ਲੋਹੇ ਦੀ ਰਾਡ ਮਾਰ ਕੇ ਵਿਅਕਤੀ ਨੂੰ ਦਿੱਤੀ ਬੇਰਹਿਮ ਮੌਤ, ਭਰਾ ਨੇ ਸੁਣਾਈ ਦਰਦਭਰੀ ਦਾਸਤਾਨ

02/24/2021 6:07:01 PM

ਗੁਰੂਹਰਸਹਾਏ (ਆਵਲਾ): ਗੁਰੂਹਰਸਹਾਏ ਦੇ ਨਾਲ ਲੱਗਦੇ ਪਿੰਡ ਬੂਲਾ ਰਾਏ ਹਿਠਾੜ ਦੇ ਇਕ ਵਿਅਕਤੀ ਨੂੰ ਸੱਟਾਂ ਮਾਰ ਕੇ ਕਤਲ ਕਰਨ ਦੇ ਦੋਸ਼ ਵਿਚ ਥਾਣਾ ਗੁਰੂਹਰਸਹਾਏ ਦੀ ਪੁਲਸ ਨੇ ਦੋ ਵਿਅਕਤੀਆਂ ਦੇ ਖ਼ਿਲਾਫ਼ 302 ਅਤੇ 34 ਆਈ.ਪੀਸੀ . ਤਹਿਤ ਮੁਕੱਦਮਾ ਦਰਜ ਕੀਤਾ ਹੈ। ਇੰਸਪੈਕਟਰ ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਇਸ ਕਤਲ ਸਬੰਧੀ ਪੁਲਸ ਨੂੰ ਦਿੱਤੇ ਬਿਆਨਾਂ ਵਿਚ ਮ੍ਰਿਤਕ ਵਿਅਕਤੀ ਦੇ ਭਰਾ ਮੁਦੱਈ ਕਿਸ਼ੋਰ ਸਿੰਘ ਪੁੱਤਰ ਜਵਾਲਾ ਸਿੰਘ ਵਾਸੀ ਬੂਲਾ ਰਾਏ ਹਿਠਾੜ ਨੇ ਦੋਸ਼ ਲਗਾਉਂਦੇ ਦੱਸਿਆ ਕਿ ਜਦ ਉਹ ਆਪਣੇ ਘਰ ਮੌਜੂਦ ਸੀ ਤਾਂ ਉਸਨੂੰ ਪਤਾ ਲੱਗਿਆ ਕਿ ਉਸਦੇ ਭਰਾ ਬੂੜ ਸਿੰਘ ਨੂੰ ਕਿਸੇ ਨੇ ਸੱਟਾਂ ਮਾਰੀਆਂ ਹਨ। 

ਇਹ ਵੀ ਪੜ੍ਹੋ: ਅੰਮ੍ਰਿਤਸਰ ’ਚ ਹੋਣਗੇ ਨੌਵੇਂ ਪਾਤਸ਼ਾਹ ਜੀ ਦੇ 400 ਸਾਲਾ ਪ੍ਰਕਾਸ਼ ਪੁਰਬ ਦੇ ਮੁੱਖ ਸਮਾਗਮ : ਬੀਬੀ ਜਗੀਰ ਕੌਰ

ਮੁਦੱਈ ਅਨੁਸਾਰ ਜਦ ਉਹ ਮੌਕਾ ’ਤੇ ਪਹੁੰਚੇ ਤਾਂ ਉਥੇ ਛਿੰਦਰਪਾਲ ਸਿੰਘ ਪੁੱਤਰ ਸੋਨਾ ਸਿੰਘ ਵਾਸੀ ਬੂਲਾ ਰਾਏ ਹਿਠਾੜ ਮੌਜੂਦ ਸੀ , ਜਿਸ ਨੇ ਦੱਸਿਆ ਕਿ ਬੂੜ ਸਿੰਘ ਆਪਣੇ ਮੋਟਰਸਾਈਕਲ ' ਤੇ ਆ ਰਿਹਾ ਸੀ , ਜਿਸਦੇ ਪਿੱਛੇ ਇਕ ਟਰੈਕ ਗੱਡੀ ਜਿਸ ਵਿਚ ਦੋ ਵਿਅਕਤੀ ਸਵਾਰ ਸਨ , ਜਿਨ੍ਹਾਂ ਨੇ ਗੱਡੀ ਲਿਆ ਕੇ ਬੂੜ ਸਿੰਘ ਦੇ ਮੋਟਰਸਾਈਕਲ ਵਿਚ ਮਾਰੀ ਤਾਂ ਬੂੜ ਸਿੰਘ ਡਿੱਗ ਪਿਆ । ਇਸ ਤੋਂ ਬਾਅਦ ਗੱਡੀ ਵਿਚੋਂ ਜਸਵਿੰਦਰ ਸਿੰਘ ਪੁੱਤਰ ਬਖਸ਼ੀਸ਼ ਸਿੰਘ ਅਤੇ ਸਲਵਿੰਦਰ ਸਿੰਘ ਉਰਫ ਪੰਮਾ ਪੁੱਤਰ ਬਚਨ ਸਿੰਘ ਵਾਸੀਆਨ ਚਾਂਦੀ ਵਾਲਾ , ਗੱਡੀ ਵਿਚੋਂ ਉਤਰੇ ਤੇ ਜਸਵਿੰਦਰ ਸਿੰਘ ਦੇ ਹੱਥ ਵਿਚ ਲੋਹੇ ਦੀ ਰਾਡ ਫੜ੍ਹੀ ਹੋਈ ਸੀ , ਜਸਵਿੰਦਰ ਸਿੰਘ ਨੇ ਜਦੋਂ ਬੂੜ ਸਿੰਘ ਨੂੰ ਬਾਹਾਂ ਤੋਂ ਫੜਿਆ ਤਾਂ ਜਸਵਿੰਦਰ ਸਿੰਘ ਨੇ ਬੂੜ ਸਿੰਘ ਦੇ ਸਿਰ ਵਿਚ ਰਾਡ ਨਾਲ ਵਾਰ ਕੀਤੇ ਤੇ ਮੌਕਾ ਤੋਂ ਗੱਡੀ ਵਿਚ ਸਵਾਰ ਹੋ ਕੇ ਫਰਾਰ ਹੋ ਗਏ। 

ਇਹ ਵੀ ਪੜ੍ਹੋ: ਲੱਖਾ ਸਿਧਾਣਾ ਦੇ ਹੱਕ ’ਚ ਉਮੜ ਪਏ ਪੰਜਾਬੀ, ਮਹਿਰਾਜ ਰੋਸ ਰੈਲੀ ’ਚ ਭਾਰੀ ਇਕੱਠ

ਮੁਦੱਈ ਨੇ ਦੱਸਿਆ ਕਿ ਬੂੜ ਸਿੰਘ ਨੂੰ ਸਵਾਰੀ ਦਾ ਪ੍ਰਬੰਧ ਕਰਕੇ ਸਿਵਲ ਹਸਪਤਾਲ ਗੁਰੂਹਰਸਹਾਏ ਇਲਾਜ ਲਈ ਲਿਆਂਦਾ ਗਿਆ , ਪਰ ਡਾਕਟਰ ਸਾਹਿਬ ਨੇ ਬੂੜ ਸਿੰਘ ਨੂੰ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਕਾਲਜ ਫਰੀਦਕੋਟ ਲਿਜਾਣ ਲਈ ਕਹਿ ਦਿੱਤਾ , ਜਿੱਥੇ ਦੌਰਾਨ ਇਲਾਜ ਬੂੜ ਸਿੰਘ ਦੀ ਮੌਤ ਹੋ ਗਈ । ਮੁੱਖ ਅਫ਼ਸਰ ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਪੁਲਸ ਨੂੰ ਦਿੱਤੇ ਬਿਆਨਾਂ ਵਿਚ ਮੁਦੱਈ ਨੇ ਦੱਸਿਆ ਕਿ ਬੂੜ ਸਿੰਘ ਦੀ ਨੂੰਹ ਨਾਲ ਜਸਵਿੰਦਰ ਸਿੰਘ ਪੁੱਤਰ ਬਖਸ਼ੀਸ਼ ਸਿੰਘ ਦੇ ਗਲਤ ਸਬੰਧ ਸਨ ਤੇ ਨਾਜਾਇਜ਼ ਸਬੰਧਾਂ ਨੂੰ ਲੈ ਕੇ ਦੋਸ਼ੀਆਂ ਨੇ ਉਸਦੇ ਭਰਾ ਬੂੜ ਸਿੰਘ ਨੂੰ ਕਤਲ ਕੀਤਾ ਹੈ । ਉਨ੍ਹਾਂ ਦੱਸਿਆ ਕਿ ਪੁਲਿਸ ਵੱਲੋਂ ਮੁਕੱਦਮਾ ਦਰਜ ਕਰਕੇ ਦੋਸ਼ੀਆਂ ਖ਼ਿਲਾਫ਼ ਅਗਲੀ ਕਾਰਵਾਈ ਕੀਤੀ ਜਾ ਰਹੀ ਹੈ । 

ਇਹ ਵੀ ਪੜ੍ਹੋ:  ਫ਼ਿਰ ਤੋਂ ਵਧਣ ਲੱਗਾ ਕੋਰੋਨਾ, ਲੋਕ ਬੇਪ੍ਰਵਾਹ, ਸਮਾਜਿਕ ਦੂਰੀ ਦੇ ਨਿਯਮਾਂ ਦੀਆਂ ਸ਼ਰੇਆਮ ਉੱਡ ਰਹੀਆਂ ਧੱਜੀਆਂ


Shyna

Content Editor

Related News