ਅੰਮ੍ਰਿਤਸਰ : ਨਗਰ ਨਿਗਮ ਵਲੋਂ ਹਟਾਏ ਗਏ ਗੈਰ ਕਾਨੂੰਨੀ ਕਬਜ਼ੇ (ਤਸਵੀਰਾਂ)

ਅੰਮ੍ਰਿਤਸਰ (ਰਮਨ ਸ਼ਰਮਾ) : ਨਗਰ ਨਿਗਮ ਐੱਮ. ਟੀ. ਪੀ. ਵਿਭਾਗ ਦੇ ਏ. ਟੀ. ਪੀ. ਪਰਮਿੰਦਰ ਜੀਤ ਸਿੰਘ ਦੀ ਪ੍ਰਧਾਨਗੀ 'ਚ ਹਾਲ ਬਾਜ਼ਾਰ 'ਚ ਬਣ ਰਹੀ ਗੈਰ ਕਾਨੂੰਨੀ ਇਮਾਰਤ ਨੂੰ ਅੱਜ ਤੜਕੇ ਸਵੇਰੇ ਡਿਗਾ ਦਿੱਤਾ ਗਿਆ।

ਇਸ ਦੌਰਾਨ ਵਿਭਾਗ ਦੀ ਡੱਚ ਮਸ਼ੀਨ ਵੀ ਟੁੱਟ ਗਈ। ਵਿਭਾਗ ਦੇ ਇੰਸਪੈਕਟਰ ਪਰਮਜੀਤ ਸਿੰਘ, ਮਲਕੀਅਤ ਸਿੰਘ ਤੇ ਨਵਦੀਪ ਕੁਮਾਰ ਉੱਥੇ ਮੌਜੂਦ ਸਨ।

ਲੈਂਡ ਵਿਭਾਗ ਦੇ ਸੁਪਰੀਡੈਂਟ ਜਸਵਿੰਦਰ ਸਿੰਘ ਨੇ ਕੈਰੋ ਮਾਰਕਿਟ 'ਚ ਬਣਨ ਵਾਲੀ ਪਾਰਕਿੰਗ ਦੇ ਰਸਤੇ 'ਚ ਆਉਣ ਵਾਲੇ ਕਬਜ਼ਿਆਂ ਨੂੰ ਹਟਾਇਆ। ਏ. ਟੀ. ਪੀ. ਪਰਮਿੰਦਰ ਸਿੰਘ ਨੇ ਕਿਹਾ ਕਿ ਸ਼ਹਿਰ 'ਚ ਗੈਰ ਕਾਨੂੰਨੀ ਨਿਰਮਾਣ ਕਿਸੇ ਤਰ੍ਹਾਂ ਨਾਲ ਨਹੀਂ ਬਖਸ਼ਿਆ ਜਾਵੇਗਾ।