ਹੁਣ ਕੋਰੋਨਾ ਲਾਗ ਤੋਂ ਸੁਰੱਖਿਅਤ ਹੋਵੇਗੀ ਰੇਲ ਯਾਤਰਾ, ਰੇਲਵੇ ਨੇ ਬਣਵਾਏ ਪੋਸਟ ਕੋਵਿਡ ਕੋਚ

ਨਵੀਂ ਦਿੱਲੀ — ਭਾਰਤੀ ਰੇਲਵੇ ਨੇ ਕੋਰੋਨਾ ਲਾਗ ਦੇ ਖ਼ਤਰੇ ਤੋਂ ਬਚਣ ਲਈ ਮੁਸਾਫਰਾਂ ਲਈ ਪੋਸਟ ਕੋਵਿਡ ਕੋਚ ਤਿਆਰ ਕੀਤਾ ਹੈ। ਇਹ ਕੋਚ ਕਪੂਰਥਲਾ ਦੀ ਰੇਲ ਫੈਕਟਰੀ ਵਿਚ ਬਣੇ ਹਨ। ਪੋਸਟ ਕੋਵੀਡ ਕੋਚ ਵਿਚ ਯਾਤਰੀਆਂ ਦੀ ਕੋਰੋਨਾ ਲਾਗ ਤੋਂ ਸੁਰੱਖਿਆ ਲਈ ਤਾਂਬੇ ਦੀ ਕੋਟਿੰਗ ਨਾਲ ਤਿਆਰ ਹੈਂਡਲ, ਪਲਾਜ਼ਮਾ ਏਅਰ ਪਿਯੂਰੀਫਾਇਰ, ਟਾਈਟੇਨੀਅਮ ਡਾਈਆਕਸਾਈਡ ਕੋਟਿੰਗ ਵਾਲੀਆਂ ਸੀਟਾਂ ਅਤੇ ਪੈਰਾਂ ਨਾਲ ਸੰਚਾਲਿਤ ਹੋਣ ਵਾਲੀਆਂ ਵੱਖੋ-ਵੱਖਰੀਆਂ ਸਹੂਲਤਾਂ ਦਾ ਪ੍ਰਬੰਧ ਕੀਤਾ ਗਿਆ ਹੈ। 

ਇਹ ਵੀ ਪੜ੍ਹੋ- Amazon 'ਤੇ ਸ਼ੁਰੂ ਹੋਈ Apple ਦੀ ਸੇਲ, ਮਿਲਣਗੇ ਹੁਣ ਤੱਕ ਦੀ ਸਭ ਤੋਂ ਘੱਟ ਕੀਮਤ 'ਤੇ iPhone

• ਕੋਚ ਵਿਚ ਹੱਥਾਂ ਨਾਲ ਛੂਹਣ ਤੋਂ ਬਿਨਾਂ ਪਾਣੀ ਅਤੇ ਸਾਬਣ ਦੀ ਵਰਤੋਂ ਕਰਨ ਦੀ ਸਹੂਲਤ ਹੋਵੇਗੀ। ਇਨ੍ਹਾਂ ਵਸਤੂਆਂ ਦੇ ਇਸਤੇਮਾਲ ਲਈ ਪੈਰਾਂ ਦੀ ਵਰਤੋਂ ਕੀਤੀ ਜਾ ਸਕੇਗੀ।
• ਦਰਵਾਜ਼ੇ ਦੇ ਹੈਂਡਲ ਬੈਕਟਰੀਆ ਅਤੇ ਵਾਇਰਸਾਂ ਤੋਂ ਬਚਾਉਣ ਲਈ ਤਾਂਬੇ ਦੀ ਪਰਤ ਨਾਲ ਬਣਾਏ ਗਏ ਹਨ। ਇਸ ਕੋਚ ਵਿਚ ਤਾਂਬੇ ਦੀ ਕੋਟਿੰਗ ਵਾਲੇ ਹੈਂਡਲ, ਪਲਾਜ਼ਮਾ ਏਅਰ ਪਿਯੂਰੀਫਾਇਰ, ਟਾਇਟੇਨੀਅਮ ਡਾਈਆਕਸਾਈਡ ਦੀਆਂ ਬਣੀਆਂ ਸੀਟਾਂ ਦੀ ਵਰਤੋਂ ਕੀਤੀ ਗਈ ਹੈ।
• ਇਸ ਤੋਂ ਇਲਾਵਾ ਕੋਚ ਵਿਚ ਟਾਈਟੇਨੀਅਮ ਡਾਈ ਆਕਸਾਈਡ ਦੀ ਪਰਤ ਹੋਵੇਗੀ। ਯਾਤਰੀਆਂ ਨੂੰ ਲਾਗ ਤੋਂ ਸੁਰੱਖਿਅਤ ਰੱਖਣ ਲਈ ਦਰਵਾਜ਼ੇ, ਹੈਂਡਲਜ਼, ਟਾਇਲਟ ਸੀਟ, ਸ਼ੀਸ਼ੇ ਦੀਆਂ ਖਿੜਕੀਆਂ, ਕੱਪ ਹੋਲਡਰ ਆਦਿ 'ਤੇ ਟਾਈਟੇਨੀਅਮ ਡਾਈ ਆਕਸਾਈਡ ਦੀ ਕੋਟਿੰਗ ਕੀਤੀ ਗਈ ਹੈ। ਟਾਈਟੇਨੀਅਮ ਡਾਈ ਆਕਸਾਈਡ ਪਰਤ ਵਾਇਰਸ ਜਾਂ ਬੈਕਟਰੀਆ ਦੇ ਦੋਸ਼ ਨੂੰ ਦੂਰ ਕਰਦਾ ਹੈ ਅਤੇ ਹਵਾ ਦੀ ਗੁਣਵਤਾ ਵਿਚ ਵੀ ਸੁਧਾਰ ਕਰਦਾ ਹੈ।
• ਕਾਪਰ ਕਿਸੇ ਵੀ ਬੈਕਟੀਰੀਆ ਨੂੰ ਖਤਮ ਕਰਨ ਲਈ ਬਹੁਤ ਪ੍ਰਭਾਵਸ਼ਾਲੀ ਭੂਮਿਕਾ ਅਦਾ ਕਰਦਾ ਹੈ। ਕੋਚ ਵਿਚ ਪਲਾਜ਼ਮਾ ਏਅਰ ਪਿਯੂਰੀਫਾਇਰ ਦਾ ਪ੍ਰਬੰਧ ਕੀਤਾ ਗਿਆ ਹੈ, ਤਾਂ ਜੋ ਯਾਤਰੀਆਂ ਨੂੰ ਸਾਫ ਹਵਾ ਮਿਲ ਸਕੇ ਅਤੇ ਪਲਾਜ਼ਮਾ ਦੇ ਜ਼ਰੀਏ ਕੋਚ ਨੂੰ ਵੀ ਲਗਾਤਾਰ ਸਵੱਛ ਬਣਾਇਆ ਜਾ ਸਕੇ।
• ਨਵੇਂ ਕੋਚ ਵਿਚ ਵਾਸ਼ ਰੂਮ ਵਿਚ ਟਾਇਲਟ ਦੇ ਨੇੜੇ ਇਕ ਪੈਰ ਨਾਲ ਹੀ ਸੰਚਾਲਿਤ ਹੋਣ ਵਾਲੀ ਫਲੱਸ਼ ਲਗਾਈ ਗਈ ਹੈ। ਟਾਇਲਟ ਵਿਚ ਦਾਖਲ ਹੋਣ ਜਾਂ ਬਾਹਰ ਆਉਣ ਲਈ ਦਰਵਾਜ਼ੇ ਹੱਥੀਂ ਖੋਲ੍ਹਣ ਦੀ ਬਜਾਏ, ਮੁਸਾਫ਼ਰ ਪੈਰਾਂ ਰਾਹੀਂ ਖੋਲ੍ਹ ਸਕਦੇ ਹਨ।
• ਰੇਲਵੇ ਅਨੁਸਾਰ ਅਜਿਹੇ ਕੋਵਿਡ ਕੋਚ ਨੂੰ ਬਣਾਉਣ ਲਈ ਲਗਭਗ 6-7 ਲੱਖ ਰੁਪਏ ਖਰਚ ਆਉਂਦੇ ਹਨ ਅਤੇ ਯੋਜਨਾ ਦੇ ਤਹਿਤ ਵੱਡੇ ਪੱਧਰ 'ਤੇ ਰੇਲ ਕੋਚਾਂ ਵਿਚ ਅਜਿਹੀਆਂ ਤਬਦੀਲੀਆਂ ਕੀਤੀਆਂ ਜਾਣਗੀਆਂ। ਇਨ੍ਹਾਂ ਤਬਦੀਲੀਆਂ ਨਾਲ ਨਵੀਂ ਕਿਸਮ ਦੇ ਰੇਲ ਕੋਚ ਤਿਆਰ ਕੀਤੇ ਜਾ ਰਹੇ ਹਨ, ਤਾਂ ਜੋ ਕੋਰੋਨਾ ਪੀਰੀਅਡ ਤੋਂ ਬਾਅਦ ਵੀ, ਰੇਲ ਯਾਤਰਾ ਸੁਰੱਖਿਅਤ ਅਤੇ ਲਾਗ ਤੋਂ ਮੁਕਤ ਰਹੇ।                                     

ਇਹ ਵੀ ਪੜ੍ਹੋ- ਗੁੱਸੇ ਵਿਚ ਆਏ ਚੀਨ ਨੇ ਭਾਰਤੀ ਰੇਲਵੇ ਖਿਲਾਫ ਦਾਇਰ ਕੀਤਾ ਮੁਕੱਦਮਾ
 ਇਹ ਵੀ ਪੜ੍ਹੋ- ਆਧਾਰ ਨਾਲ ਸਬੰਧਤ ਕੋਈ ਪ੍ਰਸ਼ਨ ਹੈ ਤਾਂ ਇੱਥੇ ਟਵੀਟ ਕਰਨ 'ਤੇ ਮਿਲੇਗਾ ਤੁਰੰਤ ਜਵਾਬ