IPL 2026 ਤੋਂ ਪਹਿਲਾਂ ਪੰਜਾਬ ਕਿੰਗਜ਼ 'ਚ 4 ਨਵੇਂ ਖਿਡਾਰੀਆਂ ਦੀ ਐਂਟਰੀ! ਸਾਲਾਂ ਪੁਰਾਣੇ 'ਸਾਥੀ' ਦੀ ਵੀ ਹੋਈ ਵਾਪਸੀ

ਸਪੋਰਟਸ ਡੈਸਕ- ਇੰਡੀਅਨ ਪ੍ਰੀਮੀਅਰ ਲੀਗ (IPL) 2026 ਦੀ ਮਿੰਨੀ ਨਿਲਾਮੀ ਮੰਗਲਵਾਰ, 16 ਦਸੰਬਰ ਨੂੰ ਅਬੂ ਧਾਬੀ ਵਿੱਚ ਹੋਣ ਤੋਂ ਬਾਅਦ, ਪੰਜਾਬ ਕਿੰਗਜ਼ (PBKS) ਨੇ ਆਪਣਾ 25 ਮੈਂਬਰੀ ਸਕੁਐਡ ਪੂਰਾ ਕਰ ਲਿਆ ਹੈ। ਪਿਛਲੇ ਸਾਲ ਦੀ ਉਪ-ਜੇਤੂ (Runner-up) ਟੀਮ ਨੇ ਨਿਲਾਮੀ ਦੌਰਾਨ ਜ਼ਿਆਦਾ ਹਮਲਾਵਰ ਰੁਖ ਨਹੀਂ ਅਪਣਾਇਆ। ਮਿੰਨੀ ਨਿਲਾਮੀ ਵਿੱਚ ਪੰਜਾਬ ਕਿੰਗਜ਼ ਲਈ ਇਹ ਇੱਕ ਤਰ੍ਹਾਂ ਦੀ ਮੌਨ ਨਿਲਾਮੀ (Mute Auction) ਰਹੀ, ਜਿਸ ਦੌਰਾਨ ਟੀਮ ਨੇ ਸਿਰਫ਼ ਚਾਰ ਖਿਡਾਰੀਆਂ ਨੂੰ ਖਰੀਦਿਆ।

ਦੋ ਆਸਟ੍ਰੇਲੀਆਈ ਖਿਡਾਰੀਆਂ 'ਤੇ ਵੱਡਾ ਖਰਚਾ
ਪੰਜਾਬ ਕਿੰਗਜ਼ ਨੇ ਆਪਣੀ ਟੀਮ ਨੂੰ ਹੋਰ ਮਜ਼ਬੂਤ ​​ਕਰਨ ਲਈ ਦੋ ਆਸਟ੍ਰੇਲੀਆਈ ਖਿਡਾਰੀਆਂ ਨੂੰ ਆਪਣੇ ਸਕੁਐਡ ਦਾ ਹਿੱਸਾ ਬਣਾਇਆ ਹੈ, ਜਿਨ੍ਹਾਂ 'ਤੇ ਕਰੋੜਾਂ ਰੁਪਏ ਖਰਚ ਕੀਤੇ ਗਏ।

1. ਕੂਪਰ ਕੌਨੌਲੀ : ਆਸਟ੍ਰੇਲੀਆਈ ਕੂਪਰ ਕੌਨੌਲੀ ਨੂੰ ਖਰੀਦਣ ਲਈ ਪੰਜਾਬ ਕਿੰਗਜ਼ ਅਤੇ KKR ਵਿਚਕਾਰ ਬੋਲੀ ਲੱਗੀ। ਕੌਨੌਲੀ, ਜਿਨ੍ਹਾਂ ਦੀ ਬੇਸ ਪ੍ਰਾਈਜ਼ 2 ਕਰੋੜ ਰੁਪਏ ਸੀ, ਨੂੰ ਪੰਜਾਬ ਕਿੰਗਜ਼ ਨੇ 3 ਕਰੋੜ ਰੁਪਏ ਵਿੱਚ ਖਰੀਦਿਆ।

2. ਬੇਨ ਡਵਾਰਸ਼ੂਇਸ : ਤੇਜ਼ ਗੇਂਦਬਾਜ਼ ਬੇਨ ਡਵਾਰਸ਼ੂਇਸ, ਜਿਨ੍ਹਾਂ ਦੀ ਬੇਸ ਪ੍ਰਾਈਜ਼ 1 ਕਰੋੜ ਰੁਪਏ ਸੀ, ਲਈ CSK ਅਤੇ ਗੁਜਰਾਤ ਟਾਈਟਨਜ਼ ਨਾਲ ਟੱਕਰ ਹੋਈ। ਪੰਜਾਬ ਕਿੰਗਜ਼ ਨੇ ਅੰਤ ਵਿੱਚ ਡਵਾਰਸ਼ੂਇਸ ਨੂੰ 4.40 ਕਰੋੜ ਰੁਪਏ ਵਿੱਚ ਖਰੀਦਿਆ।

ਸਾਲਾਂ ਬਾਅਦ ਪੁਰਾਣੇ 'ਸਾਥੀ' ਡਵਾਰਸ਼ੁਇਸ ਦੀ ਟੀਮ 'ਚ ਵਾਪਸੀ
ਆਈਪੀਐੱਲ 2026 ਨਿਲਾਮੀ 'ਚ ਪੰਜਾਬ ਕਿੰਗਜ਼ ਨੇ ਬੇਨ ਡਵਾਰਸ਼ੁਇਸ ਨੂੰ 4.40 ਕਰੋੜ ਰੁਪਏ ਖਰਚ ਕਰਕੇ ਆਪਣੀ ਟੀਮ 'ਚ ਸ਼ਾਮਲ ਕੀਤਾ ਹੈ। ਡਵਾਰਸ਼ੁਇਸ ਇਸ ਤੋਂ ਪਹਿਲਾਂ ਵੀ ਪੰਜਾਬ ਕਿਗਜ਼ ਲਈ ਆਈਪੀਐੱਲ ਖੇਡ ਚੁੱਕੇ ਹਨ। 2018 ਸੀਜ਼ਨ ਲਈ ਪੰਜਾਬ ਕਿੰਗਜ਼ ਨੇ ਬੇਨ ਡਵਾਰਸ਼ੁਇਸ ਨੂੰ 1.40 ਕਰੋੜ ਰੁਪਏ ਖਰਚ ਕਰਕੇ ਟੀਮ 'ਚ ਸ਼ਾਮਲ ਕੀਤਾ ਸੀ। ਇਸ ਤਰ੍ਹਾਂ ਟੀਮ ਨੇ ਆਪਣੇ ਪੁਰਾਣੇ ਸਾਥੀ ਨੂੰ ਇਕ ਵਾਰ ਫਿਰ ਮੌਕਾ ਦਿੱਤਾ ਹੈ। 

3. ਬੇਸ ਪ੍ਰਾਈਜ਼ 'ਤੇ ਖਰੀਦੇ ਖਿਡਾਰੀ : ਪੰਜਾਬ ਨੇ ਦੋ ਅਨਕੈਪਡ ਖਿਡਾਰੀਆਂ – ਪ੍ਰਵੀਨ ਦੂਬੇ ਅਤੇ ਵਿਸ਼ਾਲ ਨਿਸ਼ਾਦ – ਨੂੰ ਉਨ੍ਹਾਂ ਦੀ ਬੇਸ ਪ੍ਰਾਈਜ਼ 30 ਲੱਖ ਰੁਪਏ ਵਿੱਚ ਖਰੀਦਿਆ।

ਰਿਟੇਨ ਕੀਤੇ ਗਏ ਮੁੱਖ ਖਿਡਾਰੀ ਅਤੇ ਸਕੁਐਡ
ਪੰਜਾਬ ਕਿੰਗਜ਼ ਨੇ ਨਿਲਾਮੀ ਵਿੱਚ ਜ਼ਿਆਦਾ ਮਿਹਨਤ ਨਹੀਂ ਕੀਤੀ ਕਿਉਂਕਿ ਉਨ੍ਹਾਂ ਦੀ ਟੀਮ ਪਹਿਲਾਂ ਤੋਂ ਹੀ ਮਜ਼ਬੂਤ ​​ਤਿਆਰੀ ਵਿੱਚ ਸੀ। ਪਿਛਲੇ ਸੀਜ਼ਨ ਵਿੱਚ ਪੰਜਾਬ ਕਿੰਗਜ਼ ਪੁਆਇੰਟਸ ਟੇਬਲ ਵਿੱਚ ਸਿਖਰ 'ਤੇ ਰਹੀ ਸੀ, ਹਾਲਾਂਕਿ ਫਾਈਨਲ ਵਿੱਚ ਉਨ੍ਹਾਂ ਨੂੰ RCB ਹੱਥੋਂ 7 ਵਿਕਟਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਸ਼੍ਰੇਅਸ ਅਈਅਰ ਦੀ ਅਗਵਾਈ ਹੇਠ ਟੀਮ ਦਾ ਇਸ ਵਾਰ ਵੀ ਮਜ਼ਬੂਤ ​​ਪ੍ਰਦਰਸ਼ਨ ਦੀ ਉਮੀਦ ਹੈ।

IPL 2026 ਲਈ ਪੰਜਾਬ ਕਿੰਗਜ਼ ਦਾ ਪੂਰਾ ਸਕੁਐਡ:

ਰਿਟੇਨ ਕੀਤੇ ਗਏ ਖਿਡਾਰੀ
ਅਰਸ਼ਦੀਪ ਸਿੰਘ, ਅਜ਼ਮਤੁੱਲਾ ਓਮਰਜ਼ਈ, ਹਰਨੂਰ ਸਿੰਘ ਪੰਨੂ, ਹਰਪ੍ਰੀਤ ਬਰਾੜ, ਲੋਕੀ ਫਰਗਿਊਸਨ, ਮਾਰਕੋ ਯਾਨਸਨ, ਮਾਰਕਸ ਸਟੋਇਨਿਸ, ਮਿਚ ਓਵਨ, ਮੁਸ਼ੀਰ ਖਾਨ, ਨੇਹਾਲ ਵਢੇਰਾ, ਪ੍ਰਭਸਿਮਰਨ ਸਿੰਘ, ਪ੍ਰਿਆਂਸ਼ ਆਰਿਆ, ਪਾਇਲਾ ਅਵਿਨਾਸ਼, ਸ਼ਸ਼ਾਂਕ ਸਿੰਘ, ਸ਼੍ਰੇਅਸ ਅਈਅਰ, ਸੂਰਯਾਂਸ਼ ਹੇਗੜੇ, ਵਿਸ਼ਨੂੰ ਵਿਨੋਦ, ਵੈਸ਼ਾਖ ਵਿਜੇਕੁਮਾਰ, ਜ਼ੇਵੀਅਰ ਬਾਰਟਲੇਟ, ਯਸ਼ ਠਾਕੁਰ, ਯੁਜਵੇਂਦਰ ਚਹਿਲ।

2026 ਸੀਜ਼ਨ ਲਈ ਨਿਲਾਮੀ ਵਿੱਚ ਖਰੀਦੇ ਗਏ ਖਿਡਾਰੀ (4)

ਕੂਪਰ ਕੌਨੌਲੀ (3.00 ਕਰੋੜ ਰੁਪਏ), ਬੇਨ ਡਵਾਰਸ਼ੂਇਸ (4.40 ਕਰੋੜ ਰੁਪਏ), ਪ੍ਰਵੀਨ ਦੂਬੇ (30 ਲੱਖ ਰੁਪਏ), ਅਤੇ ਵਿਸ਼ਾਲ ਨਿਸ਼ਾਦ (30 ਲੱਖ ਰੁਪਏ)।