ਪੰਜਾਬ ਦਾ ਇਹ ਵੱਡਾ ਸ਼ਹਿਰ ਬੰਦ ਕਰਨ ਦੀ ਚਿਤਾਵਨੀ, ਜਾਣੋ ਕੀ ਹੈ ਮਾਮਲਾ

ਜਲਾਲਾਬਾਦ (ਸੁਨੀਲ ਨਾਗਪਾਲ) : ਜਲਾਲਾਬਾਦ ਦੀ ਵਪਾਰ ਮੰਡਲ ਰੈਸਟੋਰੈਂਟ ਯੂਨੀਅਨ ਨੇ ਸ਼ਹਿਰ ਬੰਦ ਕਰਨ ਦੀ ਚਿਤਾਵਨੀ ਦਿੱਤੀ ਹੈ। ਦਰਅਸਲ ਜਲਾਲਾਬਾਦ ਵਿਚ ਦੀਪ ਰੈਸਟੋਰੈਂਟ 'ਚ ਵਿਵਾਦ ਹੋ ਗਿਆ। ਰੈਸਟੋਰੈਂਟ ਸੰਚਾਲਕ ਮੁਤਾਬਕ ਦੋ ਲੋਕ ਉਨ੍ਹਾਂ ਦੇ ਰੈਸਟੋਰੈਂਟ 'ਤੇ ਸ਼ਰਾਬ ਦੇ ਨਸ਼ੇ ਵਿਚ ਆਏ ਅਤੇ ਮੱਛੀ ਖਾਣ ਦੀ ਡਿਮਾਂਡ ਕੀਤੀ। ਹਾਲਾਂਕਿ ਉਨ੍ਹਾਂ ਵੱਲੋਂ ਮੱਛੀ ਦਾ ਆਰਡਰ ਲਾ ਦਿੱਤਾ ਗਿਆ। ਮੱਛੀ ਖਾਣ ਤੋਂ ਬਾਅਦ ਬਿੱਲ ਦੇਣ ਵੇਲੇ ਉਨ੍ਹਾਂ ਕਿਹਾ ਕਿ ਮੱਛੀ ਕੱਚੀ ਸੀ ਹਾਲਾਂਕਿ ਰੈਸਟੋਰੈਂਟ ਸੰਚਾਲਕ ਦਾ ਕਹਿਣਾ ਕਿ ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਇਸ ਬਾਬਤ ਤੁਸੀਂ ਸ਼ਿਕਾਇਤ ਦੇ ਸਕਦੇ ਸੀ ਜਿਸ 'ਤੇ ਉਹ ਆਰਡਰ ਦੁਬਾਰਾ ਬਣਵਾ ਦਿੰਦੇ ਪਰ ਗ੍ਰਾਹਕਾਂ ਨੇ ਖੁਦ ਨੂੰ ਸਰਪੰਚ ਦੱਸਿਆ ਤੇ ਗਾਲੀ ਗਲੋਚ ਕਰਨਾ ਸ਼ੁਰੂ ਕਰ ਦਿੱਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਉਸ ਦੇ ਥੱਪੜ ਵੀ ਮਾਰਿਆ। 

ਇਹ ਵੀ ਪੜ੍ਹੋ : ਪੰਜਾਬ ਵਿਚ ਮੰਗਲਵਾਰ ਨੂੰ ਰਹੇਗੀ ਸਰਕਾਰੀ ਛੁੱਟੀ, ਸਕੂਲ, ਕਾਲਜ ਤੇ ਦਫ਼ਤਰ ਰਹਿਣਗੇ ਬੰਦ

ਘਟਨਾ ਸੀਸੀਟੀਵੀ ਕੈਮਰੇ ਵਿਚ ਕੈਦ ਹੋਈ ਹੈ ਤਾਂ ਹੁਣ ਮੌਕੇ 'ਤੇ ਵਪਾਰ ਮੰਡਲ ਰੈਸਟੋਰੈਂਟ ਯੂਨੀਅਨ ਦੇ ਅਹੁਦੇਦਾਰ ਅਤੇ ਪੁਲਸ ਪ੍ਰਸ਼ਾਸਨ ਪਹੁੰਚ ਗਿਆ । ਵਪਾਰ ਮੰਡਲ ਦਾ ਕਹਿਣਾ ਕਿ ਇਹ ਹਰਕਤ ਬਰਦਾਸ਼ਤ ਨਹੀਂ ਕੀਤੀ ਜਾਵੇਗੀ । ਦੋ ਦਿਨ ਪਹਿਲਾਂ ਵੀ ਇਕ ਵਪਾਰੀ ਨਾਲ ਉਧਾਰ ਦੇਣ ਨੂੰ ਲੈ ਕੇ ਗ੍ਰਾਹਕ ਵੱਲੋਂ ਵਿਵਾਦ ਕੀਤਾ ਗਿਆ। ਮਾਰਕੁੱਟ ਕੀਤੀ ਗਈ ਤਾਂ ਹੁਣ ਰੈਸਟੋਰੈਂਟ ਸੰਚਾਲਕ ਦੇ ਨਾਲ ਬੇਵਜ੍ਹਾ ਬਦਤਮੀਜ਼ੀ ਕਰਦੇ ਹੋਏ ਗਾਲੀ ਗਲੋਚ ਕਰਕੇ ਥੱਪੜ ਮਾਰਿਆ ਗਿਆ ਹੈ। ਉਨ੍ਹਾਂ ਚਿਤਾਵਨੀ ਦਿੱਤੀ ਹੈ ਕਿ ਜੇ ਪੁਲਸ ਪ੍ਰਸ਼ਾਸਨ ਨੇ ਇਸ ਮਾਮਲੇ 'ਤੇ ਸਖ਼ਤ ਕਾਰਵਾਈ ਨਾ ਕੀਤੀ ਤਾਂ ਪੂਰਾ ਸ਼ਹਿਰ ਬੰਦ ਕਰਵਾਇਆ ਜਾਵੇਗਾ। ਉਧਰ ਪੁਲਸ ਨੇ ਕਾਰਵਾਈ ਦਾ ਭਰੋਸਾ ਦਿੱਤਾ ਹੈ।

ਇਹ ਵੀ ਪੜ੍ਹੋ : ਪੁਰਾਣੇ ਸਕੇਲ, ਪੈਨਸ਼ਨ ਅਤੇ ਭੱਤੇ ਬਹਾਲੀ ਨੂੰ ਲੈ ਕੇ ਹੋ ਗਿਆ ਐਲਾਨ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e