ਲੋਕਾਂ ਲਈ ਖ਼ਤਰੇ ਦੀ ਘੰਟੀ, ਕੜਾਕੇ ਦੀ ਠੰਡ ਦਰਮਿਆਨ ਖੜ੍ਹੀ ਹੋਈ ਇਹ ਵੱਡੀ ਮੁਸੀਬਤ

ਚੰਡੀਗੜ੍ਹ (ਅਧੀਰ ਰੋਹਾਲ) : ਪਿਛਲੇ ਮਹੀਨੇ ਦੋ ਹਫ਼ਤਿਆਂ ਤੱਕ ਬੇਮਿਸਾਲ ਪ੍ਰਦੂਸ਼ਣ ਦਾ ਸਾਹਮਣਾ ਕਰਨ ਤੋਂ ਬਾਅਦ ਵੱਧਦੀ ਠੰਡ ਵਿਚਾਲੇ ਚੰਡੀਗੜ੍ਹ ਇਕ ਵਾਰ ਫਿਰ ਪ੍ਰਦੂਸ਼ਣ ਦੀ ਲਪੇਟ ਵਿਚ ਆ ਗਿਆ ਹੈ। ਐਤਵਾਰ ਰਾਤ ਨੂੰ ਸ਼ਹਿਰ ਦੇ ਕੁਝ ਹਿੱਸਿਆਂ ਵਿਚ ਕੁਝ ਘੰਟਿਆਂ ਲਈ ਪ੍ਰਦੂਸ਼ਣ ਦਾ ਪੱਧਰ 400 ਨੂੰ ਵੀ ਪਾਰ ਕਰ ਗਿਆ ਸੀ। ਬਾਕੀ ਰਾਤ ਤੱਕ, ਪ੍ਰਦੂਸ਼ਣ ਦਾ ਪੱਧਰ 300 ਤੋਂ 400 ਦੇ ਵਿਚਕਾਰ ਬਹੁਤ ਮਾੜੇ ਪੱਧਰ ’ਤੇ ਰਿਹਾ। ਸੋਮਵਾਰ ਨੂੰ ਦਿਨ ’ਚ ਪ੍ਰਦੂਸ਼ਣ ਦਾ ਪੱਧਰ 300 ਤੋਂ ਹੇਠਾਂ ਆਉਣ ਤੋਂ ਬਾਅਦ ਰਾਤ 9 ਵਜੇ ਤੋਂ ਬਾਅਦ ਇਕ ਵਾਰ ਫਿਰ ਪ੍ਰਦੂਸ਼ਣ ਦਾ ਪੱਧਰ ਸੈਕਟਰ 22 ’ਚ 399 ਅਤੇ 53 ਦੇ ਨੇੜੇ 395 ’ਤੇ ਪਹੁੰਚ ਗਿਆ। ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ ਅਨੁਸਾਰ ਸੋਮਵਾਰ ਨੂੰ ਦੇਸ਼ ਭਰ ਦੇ ਪ੍ਰਮੁੱਖ ਸ਼ਹਿਰਾਂ ਦਾ ਏਅਰ ਕੁਆਲਿਟੀ ਇੰਡੈਕਸ (ਏ.ਕਿਊ.ਆਈ.) ਵੀ 288 ਮਾਈਕ੍ਰੋਗ੍ਰਾਮ ਪ੍ਰਤੀ ਘਣ ਮੀਟਰ ਦੇ ਮਾੜੇ ਪੱਧਰ ’ਤੇ ਰਿਹਾ। ਮਾਹਿਰਾਂ ਅਨੁਸਾਰ ਇਨ੍ਹੀਂ ਦਿਨੀਂ ਚੱਲ ਰਹੀਆਂ ਉੱਤਰ-ਪੱਛਮੀ ਹਵਾਵਾਂ ਨਾਲ ਬੱਦੀ ਦੇ ਸਨਅਤੀ ਖੇਤਰ ਦੇ ਪ੍ਰਦੂਸ਼ਣ ਨੇ ਇਕ ਵਾਰ ਫਿਰ ਚੰਡੀਗੜ੍ਹ ਨੂੰ ਆਪਣੀ ਲਪੇਟ ਵਿਚ ਲੈ ਲਿਆ ਹੈ। ਰਾਤ ਨੂੰ ਲਗਾਤਾਰ ਡਿੱਗ ਰਿਹਾ ਤਾਪਮਾਨ ਵੀ ਸ਼ਹਿਰ ’ਤੇ ਰਾਤ ਨੂੰ ਜ਼ਿਆਦਾ ਸਮੇਂ ਤੱਕ ਪ੍ਰਦੂਸ਼ਣ ਬਣੇ ਰਹਿਣ ਦੇ ਹਾਲਾਤ ਪੈਦਾ ਕਰ ਰਿਹਾ ਹੈ।

ਇਹ ਵੀ ਪੜ੍ਹੋ : ਪੰਜਾਬ ਦੇ ਇਨ੍ਹਾਂ ਅਧਿਆਪਕਾਂ 'ਤੇ ਹੋਈ ਸਖ਼ਤ ਕਾਰਵਾਈ, ਮੁਅੱਤਲ ਕਰਨ ਦੇ ਹੁਕਮ ਜਾਰੀ

ਬੱਦੀ ਦੇ ਪ੍ਰਦੂਸ਼ਣ ਅਤੇ ਅਨੁਕੂਲ ਮੌਸਮ ਨੇ ਖਰਾਬ ਕੀਤੀ ਹਵਾ

ਮਾਹਿਰਾਂ ਅਨੁਸਾਰ ਇਹ ਚਿੰਤਾ ਦਾ ਵਿਸ਼ਾ ਹੈ ਕਿ ਚੰਡੀਗੜ੍ਹ ਵਿਚ ਪ੍ਰਦੂਸ਼ਣ ਦਾ ਪੱਧਰ ਇਨ੍ਹੀਂ ਦਿਨੀਂ ਇੰਨਾ ਖ਼ਰਾਬ ਹੈ ਕਿਉਂਕਿ ਪੰਜਾਬ-ਹਰਿਆਣਾ ਵਿਚ ਇਨ੍ਹਾਂ ਦਿਨਾਂ ਵਿਚ ਕਿਤੇ ਵੀ ਪਰਾਲੀ ਨਹੀਂ ਸੜ ਰਹੀ। ਪੰਜਾਬ ਦੇ ਸਾਰੇ ਸ਼ਹਿਰਾਂ ਵਿਚ ਏ.ਕਿਊ.ਆਈ. 200 ਤੋਂ ਹੇਠਾਂ ਚੱਲ ਰਿਹਾ ਹੈ। ਇਸ ਲਈ ਚੰਡੀਗੜ੍ਹ ਵਿਚ ਪ੍ਰਦੂਸ਼ਣ ਦਾ ਪੱਧਰ ਵਧਣ ਦਾ ਕਾਰਨ ਨਾਲ ਲੱਗਦੇ ਬੱਦੀ ਇਲਾਕੇ ਦਾ ਪ੍ਰਦੂਸ਼ਣ ਅਤੇ ਮੌਜੂਦਾ ਮੌਸਮ ਦਾ ਪੈਟਰਨ ਹੈ। ਬੱਦੀ ਵਿਚ ਐਤਵਾਰ ਰਾਤ ਨੂੰ ਪ੍ਰਦੂਸ਼ਣ ਦਾ ਪੱਧਰ 300 ਤੋਂ ਉੱਪਰ ਸੀ। ਇਨ੍ਹੀਂ ਦਿਨੀਂ ਉੱਤਰ ਤੋਂ ਪੱਛਮ ਵੱਲ ਵਗਣ ਵਾਲੀਆਂ ਹਵਾਵਾਂ ਕਾਰਨ ਇਹ ਹਵਾਵਾਂ ਬੱਦੀ ਦੇ ਪ੍ਰਦੂਸ਼ਣ ਨੂੰ ਚੰਡੀਗੜ੍ਹ ਲੈ ਆਈਆਂ। ਇੱਥੇ ਰਾਤ ਨੂੰ ਤਾਪਮਾਨ ਵਿਚ ਗਿਰਾਵਟ ਕਾਰਨ ਹਵਾ ਵਿਚ ਭਾਰੀ ਕਣਾਂ ਨੇ ਪ੍ਰਦੂਸ਼ਣ ਦਾ ਪੱਧਰ ਵਧਾ ਦਿੱਤਾ। ਇਹੀ ਕਾਰਨ ਹੈ ਕਿ ਜਦੋਂ ਤੱਕ ਰਾਤ ਅਤੇ ਸਵੇਰ ਦੇ ਸਮੇਂ ਤਾਪਮਾਨ 15 ਡਿਗਰੀ ਤੋਂ ਹੇਠਾਂ ਰਿਹਾ ਤਾਂ ਪ੍ਰਦੂਸ਼ਣ ਦਾ ਪੱਧਰ ਵੀ 400 ਤੱਕ ਚਲਾ ਗਿਆ। ਜਦੋਂ ਦਿਨ ਦੇ 12 ਵਜੇ ਤਾਪਮਾਨ 20 ਡਿਗਰੀ ਤੋਂ ਉਪਰ ਚਲਾ ਗਿਆ ਤਾਂ ਭਾਰੀ ਕਣ ਵਧਣ ਕਾਰਨ ਪ੍ਰਦੂਸ਼ਣ ਦਾ ਪੱਧਰ 200 ਤੋਂ ਹੇਠਾਂ ਆ ਗਿਆ।

ਇਹ ਵੀ ਪੜ੍ਹੋ : ਸ੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਪ੍ਰਕਾਸ਼ ਦਿਹਾੜੇ ’ਤੇ ਪੰਜਾਬ 'ਚ ਛੁੱਟੀ...

ਚੰਡੀਗੜ੍ਹ ਦੀਆਂ ਰਾਤਾਂ ਅਜੇ ਵੀ ਸ਼ਿਮਲਾ ਨਾਲੋਂ ਠੰਡੀਆਂ, ਦਿਨ ਵੇਲੇ ਪਾਰਾ 26 ਡਿਗਰੀ ਤੱਕ ਪਹੁੰਚ ਰਿਹਾ

ਜੇਕਰ ਮੌਸਮ ਦੇ ਪੈਟਰਨ ’ਤੇ ਨਜ਼ਰ ਮਾਰੀਏ ਤਾਂ ਚੰਡੀਗੜ੍ਹ ’ਚ ਰਾਤ ਨੂੰ ਵੀ ਤਾਪਮਾਨ 5 ਡਿਗਰੀ ਤੋਂ ਹੇਠਾਂ ਰਹਿੰਦਾ ਹੈ। ਚੰਡੀਗੜ੍ਹ ’ਚ ਐਤਵਾਰ ਰਾਤ ਨੂੰ ਘੱਟੋ-ਘੱਟ ਤਾਪਮਾਨ 4.6 ਡਿਗਰੀ ਰਿਹਾ, ਜੋ ਸ਼ਿਮਲਾ ਨਾਲੋਂ 6.6 ਡਿਗਰੀ ਘੱਟ ਸੀ। ਸ਼ਿਮਲਾ ਵਿਚ ਘੱਟੋ-ਘੱਟ ਤਾਪਮਾਨ 10.9 ਡਿਗਰੀ ਰਿਹਾ। ਹਾਲਾਂਕਿ ਦਿਨ 26 ਡਿਗਰੀ ਤੱਕ ਪਹੁੰਚਣ ਨਾਲ ਠੰਡ ਅਤੇ ਪ੍ਰਦੂਸ਼ਣ ਤੋਂ ਰਾਹਤ ਮਿਲੀ ਹੈ। ਆਉਣ ਵਾਲੇ ਦਿਨਾਂ ਵਿਚ ਵੀ ਦਿਨ ਦਾ ਤਾਪਮਾਨ 22 ਤੋਂ 25 ਡਿਗਰੀ ਦੇ ਵਿਚਕਾਰ ਰਹਿਣ ਦੀ ਸੰਭਾਵਨਾ ਹੈ ਪਰ 18 ਦਸੰਬਰ ਤੋਂ ਬਾਅਦ ਦਿਨ ਦੇ ਤਾਪਮਾਨ ਵਿਚ ਗਿਰਾਵਟ ਆਉਣ ਦੀ ਸੰਭਾਵਨਾ ਹੈ। 

ਇਹ ਵੀ ਪੜ੍ਹੋ : ਪੰਜਾਬ 'ਚ ਖ਼ੌਫਨਾਕ ਵਾਰਦਾਤ, 40-50 ਬੰਦਿਆਂ ਨੇ ਘਰ ਆ ਕੇ ਵੱਢਿਆ ਆਮ ਆਦਮੀ ਪਾਰਟੀ ਦਾ ਸਰਪੰਚ

ਰਾਤਾਂ ਸ਼ਿਮਲਾ ਨਾਲੋਂ ਠੰਡੀਆਂ, ਦਿਨ ਵੇਲੇ 26 ਡਿਗਰੀ ਤੱਕ ਪਹੁੰਚਿਆ ਪਾਰਾ

ਜੇਕਰ ਮੌਸਮ ਦੇ ਪੈਟਰਨ ’ਤੇ ਨਜ਼ਰ ਮਾਰੀਏ ਤਾਂ ਚੰਡੀਗੜ੍ਹ ’ਚ ਹਾਲੇ ਵੀ ਰਾਤ ਨੂੰ ਤਾਪਮਾਨ 5 ਡਿਗਰੀ ਤੋਂ ਘੱਟ ਚੱਲ ਰਿਹਾ ਹੈ। ਚੰਡੀਗੜ੍ਹ ’ਚ ਐਤਵਾਰ ਰਾਤ ਨੂੰ ਘੱਟੋ-ਘੱਟ ਤਾਪਮਾਨ 4.6 ਡਿਗਰੀ ਰਿਹਾ, ਜੋ ਸ਼ਿਮਲਾ ਨਾਲੋਂ 6.6 ਡਿਗਰੀ ਘੱਟ ਸੀ। ਸ਼ਿਮਲਾ ਵਿਚ ਘੱਟੋ-ਘੱਟ ਤਾਪਮਾਨ 10.9 ਡਿਗਰੀ ਸੀ। ਹਾਲਾਂਕਿ ਦਿਨ ਦਾ 26 ਡਿਗਰੀ ਤੱਕ ਪਹੁੰਚਣ ਨਾਲ ਠੰਡ ਅਤੇ ਪ੍ਰਦੂਸ਼ਣ ਤੋਂ ਰਾਹਤ ਮਿਲੀ ਹੈ। ਆਉਣ ਵਾਲੇ ਦਿਨਾਂ ਵਿਚ ਵੀ ਦਿਨ ਦਾ ਤਾਪਮਾਨ 22 ਤੋਂ 25 ਡਿਗਰੀ ਦੇ ਵਿਚਕਾਰ ਰਹਿਣ ਦੀ ਸੰਭਾਵਨਾ ਹੈ ਪਰ 18 ਦਸੰਬਰ ਤੋਂ ਬਾਅਦ ਦਿਨ ਦੇ ਤਾਪਮਾਨ ਵਿਚ ਗਿਰਾਵਟ ਆਉਣ ਦੀ ਸੰਭਾਵਨਾ ਹੈ।

ਇਹ ਵੀ ਪੜ੍ਹੋ : ਪੰਜਾਬ 'ਚ ਰੂਹ ਕੰਬਾਊ ਹਾਦਸਾ, ਤਿੰਨ ਭਰਾਵਾਂ ਦੀ ਇਕੱਠਿਆਂ ਮੌਤ

ਸੋਮਵਾਰ ਰਾਤ 9 ਵਜੇ ਫਿਰ 400 ਤੋਂ ਪਾਰ ਪਹੁੰਚਿਆ ਪ੍ਰਦੂਸ਼ਣ

-ਸੈਕਟਰ 22 ਦੇ ਆਲੇ ਦੁਆਲੇ ਪੀ.ਐਮ. 2.5. ਦਾ ਪੱਧਰ ਐਤਵਾਰ ਰਾਤ 11 ਤੋਂ 12 ਵਜੇ ਤੱਕ 402 ਤੱਕ ਪਹੁੰਚਿਆ
-ਸੈਕਟਰ 22 ਦੇ ਆਲੇ ਦੁਆਲੇ ਪੀ.ਐੱਮ. 10 ਦਾ ਪੱਧਰ ਵੀ ਐਤਵਾਰ ਰਾਤ 10 ਤੋਂ 11 ਵਜੇ ਤੱਕ 328 ਹੋ ਗਿਆ।
-ਸੈਕਟਰ 53 ਵਿਚ ਪੀ.ਐੱਮ.2.5 ਦਾ ਪੱਧਰ ਐਤਵਾਰ ਰਾਤ 11 ਤੋਂ 12 ਵਜੇ ਤੱਕ 398 ਤੱਕ ਪਹੁੰਚਿਆ।
-ਸੈਕਟਰ 53 ਵਿਚ ਹੀ 10.2 ਦਾ ਪੱਧਰ ਰਾਤ 11 ਤੋਂ 12 ਵਜੇ ਦਰਮਿਆਨ 328 ਤੱਕ ਪਹੁੰਚ ਗਿਆ।
-ਸੋਮਵਾਰ ਰਾਤ ਫਿਰ 9 ਵਜੇ ਤੋਂ ਬਾਅਦ ਸੈਕਟਰ ਦੇ ਆਲੇ ਦੁਆਲੇ ਫਿਰ ਪੀ.ਐੱਮ.2.5 ਦਾ ਪੱਧਰ 400 ਦੇ ਨੇੜੇ ਪਹੁੰਚ ਗਿਆ।
-ਸੋਮਵਾਰ ਸ਼ਾਮ ਹੀ ਸੈਕਟਰ-53 ਵਿਚ 9 ਵਜੇ ਹੀ ਪੀ.ਐੱਮ.2.5 ਦਾ ਪੱਧਰ 400 ਨੂੰ ਛੂਹ ਕੇ 395 ਤੱਕ ਪਹੁੰਚ ਗਿਆ।

ਤਿੰਨੋਂ ਆਬਜ਼ਰਵੇਟਰੀਆਂ ’ਤੇ ਪ੍ਰਦੂਸ਼ਣ ਦਾ ਪੱਧਰ

-ਸੈਕਟਰ 22
-ਪ੍ਰਦੂਸ਼ਣ-ਔਸਤ-ਵੱਧ ਤੋਂ ਵੱਧ
-ਪੀ.ਐੱਮ. 2.5 - 294- 402
-ਪੀ.ਐੱਮ. 10 - 190 - 411
-ਸੈਕਟਰ-25
-ਪ੍ਰਦੂਸ਼ਣ-ਔਸਤ-ਵੱਧ ਤੋਂ ਵੱਧ
-ਪੀ.ਐੱਮ. 2.5- 266- 344
-ਪੀ.ਐੱਮ. 10- 166 - 241
-ਸੈਕਟਰ-53
-ਪ੍ਰਦੂਸ਼ਣ-ਔਸਤ-ਵੱਧ ਤੋਂ ਵੱਧ
-ਪੀ.ਐੱਮ. 2.5-299-398
-ਪੀ.ਐੱਮ.10- 191 - 329

ਇਹ ਵੀ ਪੜ੍ਹੋ : ਭਾਜਪਾ ਦੀ ਵੱਡੀ ਕਾਰਵਾਈ, ਪੰਜਾਬ ਦੇ ਇਨ੍ਹਾਂ 13 ਆਗੂਆਂ ਨੂੰ ਪਾਰਟੀ 'ਚੋਂ ਕੱਢਿਆ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e