ਪੰਚਵਟੀ ਮੰਦਰ ਦੀਆਂ ਗੋਲਕਾਂ ਚੋਰੀ, ਘਟਨਾ ਸੀ.ਸੀ.ਟੀ.ਵੀ 'ਚ ਕੈਦ (ਵੀਡੀਓ)

ਫਰੀਦਕੋਟ (ਜਗਤਾਰ) - ਫਰੀਦਕੋਟ ਦੇ ਮਸ਼ਹੂਰ ਮੰਦਰ 'ਚ ਪੰਚਵਟੀ 'ਚ ਚੋਰਾਂ ਵਲੋਂ ਸੇਵਾ ਲਈ ਲਾਈ ਗਈ ਗੋਲਕ ਨੂੰ ਤੋੜ ਕੇ ਉਸ 'ਚੋਂ ਦਾਨ ਦੇ ਪੈਸੇ ਚੋਰੀ ਕਰ ਲੈਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਚੋਰੀ ਦੀ ਇਹ ਸਾਰੀ ਘਟਨਾ ਮੰਦਰ 'ਚ ਲਗੇ ਸੀ.ਸੀ.ਟੀ.ਵੀ. ਕੈਮਰੇ 'ਚ ਕੈਦ ਹੋ ਗਈ ਹੈ, ਜਿਸ 'ਚ ਸਾਫ ਤੌਰ 'ਤੇ ਦਿਖਾਈ ਦੇ ਰਿਹਾ ਹੈ ਕਿ ਚੋਰਾਂ ਨੇ ਕਿਵੇਂ ਇਸ ਘਟਨਾ ਨੂੰ ਅੰਜਾਮ ਦਿੱਤਾ। 

ਮਿਲੀ ਜਾਣਕਾਰੀ ਅਨੁਸਾਰ ਫਰੀਦਕੋਟ ਦੇ ਮਸ਼ਹੂਰ ਮੰਦਰ ਪੰਚਵਟੀ 'ਚ ਅਣਪਛਾਤੇ ਚੋਰ ਦੇਰ ਰਾਤ ਚਾਰ ਗੋਲਕਾਂ ਤੋੜ ਕੇ ਉਸ 'ਚੋਂ ਪੈਸੇ ਚੋਰੀ ਕਰਕੇ ਮੌਕੇ 'ਤੇ ਫਰਾਰ ਹੋ ਗਏ। ਇਸ ਘਟਨਾ ਦੇ ਬਾਰੇ ਪੁਜਾਰੀ ਨੂੰ ਉਸ ਸਮੇਂ ਲੱਗਾ ਜਦੋਂ ਉਹ ਸਵੇਰ ਦੀ ਪੂਜਾ ਕਰਨ ਮੰਦਰ 'ਚ ਦਾਖਲ ਹੋਇਆ। ਗੋਲਕ ਦਾ ਤਾਲਾ ਟੁੱਟਾ ਵੇਖ ਉਸ ਨੇ ਇਸ ਦੇ ਬਾਰੇ ਪ੍ਰਬੰਧਕੀ ਕਮੇਟੀ ਨੂੰ ਦੱਸਿਆ। ਘਟਨਾ ਦੀ ਸੂਚਨਾ ਮਿਲਣ 'ਤੇ ਪਹੁੰਚੀ ਪੁਲਸ ਵਲੋਂ ਮੰਦਰ ਕਮੇਟੀ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।