ਸੁੱਖਾ ਕਾਹਲਵਾਂ ਹੱਤਿਆ ਕਾਂਡ : ਗੋਪੀ ਨਿੱਝਰ ਨੇ 8 ਗੈਂਗਸਟਰਾਂ ਦੀ ਕੀਤੀ ਪਛਾਣ

ਕਪੂਰਥਲਾ (ਭੂਸ਼ਣ)- ਸੁੱਖਾ ਕਾਹਲਵਾਂ ਕਤਲਕਾਂਡ ਮਾਮਲੇ 'ਚ ਸ਼ਾਮਲ ਸਾਰੇ 8 ਗੈਂਗਸਟਰਾਂ ਨੂੰ ਸਜ਼ਾ ਦਿਲਵਾਉਣ ਲਈ ਕੋਸ਼ਿਸ਼ ਕਰ ਰਹੀ ਕਪੂਰਥਲਾ ਪੁਲਸ ਨੂੰ ਮੰਗਲਵਾਰ ਨੂੰ ਉਸ ਸਮੇਂ ਵੱਡੀ ਕਾਮਯਾਬੀ ਮਿਲੀ ਜਦੋਂ ਮ੍ਰਿਤਕ ਗੈਂਗਸਟਰ ਸੁੱਖਾ ਕਾਹਲਵਾਂ ਦੇ ਇਕ ਨਜ਼ਦੀਕੀ ਦੋਸਤ ਨੇ ਸੈਸ਼ਨ ਜੱਜ ਦੀ ਅਦਾਲਤ 'ਚ ਸਾਰੇ 8 ਗੈਂਗਸਟਰਾਂ ਨੂੰ ਪਛਾਣਦੇ ਹੋਏ, ਉਨ੍ਹਾਂ ਨੂੰ ਸੁੱਖਾ ਕਤਲਕਾਂਡ ਦਾ ਮੁਲਜ਼ਮ ਦੱਸਿਆ। ਇਸ ਪੂਰੀ ਗਵਾਹੀ ਨਾਲ ਜਿਥੇ ਕਪੂਰਥਲਾ ਪੁਲਸ ਨੂੰ ਭਾਰੀ ਰਾਹਤ ਮਿਲੀ ਹੈ, ਉਥੇ ਹੀ ਬੀਤੇ ਦਿਨੀਂ ਕੁੱਝ ਪੁਲਸ ਅਫਸਰਾਂ ਵਲੋਂ ਆਪਣੇ ਬਿਆਨਾਂ ਤੋਂ ਪਲਟ ਜਾਣ ਦੇ ਕਾਰਨ ਕਮਜ਼ੋਰ ਹੋਇਆ ਪੂਰਾ ਮਾਮਲਾ ਇਕ ਵਾਰ ਫਿਰ ਤੋਂ ਮਜ਼ਬੂਤ ਹੋ ਗਿਆ ਹੈ।
ਜਾਣਕਾਰੀ ਅਨੁਸਾਰ 21 ਜਨਵਰੀ 2015 ਨੂੰ ਫਗਵਾੜਾ-ਜਲੰਧਰ ਰਾਸ਼ਟਰੀ ਰਾਜ ਮਾਰਗ 'ਤੇ 8 ਗੈਂਗਸਟਰਾਂ ਨੇ ਪੇਸ਼ੀ ਭੁਗਤ ਕੇ ਪੁਲਸ ਸੁਰੱਖਿਆ ਵਿਚ ਵਾਪਸ ਨਾਭਾ ਜੇਲ ਜਾ ਰਹੇ ਗੈਂਗਸਟਰ ਸੁੱਖਾ ਕਾਹਲਵਾਂ ਸ਼ਰੇਆਮ ਫਾਇਰਿੰਗ ਕਰਦੇ ਹੋਏ, ਉਸ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ ਜਿਸ ਨੂੰ ਲੈ ਕੇ ਥਾਣਾ ਸਦਰ ਫਗਵਾੜਾ ਦੀ ਪੁਲਸ ਨੇ 8 ਗੈਂਗਸਟਰਾਂ ਗੁਰਪ੍ਰੀਤ ਸਿੰਘ ਸੇਖਾਂ, ਰਮਨਦੀਪ ਸਿੰਘ ਰੰਮੀ, ਕੁਲਪ੍ਰੀਤ ਸਿੰਘ ਦਿਓਲ ਉਰਫ ਨੀਟਾ, ਤੀਰਥ ਢਿੱਲਵਾਂ, ਸੋਨੂ ਬਾਬਾ, ਫੋਗਾ ਅਤੇ ਘੁੱਗ ਦੇ ਖਿਲਾਫ ਕਤਲ ਦਾ ਮਾਮਲਾ ਦਰਜ ਕਰ ਕੇ ਛਾਪਾਮਾਰੀ ਮੁਹਿੰਮ ਦੌਰਾਨ ਸਾਰੇ 8 ਗੈਂਗਸਟਰਾਂ ਨੂੰ ਗ੍ਰਿਫਤਾਰ ਕਰ ਲਿਆ ਸੀ।
ਇਸ ਪੂਰੇ ਮਾਮਲੇ 'ਚ ਗ੍ਰਿਫਤਾਰ ਗੈਂਗਸਟਰਾਂ ਨੂੰ ਸਜ਼ਾ ਦਿਲਵਾਉਣ ਲਈ ਕੋਸ਼ਿਸ਼ ਕਰ ਰਹੀ ਕਪੂਰਥਲਾ ਪੁਲਸ ਦੀ ਮੁਹਿੰਮ ਨੂੰ ਬੀਤੇ ਦਿਨੀਂ ਉਸ ਵਕਤ ਵੱਡਾ ਝਟਕਾ ਲਗਿਆ ਸੀ, ਜਦੋਂ ਸੁੱਖਾ ਕਾਹਲਵਾਂ ਦੀ ਸੁਰੱਖਿਆ 'ਚ ਤਾਇਨਾਤ ਪੁਲਸ ਕਰਮਚਾਰੀਆਂ ਨੇ ਮੁਲਜ਼ਮਾਂ ਨੂੰ ਪਛਾਣ ਤੋਂ ਮਨਾ ਕਰ ਦਿੱਤਾ ਪਰ ਮੰਗਲਵਾਰ ਨੂੰ ਇਸ ਪੂਰੇ ਮਾਮਲੇ 'ਚ ਸਮਾਂ ਨਵਾਂ ਮੋੜ ਦੇਖਣ ਨੂੰ ਮਿਲਿਆ ਜਦੋਂ ਇਲਾਵਾ ਸੈਸ਼ਨ ਜੱਜ ਮੁਨੀਸ਼ ਅਰੋੜਾ ਦੀ ਅਦਾਲਤ 'ਚ ਕੇਂਦਰੀ ਜੇਲ ਕਪੂਰਥਲਾ ਅਤੇ ਜਲੰਧਰ ਤੋਂ ਲਿਆਦੇ ਗਏ ਸਾਰੇ 8 ਗੈਂਗਸਟਰਾਂ ਨੂੰ ਪਛਾਣਦੇ ਹੋਏ ਸੁੱਖਾ ਕਾਹਲਵਾਂ ਦੇ ਖਾਸ ਦੋਸਤ ਗੁਰਪ੍ਰੀਤ ਸਿੰਘ ਉਰਫ ਗੋਪੀ ਨਿੱਝਰ ਵਾਸੀ ਪਿੰਡ ਜੈਰਾਮਪੁਰ ਨੇ ਸਾਰੇ ਮੁਲਜ਼ਮਾਂ ਨੂੰ ਸੁੱਖਾ ਕਾਹਲਵਾਂ ਦੇ ਕਤਲ ਲਈ ਜ਼ਿੰਮੇਵਾਰ ਮੰਨਿਆ। ਇਸ ਨਵੀਂ ਗਵਾਹੀ ਨਾਲ ਪੂਰੇ ਕੇਸ ਨੂੰ ਇਕ ਨਵੀਂ ਮਜ਼ਬੂਤੀ ਮਿਲ ਗਈ ਹੈ।
ਦੱਸਿਆ ਜਾਂਦਾ ਹੈ ਕਿ ਸੁੱਖਾ ਕਾਹਲਵਾਂ ਦਾ ਬੇਹੱਦ ਨਜ਼ਦੀਕੀ ਰਿਹਾ ਗੁਰਪ੍ਰੀਤ ਸਿੰਘ ਉਰਫ ਗੋਪੀ ਸੁੱਖਾ ਕਾਹਲਵਾਂ ਦੇ ਜੇਲ ਵਿਚ ਬੰਦ ਹੋਣ ਦੇ ਦੌਰਾਨ ਉਸ ਦੇ ਸਾਰੇ ਮਾਮਲਿਆਂ ਦੀ ਪੈਰਵੀ ਕਰਦਾ ਸੀ ਅਤੇ ਸੁਖਾ ਕਾਹਲਵਾਂ ਦਾ ਅਮਰੀਕਾ ਵਿਚ ਰਹਿੰਦਾ ਪਿਤਾ ਗੁਰਪ੍ਰੀਤ ਸਿੰਘ ਉਰਫ ਗੋਪੀ ਨੂੰ ਹੀ ਮਾਮਲੇ ਦੀ ਪੈਰਵੀ ਕਰਨ ਲਈ ਪੈਸੇ ਭੇਜਦਾ ਸੀ । ਉਥੇ ਹੀ ਸੂਤਰਾਂ ਦੇ ਅਨੁਸਾਰ ਆਉਣ ਵਾਲੇ ਦਿਨਾਂ ਵਿਚ ਸੁੱਖਾ ਕਾਹਲਵਾਂ ਦੇ ਅਮਰੀਕਾ ਵਿਚ ਰਹਿੰਦੇ ਪਿਤਾ ਦੇ ਭਾਰਤ ਆਉਣ ਦੀ ਸੰਭਾਵਨਾ ਹੈ। ਜੋ ਆਪਣੇ ਬੇਟੇ ਦੇ ਕਾਤਲਾਂ ਦੇ ਖਿਲਾਫ ਅਦਾਲਤ ਵਿਚ ਗਵਾਹੀ ਦੇ ਸਕਦੇ ਹਨ। ਉਥੇ ਹੀ ਕੇਂਦਰੀ ਜੇਲ ਤੋਂ ਲਿਆਂਦੇ ਗਏ ਸਾਰੇ 8 ਮੁਲਜ਼ਮਾਂ ਨੂੰ ਸਖਤ ਪੁਲਸ ਸੁਰੱਖਿਆ ਵਿਚ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ ਜਿਸ ਦੌਰਾਨ ਅਦਾਲਤ ਕੰੰਪਲੈਕਸ ਵਿਚ ਕਾਫ਼ੀ ਗਿਣਤੀ ਵਿਚ ਪੁਲਸ ਕਰਮਚਾਰੀ ਤਾਇਨਾਤ ਰਹੇ ।