ਇਟਲੀ ’ਚ ਫਸੇ ਪੰਜਾਬੀ ਨੇ ਗੁਰੂ ਰੰਧਾਵਾ ਨੂੰ ਲਾਈ ਮਦਦ ਦੀ ਗੁਹਾਰ, ਮਿਲਿਆ ਇਹ ਜਵਾਬ

ਜਲੰਧਰ (ਬਿਊਰੋ)– ਬਾਲੀਵੁੱਡ ਅਦਾਕਾਰ ਸੋਨੂੰ ਸੂਦ ਨੇ ਲਾਕਡਾਊਨ ’ਚ ਜੋ ਕੰਮ ਕਰ ਦਿਖਾਇਆ ਹੈ, ਉਸ ਦੇ ਸਾਰੇ ਮੁਰੀਦ ਹਨ। ਸੋਨੂੰ ਸੂਦ ਨੇ ਲਾਕਡਾਊਨ ਦੌਰਾਨ ਲੋੜਵੰਦਾਂ ਨੂੰ ਉਨ੍ਹਾਂ ਦੇ ਪਰਿਵਾਰਾਂ ਤਕ ਪਹੁੰਚਾਉਣ ’ਚ ਖੂਬ ਮਿਹਨਤ ਕੀਤੀ ਹੈ ਤੇ 10 ਕਰੋੜ ਦਾ ਕਰਜ਼ਾ ਲੈ ਕੇ ਅਣਗਿਣਤ ਭਾਰਤੀਆਂ ਦੇ ਮਸੀਹਾ ਬਣੇ ਹਨ।

ਹਾਲ ਹੀ ’ਚ ਅਜਿਹਾ ਹੀ ਕੁਝ ਦੇਖਣ ਨੂੰ ਮਿਲ ਰਿਹਾ ਹੈ ਪੰਜਾਬੀ ਗਾਇਕ ਗੁਰੂ ਰੰਧਾਵਾ ਦੇ ਨਾਲ। ਅਸਲ ’ਚ ਗੁਰੂ ਰੰਧਾਵਾ ਟਵਿਟਰ ’ਤੇ ਲੋੜਵੰਦਾਂ ਦੀ ਮਦਦ ਕਰਦੇ ਦੇਖੇ ਜਾ ਰਹੇ ਹਨ। ਟਵੀਟਸ ਤੇ ਰੀ-ਟਵੀਟਸ ਰਾਹੀਂ ਗੁਰੂ ਰੰਧਾਵਾ ਮਦਦ ਲਈ ਆਉਣ ਵਾਲੇ ਲੋਕਾਂ ਲਈ ਖੜ੍ਹੇ ਵੀ ਹੋ ਰਹੇ ਹਨ।

ਅਜਿਹਾ ਹੀ ਇਕ ਟਵੀਟ ਸੋਨੂੰ ਸਿੰਘ ਨਾਂ ਦੇ ਇਕ ਯੂਜ਼ਰ ਨੇ ਗੁਰੂ ਨੂੰ ਕੀਤਾ, ਜੋ ਇਟਲੀ ’ਚ ਫਸਿਆ ਹੈ। ਯੂਜ਼ਰ ਨੇ ਲਿਖਿਆ, ‘ਸਤਿ ਸ੍ਰੀ ਅਕਾਲ ਵੀਰ ਜੀ, ਬੇਨਤੀ ਹੈ ਮੇਰੀ ਮਦਦ ਕਰੋ ਮੈਂ ਇਟਲੀ ’ਚ ਬਹੁਤ ਮਜਬੂਰ ਹਾਂ ਪਿਛਲੇ 2 ਮਹੀਨਿਆਂ ਤੋਂ ਵਿਹਲਾ ਕੋਈ ਕੰਮ ਨਹੀਂ ਮਿਲਦਾ ਪਿਆ ਕਿਰਪਾ ਕਰਕੇ ਮਦਦ ਕਰੋ। ਭਾਰਤ ਜਾਣਾ ਚਾਹੁੰਦਾ ਟਿਕਟ ਖਰੀਦਣੀ ਬੇਨਤੀ ਪਰਵਾਨ ਕਰੋ ਥੋੜ੍ਹੀ ਆਰਥਿਕ ਮਦਦ ਕਰਦੋ ਕਿਰਪਾ ਕਰਕੇ। ਧੰਨਵਾਦ ਤੁਹਾਡਾ।’

Sat shri akal veer g benti hain meri help kro me Italy vich bahut majboor hain pishle 2 mahine tu vella koi kam nahi milda pyaa please help kro India jaana chahna ticket khridni benti parvaan kro thodi Financial help kardo please thank you 00393510818292 sonu Italy

— Sonu singh (@Sonusin20996484) December 9, 2020

ਯੂਜ਼ਰ ਦੇ ਇਸ ਟਵੀਟ ਦਾ ਗੁਰੂ ਨੇ ਸਾਕਾਰਾਤਮਕ ਢੰਗ ਨਾਲ ਜਵਾਬ ਦਿੱਤਾ ਤੇ ਲਿਖਿਆ, ‘ਜ਼ਰੂਰ ਵੀਰ, ਮੈਂ ਆਪਣੀ ਟੀਮ ਨੂੰ ਕਹਾਂਗਾ ਤੁਹਾਨੂੰ ਫੋਨ ਕਰਨ ਲਈ। ਜੇ ਸਾਨੂੰ ਲੱਗਾ ਤੁਹਾਨੂੰ ਸੱਚੀ ਮਦਦ ਚਾਹੀਦੀ ਹੈ ਤਾਂ ਅਸੀਂ ਜ਼ਰੂਰ ਇੰਤਜ਼ਾਮ ਕਰਾਂਗੇ। ਧੰਨਵਾਦ। ਵਾਹਿਗੁਰੂ ਮਿਹਰ ਕਰੇ।’

Sure bro. I will tell my team to call you make the arrangements if you seriously need it. Thanks.
Waheguru bless you 🙏 https://t.co/yuhiqjIv0V

— Guru Randhawa (@GuruOfficial) December 9, 2020

ਦੱਸਣਯੋਗ ਹੈ ਕਿ ਗੁਰੂ ਰੰਧਾਵਾ ਦੇ ਇਸ ਟਵੀਟ ਤੋਂ ਬਾਅਦ ਉਕਤ ਯੂਜ਼ਰ ਲਈ ਮਦਦ ਲਈ ਗੁਰੂ ਰੰਧਾਵਾ ਦੇ ਪ੍ਰਸ਼ੰਸਕ ਵੀ ਅੱਗੇ ਆ ਰਹੇ ਹਨ ਤੇ ਟਵਿਟਰ ’ਤੇ ਉਸ ਨੂੰ ਭਾਰਤ ਆਉਣ ਲਈ ਟਿਕਟ ਭੇਜਣ ਦੀ ਗੱਲ ਵੀ ਕਰ ਰਹੇ ਹਨ।

Hi @chinukofficial please look what can we do for the family. Thanks 🙏
God bless the kid 🙏 https://t.co/pr3vYJfU1t

— Guru Randhawa (@GuruOfficial) December 8, 2020

ਗੁਰੂ ਰੰਧਾਵਾ ਵਲੋਂ ਇਸ ਤੋਂ ਪਹਿਲਾਂ ਵੀ ਕੁਝ ਪੋਸਟਾਂ ਸਾਂਝੀਆਂ ਕੀਤੀਆਂ ਗਈਆਂ ਹਨ, ਜਿਨ੍ਹਾਂ ’ਚ ਉਹ ਲੋੜਵੰਦਾਂ ਦੀ ਮਦਦ ਲਈ ਅੱਗੇ ਆ ਰਹੇ ਹਨ।

ਨੋਟ– ਗੁਰੂ ਰੰਧਾਵਾ ਵਲੋਂ ਕੀਤੇ ਜਾ ਰਹੇ ਭਲਾਈ ਦੇ ਕੰਮਾਂ ’ਤੇ ਤੁਸੀਂ ਕੀ ਕਹੋਗੇ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।