ਟੈਕਸ-ਮਾਫੀਆ ਕਰ ਰਿਹਾ ਮੋਬਾਇਲ ਵਿੰਗ ਦੇ ਅਫ਼ਸਰਾਂ ਦੀ ਰੇਕੀ, ਡੂੰਘਾਈ ਨਾਲ ਜਾਂਚ ਕਰਨ ’ਤੇ ਹੋਣਗੇ ਵੱਡੇ ਖੁਲਾਸੇ

ਅੰਮ੍ਰਿਤਸਰ (ਇੰਦਰਜੀਤ) - ਆਬਕਾਰੀ ਅਤੇ ਕਰ ਵਿਭਾਗ ਦੇ ਅਫ਼ਸਰਾਂ ਵੱਲੋਂ ਟੈਕਸ ਮਾਫੀਆ ਖ਼ਿਲਾਫ਼ ਜਿੱਥੇ ਜ਼ੋਰਦਾਰ ਮੁਹਿੰਮ ਚਲਾਈ ਹੋਈ ਹੈ, ਉੱਥੇ ਇਨ੍ਹਾਂ ਤੋਂ ਪ੍ਰੇਸ਼ਾਨ ਹੋਏ ਮਾਫੀਆ ਉਨ੍ਹਾਂ ਦੀ ਰੇਕੀ ਕਰਨ ’ਤੇ ਆ ਉਤਰੇ ਹਨ। ਮੋਬਾਇਲ ਵਿੰਗ ਦੀ ਛਾਪੇਮਾਰੀ ਟੀਮ, ਜਿਸ ਪਾਸੇ ਜਾਣ ਲੱਗਦੀ ਹੈ, ਉਸ ਤੋਂ ਪਹਿਲਾਂ ਹੀ ਟੈਕਸ ਮਾਫੀਆ ਨੂੰ ਉਨ੍ਹਾਂ ਦੀ ਸਥਿਤੀ ਦੱਸੀ ਜਾ ਰਹੀ ਹੈ ਕਿ ਕਿਸ ਰਸਤੇ ਰਾਹੀਂ ਅਫ਼ਸਰ ਜਾ ਰਹੇ ਹਨ ਅਤੇ ਕਿਹੜੇ ਥਾਂ ’ਤੇ ਅਧਿਕਾਰੀ ਬੈਠੇ ਹੋਏ ਹਨ।

ਜਾਣਕਾਰੀ ਅਨੁਸਾਰ ਪਿਛਲੇ ਲੰਮੇ ਸਮੇਂ ਤੋਂ ਅੰਮ੍ਰਿਤਸਰ ਦਾ ਮੋਬਾਇਲ ਵਿੰਗ ਬੱਸ ਸਟੈਂਡ ਨੇੜੇ ਹੁੰਦਾ ਸੀ ਤਾਂ ਉਥੋਂ ਮਹਿਕਮਾਨਾ ਲੋਕ ਪਰਦੇ ਹੇਠ ਕੰਮ ਕਰਦੇ ਸਨ। ਉਸ ਇਮਾਰਤ ਦੀ ਹਾਲਤ ਗੁਪਤ ਸੀ, ਉਥੇ ਇਸ ਦੇ ਬਾਵਜੂਦ ਉਨ੍ਹਾਂ ਦੀ ਰੇਕੀ ਕਰਨ ਵਾਲੇ ਲੋਕ ਅਫ਼ਸਰਾਂ ਦੇ ਘਰੋਂ ਹੀ ਉਨ੍ਹਾਂ ਦੀ ਸੂਚਨਾ ਟੈਕਸ ਮਾਫੀਆ ਨੂੰ ਦਿੰਦੇ ਰਹੇ ਹਨ। ਇਸ ਦੀਆਂ ਸਮੇਂ-ਸਮੇਂ ’ਤੇ ਖਬਰਾਂ ਪ੍ਰਕਾਸ਼ਿਤ ਹੁੰਦੀਆਂ ਆ ਰਹੀਆਂ ਹਨ। ਉਥੇ ਮੌਜੂਦਾ ਸਮੇਂ ਵਿਚ ਜਿਸ ਤਰ੍ਹਾਂ ਖੁੱਲ੍ਹੀ ਮਾਰਕੀਟ ਵਿਚ ਇਕ ਦੁਕਾਨ ਦੀ ਜਗ੍ਹਾ ’ਤੇ ਮੋਬਾਇਲ ਵਿੰਗ ਦਫ਼ਤਰ ਖੁੱਲ੍ਹਾ ਹੁੰਦਾ ਹੈ ਤਾਂ ਉੱਥੋਂ ਉਨ੍ਹਾਂ ਦੀ ਸੂਚਨਾ ਦੇਣਾ ਅਤੇ ਰੇਕੀ ਕਰਨਾ ਬੇਹੱਦ ਆਸਾਨ ਹੈ।

ਕੁਝ-ਕੁ ਮੁਲਾਜ਼ਮਾਂ ਦੀ ਭੂਮਿਕਾ ਸ਼ੱਕ ਦੇ ਘੇਰੇ ਵਿਚ
ਨਵੇਂ ਦਫ਼ਤਰ ਵਿਚ ਜਿੱਥੇ ਰੇਕੀ ਕਰਨੀ ਬਹੁਤ ਆਸਾਨ ਹੋ ਗਈ ਹੈ, ਉੱਥੇ ਪਿਛਲੇ 6 ਮਹੀਨਿਆਂ ਤੋਂ ਮਹਿਕਮੇ ਦੇ ਕੁਝ-ਕੁ-ਮੁਲਾਜ਼ਮ ਅੰਦਰ ਖਾਤੇ ਵਿਭਾਗ ਨੂੰ ਗੁੰਮਰਾਹ ਕਰ ਰਹੇ ਹਨ। ਹਾਲਾਂਕਿ ਮੋਬਾਈਲ ਵਿੰਗ ਦੇ ਲਗਭਗ ਸਾਰੇ ਮੁਲਾਜ਼ਮ ਲੰਬੇ ਸਮੇਂ ਤੋਂ ਈਮਾਨਦਾਰੀ ਨਾਲ ਕੰਮ ਕਰ ਰਹੇ ਹਨ ਪਰ ਇਕ-ਦੋ ਮੁਲਾਜ਼ਮਾਂ ਨੇ ਮਰਿਆਦਾ ਦੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਹਨ ਅਤੇ ਟੈਕਸ ਮਾਫੀਆ ਨੂੰ ਪਲ-ਪਲ ਸੂਚਨਾ ਮਿਲ ਰਹੀ ਹੈ ਪਰ ਫਿਰ ਵੀ ਗੁਪਤ ਤਰੀਕੇ ਨਾਲ ਸੂਚਨਾਵਾਂ ਲੀਕ ਹੋ ਰਹੀਆਂ ਹਨ। ਇਨ੍ਹਾਂ ਮੁਲਾਜ਼ਮਾਂ ਦੇ ਨਾਮ ਤਾਂ ਹਰ ਕੋਈ ਜਾਣਦਾ ਹੈ ਪਰ ਕੋਈ ਕੁਝ ਕਹਿਣ ਨੂੰ ਤਿਆਰ ਨਹੀਂ ਹੈ। ਪਿਛਲੇ ਸਮੇਂ ਵਿਚ ਵੀ ਕਈ ਵਾਰ ਰਾਜ ਪੱਧਰੀ ਕਾਰਵਾਈਆਂ ਨੂੰ ਨਾਕਾਮ ਕਰ ਦਿੱਤਾ ਗਿਆ ਹੈ। ਇਨ੍ਹਾਂ ਮੁਲਾਜ਼ਮਾਂ ਵਿਚ ਲੁਕੇ ਹੋਏ ਲੋਕਾਂ ਵੱਲੋਂ ਟੈਕਸ ਮਾਫੀਆ ਅਤੇ ਰਾਹਗੀਰਾਂ ਨੂੰ ਛੋਟੇ-ਮੋਟੇ ਨਿੱਜੀ ਕੰਮਾਂ ਲਈ ਲਗਜ਼ਰੀ ਗੱਡੀਆਂ ਮੁਹੱਈਆ ਕਰਵਾਈਆਂ ਜਾਂਦੀਆਂ ਹਨ। ਉਨ੍ਹਾਂ ਦੀ ‘ਉੱਪਰ-ਕਮਾਈ’ ਕਿਸੇ ਵੱਡੇ ਧਨਾਢ ਵਪਾਰੀ ਨਾਲੋਂ ਘੱਟ ਨਹੀਂ ਹੈ।

ਡੂੰਘਾਈ ਨਾਲ ਜਾਂਚ ਕੀਤੀ ਜਾਵੇ ਤਾਂ ਹੋ ਸਕਦੇ ਹਨ ਵੱਡੇ ਖੁਲਾਸੇ
ਟੈਕਸ ਮਾਫੀਆ ਨਾਲ ਈਮਾਨਦਾਰੀ ਨਾਲ ਕੰਮ ਕਰਨ ਵਾਲੇ ਲੋਕਾਂ ਦਾ ਕਹਿਣਾ ਹੈ ਕਿ ਟੈਕਸ ਮਾਫੀਆ ਕਾਰਨ ਉਹ ਵੀ 2 ਨੰਬਰ ’ਤੇ ਕੰਮ ਕਰਨ ਲਈ ਮਜਬੂਰ ਹਨ। ਟੈਕਸ ਮਾਫੀਆ ਤੋਂ ਪ੍ਰੇਸ਼ਾਨ ਏਜੰਸੀ ਧਾਰਕਾਂ ਦਾ ਕਹਿਣਾ ਹੈ ਜੇਕਰ ਟੈਕਸ ਮਾਫੀਆ ਨੂੰ ਸੂਚਨਾ ਦੇਣ ਵਾਲੇ ਲੋਕਾਂ ਦੀ ਕਿਸੇ ਖੁਫੀਆ ਏਜੰਸੀ ਤੋਂ ਜਾਂਚ ਕੀਤੀ ਜਾਵੇ ਤਾਂ 3 ਦਿਨਾਂ ਦੇ ਅੰਦਰ ਵੱਡੇ ਖੁਲਾਸੇ ਹੋਣਗੇ, ਜੋ ਵਿਭਾਗ ਲਈ ਕਾਫੀ ਕਾਰਗਰ ਸਾਬਤ ਹੋਣਗੇ। ਇਸ ’ਚ ਨਾ ਸਿਰਫ ਉਨ੍ਹਾਂ ਦੇ ਗਿਰੋਹ ਦਾ ਪਤਾ ਲੱਗੇਗਾ, ਸਗੋਂ ਅਜਿਹੇ ਖੁਲਾਸੇ ਵੀ ਹੋਣਗੇ ਜੋ ਲੋਕਾਂ ਨੂੰ ਹੈਰਾਨ ਕਰ ਦਿੰਦੇ ਹਨ ਕਿਉਂਕਿ ਇਨ੍ਹਾਂ ਵਿਚ ਕੁਝ ਭੂਮੀਗਤ ਵੱਡੇ ਲੋਕ ਵੀ ਹਨ। ਜੇਕਰ ਉਨ੍ਹਾਂ ਦੇ ਨਾਂ ਅਤੇ ਬੇਨਾਮੀ ਫੋਨ ਕਾਲ ਦੀ ਲੋਕੇਸ਼ਨ ਅਤੇ ਡਿਟੇਲ ਮੰਗੀ ਜਾਵੇ ਤਾਂ ਧਮਾਕਾ ਹੋ ਸਕਦਾ ਹੈ। ਉਨ੍ਹਾਂ ਦੀ ਸੂਚਨਾ ਪ੍ਰਣਾਲੀ ਹੋਰ ਸ਼ਹਿਰਾਂ ਦੇ ਵੀਡੀਓ ਤੋਂ ਵੀ ਗੁਪਤ ਜਾਸੂਸਾਂ ਤੋਂ ਹੈ, ਜਿੱਥੇ ਮਾਫੀਆ ਦੇ ਟਰੱਕ ਨਿੱਡਰ ਹੋ ਕੇ ਲੰਘਦੇ ਹਨ।

ਅੰਮ੍ਰਿਤਸਰ ਸਿਟੀ ਪੁਲਸ ਦਾ ਵੀ ਆਪ੍ਰੇਸ਼ਨ ਹੋਇਆ ਫੇਲ
ਅੰਮ੍ਰਿਤਸਰ ਦੇ ਪਹਿਲੇ ਪੁਲਸ ਕਮਿਸ਼ਨਰ ਨੇ ਸੁਰੱਖਿਆ ਦੇ ਤੌਰ ’ਤੇ ਦਸੰਬਰ ਮਹੀਨੇ ਵਿਚ ਪ੍ਰਾਈਵੇਟ ਬੱਸਾਂ ਦੀ ਆਮ ਚੈਕਿੰਗ ਕੀਤੀ ਸੀ। ਇਸ ਕਾਰਵਾਈ ਵਿਚ 5 ਮਹੀਨੇ ਪਹਿਲਾਂ 70 ਦੇ ਕਰੀਬ ਪੁਲਸ ਮੁਲਾਜ਼ਮ, ਉੱਚ ਅਧਿਕਾਰੀ ਅਤੇ 4 ਥਾਣਿਆਂ ਦੇ ਐੱਸ. ਐੱਚ. ਓ. ਸ਼ਾਮਲ ਸਨ। ਪੁਲਸ ਇਕ ਬੇਹੱਦ ਤੇਜ਼-ਤਰਾਰ ਮਹਿਲਾ ਉੱਚ ਅਧਿਕਾਰੀ ਦੀ ਅਗਵਾਈ ਵਿਚ 5 ਕਿਲੋਮੀਟਰ ਤੱਕ ਜਾਲ ਵਾਂਗ ਵਿਛਾ ਚੁੱਕੀ ਸੀ। ਨਾਕਾਬੰਦੀ ਇੰਨੀ ਗੁਪਤ ਸੀ ਕਿ ਰਾਤ ਦੇ ਹਨੇਰੇ ਵਿਚ ਪੁਲਸ ਵਾਲੇ ਕਾਫੀ ਦੂਰ ਤੱਕ ਘੇਰਾਬੰਦੀ ਕਰ ਕੇ ਬੈਠੇ ਸਨ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਸ਼ੱਕ ਦੇ ਘੇਰੇ ’ਚ ਆਈਆਂ ਬੱਸਾਂ ਦੀ ਗਿਣਤੀ ਅੱਧੀ ਦਰਜਨ ਰਹਿ ਗਈ ਅਤੇ ਸਮੁੱਚੀ ਪੁਲਸ ਟੀਮ ਦੀਆਂ ਅੱਖਾਂ ’ਚ ਧੂਡ਼ ਪਾਉਂਦੇ ਹੋਏ ਇਹ ਬੱਸਾਂ 10 ਕਿਲੋਮੀਟਰ ਦੀ ਦੂਰੀ ਤੈਅ ਕਰਨ ਤੋਂ ਬਾਅਦ ਪਿੱਛੇ ਗਾਇਬ ਹੋ ਗਈਆਂ ਅਤੇ ਬਾਕੀ ਸਾਰੀਆਂ ਬੱਸਾਂ ਆਪਣੇ ਰੁਟੀਨ ਅਨੁਸਾਰ ਪਹੁੰਚ ਗਈਆਂ। 

ਹੈਰਾਨੀ ਦੀ ਗੱਲ ਹੈ ਕਿ ਅੰਮ੍ਰਿਤਸਰ ’ਚ ਪੁਲਸ ਵੱਲੋਂ ਦੁਪਹਿਰ 12 ਵਜੇ ਤੋਂ ਬਾਅਦ ਹੀ ਨਾਕਾਬੰਦੀ ਨੂੰ ਹਟਾਉਂਦੇ ਹੀ ਇਨ੍ਹਾਂ ਆਪਣੇ ਸੁਰੱਖਿਅਤ ਟਿਕਾਣਿਆਂ ’ਤੇ ਪਹੁੰਚ ਕਰ ਦਿੱਤੀ, ਜਿਸ ਕਾਰਨ ਪੁਲਸ ਕਮਿਸ਼ਨਰ ਡਾ. ਸੁਖਚੈਨ ਸਿੰਘ ਗਿੱਲ ਵੀ ਹੈਰਾਨ ਰਹਿ ਗਏ। ਸੂਤਰਾਂ ਦੀ ਮੰਨੀਏ ਤਾਂ ਇਨ੍ਹਾਂ ਗੁਪਤ ਭੇਤੀਆਂ ਕਾਰਨ ਪੁਲਸ ਦਾ ਆਪ੍ਰੇਸ਼ਨ ਫੇਲ ਹੋਇਆ ਸੀ, ਉਥੇ ਸੋਚਣ ਦਾ ਵਿਸ਼ਾ ਤਾਂ ਇਹ ਹੈ ਕਿ ਇਨ੍ਹਾਂ ਭੇਤੀਆਂ ਦੀ ਤਾਕਤ ਦੇ ਸਾਹਮਣੇ ਮੋਬਾਇਲ ਵਿੰਗ ਅਹੁਦੇਦਾਰਾਂ ਦੀ ਤਾਂ ਬਿਸਾਤ ਹੀ ਕੀ ਹੈ?