ਪਾਕਿ ਨੂੰ ਬਿਜਲੀ ਦੇਣ ਲਈ ਤਿਆਰ ਹੈ ਸਰਕਾਰ : ਸੁਖਬੀਰ ਬਾਦਲ (ਵੀਡੀਓ)

ਚੰਡੀਗੜ੍ਹ : ਪੰਜਾਬ ਦੇ ਉਪ ਮੁੱਖ ਮੰਤਰੀ ਸੁਖਬੀਰ ਬਾਦਲ ਨੇ ਐਲਾਨ ਕੀਤਾ ਹੈ ਕਿ ਸੂਬੇ ਦੇ ਕਿਸਾਨਾਂ ਨੂੰ ਆਪਣੀਆਂ ਜ਼ਮੀਨਾਂ ''ਤੇ ਮਿਨੀ ਸੋਲਰ ਪਲਾਂਟ ਲਗਾਉਣ ਲਈ ਉਤਸ਼ਾਹਿਤ ਕੀਤਾ ਜਾਵੇਗਾ। ਉਪ ਮੁੱਖ ਮੰਤਰੀ ਸੁਖਬੀਰ ਬਾਦਲ ਚੰਡੀਗੜ੍ਹ ਦੇ ਹੋਟਲ ਤਾਜ ਵਿਚ ਪੰਜਾਬ ਸੋਲਰ ਸਮਿਟ 2015 ਵਿਚ ਭਾਗ ਲੈਣ ਲਈ ਪੁੱਜੇ ਸਨ। ਇਸ ਦੌਰਾਨ ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਜੇ ਕੇਂਦਰ ਸਰਕਾਰ ਇਜਾਜ਼ਤ ਦਵੇ ਤਾਂ ਉਹ ਪਾਕਿਸਾਨ ਨੂੰ ਵੀ ਬਿਜਲੀ ਦੇਣ ਲਈ ਤਿਆਰ ਹਨ।
ਪੰਜਾਬ ਸੋਲਰ ਸਮਿਟ 2015 ''ਚ ਜਿਥੇ ਪੰਜਾਬ ਦੇ ਰੀਨਿਊ ਐਨਰਜੀ ਮਨਿਸਟਰ ਬਿਕਰਮ ਸਿੰਘ ਮਜੀਠੀਆ ਨੇ ਜਿਥੇ ਸੋਲਰ ਪਾਵਰ ਐਨਰਜੀ ਨੂੰ ਲੈ ਕੇ ਪੰਜਾਬ ਦੀਆਂ ਉਪਲੱਬਧੀਆਂ ਦੱਸੀਆਂ, ਉਥੇ ਹੀ ਸੰਮੇਲਨ ''ਚ ਹਿੱਸਾ ਲੈਣ ਆਏ ਕਈ ਨਿਵੇਸ਼ਕਾਂ ਨੇ ਵੀ ਸੋਲਰ ਐਨਰਜੀ ਨੂੰ ਲੈ ਕੇ ਆਪਣੇ ਵਿਚਾਰ ਸਾਂਝੇ ਕੀਤੇ।