ੍ਹਾਂ ਦੇ ਸ਼ੁੱਕਰਵਾਰ ਦੀ ਸਵੇਰ ਨੂੰ ਸਵਦੇਸ਼ ਪਹੁੰਚਣ ਦੀ ਸੰਭਾਵਨਾ ਹੈ।

ਕਈ ਖਿਡਾਰੀਆਂ ਦੇ ਜ਼ਖ਼ਮੀ ਹੋਣ ਦੇ ਬਾਵਜੂਦ ਭਾਰਤ ਨੇ ਮੰਗਲਵਾਰ ਨੂੰ ਬ੍ਰਿਸਬੇਨ ਵਿਚ ਚੌਥੇ ਅਤੇ ਆਖ਼ਰੀ ਟੈਸਟ ਮੈਚ ਵਿਚ ਆਸਟਰੇਲੀਆ ਨੂੰ 3 ਵਿਕਟਾਂ ਨਾਲ ਹਰਾ ਕੇ ਸੀਰੀਜ਼ 2-1 ਨਾਲ ਜਿੱਤੀ ਅਤੇ ਇਸ ਤਰ੍ਹਾਂ ਨਾਲ ਬਾਰਡਰ-ਗਾਵਸਕਰ ਟਰਾਫੀ ਆਪਣੇ ਕੋਲ ਬਰਕਰਾਰ ਰੱਖੀ।

ਇਹ ਵੀ ਪੜ੍ਹੋ: ਕ੍ਰਿਕਟਰ ਸੁਰੇਸ਼ ਰੈਨਾ ਦੇ ਰਿਸ਼ਤੇਦਾਰ ਨੂੰ ਕਤਲ ਕਰਨ ਵਾਲਾ ਇਕ ਹੋਰ ਦੋਸ਼ੀ ਸਹਾਰਨਪੁਰ ਤੋਂ ਗ੍ਰਿਫ਼ਤਾਰ

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।