MLA ਰਮਨ ਅਰੋੜਾ ਦੇ ਕਾਲੇ ਚਿੱਠੇ ਦੀਆਂ ਖੁੱਲ੍ਹਣ ਲੱਗੀਆਂ ਪਰਤਾਂ, ਹੋਇਆ ਵੱਡਾ ਖ਼ੁਲਾਸਾ

ਜਲੰਧਰ (ਵਰੁਣ)-ਵਿਧਾਇਕ ਰਮਨ ਅਰੋੜਾ ਦੇ ਕਾਲੇ ਚਿੱਠੇ ਲਗਾਤਾਰ ਖੁੱਲ੍ਹ ਰਹੇ ਹਨ। ਹੁਣ ਮਾਮਲਾ ਰਾਮਾ ਮੰਡੀ ਦੇ ਵਜ਼ੀਰ ਐਨਕਲੇਵ ਤੋਂ ਸਾਹਮਣੇ ਆਇਆ ਹੈ। ਇਥੇ ਇਕ ਕੱਪੜਿਆਂ ਦੇ ਸ਼ੋਅਰੂਮ ਦੇ ਮਾਲਕ ਨੇ ਸ਼ੋਅਰੂਮ ਨੂੰ ਵੱਡਾ ਕਰਨ ਦੀ ਪਲਾਨਿੰਗ ਕੀਤੀ ਸੀ ਪਰ ਇਲਾਕਾ ਰਿਹਾਇਸ਼ੀ ਹੋਣ ਕਾਰਨ ਨਗਰ ਨਿਗਮ ਤੋਂ ਇਜਾਜ਼ਤ ਮਿਲਣਾ ਸੰਭਵ ਨਹੀਂ ਸੀ। ਸ਼ੋਅਰੂਮ ਦੇ ਮਾਲਕ ਨੇ ਵਿਧਾਇਕ ਰਮਨ ਅਰੋੜਾ ਗੱਲ ਕੀਤੀ ਤਾਂ ਉਨ੍ਹਾਂ ਸ਼ੋਅਰੂਮ ਦੇ ਮਾਲਕ ਦੀ ਪਿੱਠ ਥਾਪੜੀ ਅਤੇ 12 ਲੱਖ ਰੁਪਏ ਫੀਸ ਅਦਾ ਕਰਕੇ ਬਹੁਮੰਜ਼ਿਲਾ ਸ਼ੋਅਰੂਮ ਦੀ ਇਮਾਰਤ ਖੜ੍ਹੀ ਕਰਨ ਦੀ ਆਪਣੇ ਪੱਧਰ ’ਤੇ ਹੀ ਪਰਮਿਸ਼ਨ ਦੇ ਦਿੱਤੀ।

ਸ਼ੋਅਰੂਮ ਦੇ ਮਾਲਕ ਨੂੰ ਧੱਕਾ ਉਸ ਸਮੇਂ ਲੱਗਾ, ਜਦੋਂ ਸ਼ੋਅਰੂਮ ਦੀ ਇਮਾਰਤ ਖੜ੍ਹੀ ਹੋ ਗਈ ਅਤੇ ਇਲਾਕੇ ਦੇ ਰਹਿਣ ਵਾਲੇ ਲੋਕਾਂ ਨੇ ਇਸ ਨਾਜਾਇਜ਼ ਇਮਾਰਤ ਦਾ ਵਿਰੋਧ ਕਰਦੇ ਹੋਏ ਉੱਚ ਅਧਿਕਾਰੀਆਂ ਨੂੰ ਸ਼ਿਕਾਇਤ ਦੇ ਦਿੱਤੀ। ਅਜਿਹੇ ’ਚ ਨਿਗਮ ਨੇ ਤੁਰੰਤ ਐਕਸ਼ਨ ਲੈਂਦੇ ਹੋਏ ਉਸਾਰੀ ਦਾ ਕੰਮ ਬੰਦ ਕਰਵਾ ਦਿੱਤਾ ਅਤੇ ਇਮਾਰਤ ਸੀਲ ਕਰ ਦਿੱਤੀ। 12 ਲੱਖ ਰੁਪਏ ਦੇਣ ਦੇ ਬਾਵਜੂਦ ਅਤੇ ਇਮਾਰਤ ’ਤੇ ਵੀ ਲੱਖਾਂ ਰੁਪਏ ਖ਼ਰਚਾ ਕਰਕੇ ਵੀ ਇਮਾਰਤ ਸੀਲ ਹੋਣ ਦਾ ਸਦਮਾ ਸ਼ੋਅਰੂਮ ਦਾ ਮਾਲਕ ਸਹਿਣ ਨਹੀਂ ਕਰ ਸਕਿਆ ਅਤੇ ਹਾਰਟ ਅਟੈਕ ਆਉਣ ਨਾਲ ਉਸ ਦੀ ਮੌਤ ਹੋ ਗਈ। ਸ਼ੋਅਰੂਮ ਦੇ ਮਾਲਕ ਦੀਆਂ ਦੋ ਬੱਚੀਆਂ ਹਨ। ਮਾਮਲਾ ਲਗਭਗ ਡੇਢ ਮਹੀਨੇ ਪੁਰਾਣਾ ਹੀ ਹੈ।

ਇਹ ਵੀ ਪੜ੍ਹੋ: ਵਿਜੀਲੈਂਸ ਵੱਲੋਂ ਰਮਨ ਅਰੋੜਾ ਦੇ ਦਫ਼ਤਰ ਨਾਲ ਲੱਗਦੀ ਮਾਰਕਿਟ ਦੇ ਦੁਕਾਨਦਾਰਾਂ ਨੂੰ ਨੋਟਿਸ ਜਾਰੀ

ਦਰਅਸਲ ਅਬ੍ਰੋਡ 79 ਨਾਂ ਦੇ ਸ਼ੋਅਰੂਮ ਦੇ ਮਾਲਕ ਦਾ ਕੰਮ ਕਾਫ਼ੀ ਚੱਲ ਪਿਆ ਸੀ ਪਰ ਥਾਂ ਘਟਣ ਲੱਗੀ ਸੀ। ਅਜਿਹੇ ’ਚ ਉਸ ਨੇ ਵੱਡਾ ਸ਼ੋਅਰੂਮ ਖੋਲ੍ਹਣ ਦੀ ਪਲਾਨਿੰਗ ਕੀਤੀ ਸੀ। ਵਿਧਾਇਕ ਰਮਨ ਅਰੋੜਾ ਨੂੰ ਉਨ੍ਹਾਂ ਕਿਹਾ ਵੀ ਕਿ ਨਗਰ ਨਿਗਮ ਇਮਾਰਤ ਦਾ ਨਕਸ਼ਾ ਪਾਸ ਨਹੀਂ ਹੋਣ ਦੇਵੇਗੀ ਕਿਉਂਕਿ ਜਿਸ ਥਾਂ ’ਤੇ ਉਹ ਸ਼ੋਅਰੂਮ ਖੋਲ੍ਹਣਾ ਚਾਹੁੰਦਾ ਹੈ, ਉਹ ਰਿਹਾਇਸ਼ੀ ਇਲਾਕਾ ਹੈ। ਸੱਤਾ ਦੇ ਨਸ਼ੇ ਅਤੇ ਪੈਸਿਆਂ ਦੇ ਲਾਲਚ ਨੇ ਰਮਨ ਅਰੋੜਾ ਨੂੰ ਅੱਗੇ-ਪਿੱਛੇ ਨਹੀਂ ਵੇਖਣ ਦਿੱਤਾ। ਵਿਧਾਇਕ ਰਮਨ ਅਰੋੜਾ ਨੇ ਭਰੋਸਾ ਦਿੱਤਾ ਕਿ ਕੋਈ ਵੀ ਨਿਗਮ ਦੀ ਟੀਮ ਉਸ ਦੇ ਸ਼ੋਅਰੂਮ ਨਹੀਂ ਆਵੇਗੀ, ਜਿੰਨੀ ਮਰਜ਼ੀ ਵੱਡੀ ਇਮਾਰਤ ਖੜ੍ਹੀ ਕਰ ਲਓ। ਇਸ ਦੇ ਬਦਲੇ ਰਮਨ ਅਰੋੜਾ ਨੇ 12 ਲੱਖ ਰੁਪਏ ਕੈਸ਼ ਮੰਗੇ।

ਇਹ ਵੀ ਪੜ੍ਹੋ: ਵੱਡਾ ਖ਼ੁਾਲਾਸਾ: CBI ਦੇ ਫਰਜ਼ੀ ਸਪੈਸ਼ਲ ਅਫ਼ਸਰ ਦੇ ਫੜੇ ਜਾਣ ’ਤੇ ਥਾਣੇ ’ਚੋਂ ਕੱਢ ਕੇ ਲੈ ਗਏ ਸਨ MLA ਰਮਨ ਅਰੋੜਾ

ਸ਼ੋਅਰੂਮ ਦੇ ਮਾਲਕ ਨੇ ਵੀ ਭਰੋਸਾ ਕਰਕੇ ਉਨ੍ਹਾਂ ਨੂੰ 12 ਲੱਖ ਰੁਪਏ ਦੇ ਦਿੱਤੇ, ਜਿਸ ’ਚੋਂ ‘ਆਪ’ ਦੇ ਇਕ ਕੌਂਸਲਰ ਨੂੰ 2 ਲੱਖ ਰੁਪਏ ਦਿੱਤੇ ਗਏ। ਉਹੀ ਕੌਂਸਲਰ ਸ਼ੋਅਰੂਮ ਦੇ ਮਾਲਕ ਨੂੰ ਵਿਧਾਇਕ ਦੀ ਪੰਚਾਇਤ ਵਿਚ ਮਿਲਾਉਣ ਲਈ ਲਿਆਇਆ ਸੀ। ਮਾਲਕ ਨੇ ਕੰਧਾਂ ਖੜ੍ਹੀਆਂ ਕਰਨ ਤੋਂ ਬਾਅਦ ਲੈਂਟਰ ਤਕ ਪਾ ਦਿੱਤੇ ਪਰ ਸਥਾਨਕ ਲੋਕਾਂ ਨੇ ਇਸ ਦਾ ਵਿਰੋਧ ਕਰਨਾ ਸ਼ੁਰੂ ਕਰ ਦਿੱਤਾ। ਸ਼ਿਕਾਇਤ ਹੋਣ ’ਤੇ ਨਿਗਮ ਦੀ ਟੀਮ ਨੇ ਪਹਿਲਾਂ ਇਮਾਰਤ ਦਾ ਕੰਮ ਰੁਕਵਾਇਆ ਅਤੇ ਬਾਅਦ ਵਿਚ ਇਮਾਰਤ ਨੂੰ ਸੀਲ ਕਰਕੇ ਆਪਣਾ ਬੋਰਡ ਲਾ ਦਿੱਤਾ। ਸ਼ੋਅਰੂਮ ਦੇ ਮਾਲਕ ਨੂੰ ਇਸ ਗੱਲ ਦਾ ਇੰਨਾ ਧੱਕਾ ਲੱਗਾ ਕਿ ਟੈਨਸ਼ਨ ਵਿਚ ਉਸ ਦੀ ਹਾਰਟ ਅਟੈਕ ਨਾਲ ਮੌਤ ਹੋ ਗਈ। ਅਜਿਹੇ ਕਈ ਮਾਮਲਿਆਂ, ਜਿਨ੍ਹਾਂ ਵਿਚ ਵਿਧਾਇਕ ਰਮਨ ਅਰੋੜਾ ਨੇ ਸ਼ਹਿਰ ਦੇ ਲੋਕਾਂ ਨਾਲ ਸ਼ਰੇਆਮ ਧੱਕਾ ਕੀਤਾ ਅਤੇ ਉਹ ਵੀ ਜਲਦ ਉਜਾਗਰ ਕੀਤੇ ਜਾਣਗੇ।

ਰਮਨ ਅਰੋੜਾ ਦੇ ਕੁੜਮ ਦੇ ਦਫ਼ਤਰ ’ਚ ਵਿਜੀਲੈਂਸ ਦੀ ਰੇਡ
ਵਿਜੀਲੈਂਸ ਨੇ ਐਤਵਾਰ ਨੂੰ ਵੀ ਵਿਧਾਇਕ ਰਮਨ ਅਰੋੜਾ ਦੇ ਕੁੜਮ ਰਾਜੂ ਮਦਾਨ ਦੇ ਦਫ਼ਤਰ ਵਿਚ ਰੇਡ ਕੀਤੀ। ਹਾਲਾਂਕਿ ਰਾਜੂ ਮਦਾਨ ਨਹੀਂ ਮਿਲਿਆ ਪਰ ਵਿਜੀਲੈਂਸ ਦੀ ਟੀਮ ਆਪਣੀ ਸਾਰੀ ਜਾਂਚ ਪੂਰੀ ਕਰਕੇ ਵਾਪਸ ਮੁੜੀ। ਇਸ ਤੋਂ ਪਹਿਲਾਂ ਵੀ ਰਾਜੂ ਮਦਾਨ ਦੇ ਘਰ ਵਿਜੀਲੈਂਸ ਰੇਡ ਕਰ ਚੁੱਕੀ ਹੈ ਪਰ ਰਮਨ ਅਰੋੜਾ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ ਉਹ ਫਰਾਰ ਹੈ। ਆੜ੍ਹਤੀ ਮਹੇਸ਼ ਮਖੀਜਾ ਵੀ ਰੂਪੋਸ਼ ਹੈ। ਜਾਂਚ ਵਿਚ ਸਾੜ੍ਹੀ ਕਾਰੋਬਾਰੀ ਦਾ ਨਾਂ ਵੀ ਸਾਹਮਣੇ ਆਇਆ ਹੈ, ਜੋ ਵਿਧਾਇਕ ਲਈ ਲੋਕਾਂ ਨਾਲ ਸੈਟਿੰਗ ਦੇ ਪੈਸੇ ਫੜਦਾ ਸੀ। ਫਿਲਹਾਲ ਵਿਜੀਲੈਂਸ ਉਸ ਦੀ ਭੂਮਿਕਾ ਦੀ ਵੀ ਜਾਂਚ ਜਲਦ ਕਰ ਸਕਦੀ ਹੈ।

ਇਹ ਵੀ ਪੜ੍ਹੋ: ਪੰਜਾਬ ਦੇ 8 ਜ਼ਿਲ੍ਹਿਆਂ 'ਚ ਮੌਸਮ ਦਾ Alert! ਮੀਂਹ ਨਾਲ ਆਵੇਗਾ ਭਾਰੀ ਤੂਫ਼ਾਨ

ਮਕਸੂਦਾਂ ਸਬਜ਼ੀ ਮੰਡੀ ਨਜ਼ਦੀਕ ਐੱਨ. ਆਰ. ਆਈ. ਦੀ ਜ਼ਮੀਨ ’ਤੇ ਕਰਵਾ ਦਿੱਤਾ ਸੀ ਨਾਜਾਇਜ਼ ਕਬਜ਼ਾ
ਵਿਧਾਇਕ ਰਮਨ ਅਰੋੜਾ ਨੇ ਕਿਸੇ ਸਮੇਂ ਉਸ ਦੇ ਖ਼ਾਸ ਰਹੇ ਇਕ ਆਗੂ ਤੋਂ ਐੱਨ. ਆਰ. ਆਈ. ਦੀ ਜ਼ਮੀਨ ’ਤੇ ਕਬਜ਼ਾ ਕਰਵਾ ਦਿੱਤਾ ਸੀ। ਮਾਮਲਾ 2 ਸਾਲ ਪੁਰਾਣਾ ਹੈ। ਇਸ ਆਗੂ ਨੇ ਪਹਿਲਾਂ ਤਾਂ ਉੱਥੇ ਛੋਟਾ ਜਿਹਾ ਸ਼ੈੱਡ ਪਾਇਆ ਅਤੇ ਬਾਅਦ ਵਿਚ ਸ਼ੈੱਡ ਦੀ ਲੰਬਾਈ ਵਧਦੀ ਗਈ। ਐੱਨ. ਆਰ. ਆਈ. ਨੂੰ ਇਸ ਬਾਰੇ ਕੋਈ ਜਾਣਕਾਰੀ ਤਕ ਨਹੀਂ ਹੈ ਕਿਉਂਕਿ ਉਹ ਲੰਮੇ ਸਮੇਂ ਤੋਂ ਭਾਰਤ ਮੁੜਿਆ ਹੀ ਨਹੀਂ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਆਗੂ ਨੇ ਮਿਲੀਭੁਗਤ ਨਾਲ ਉਸ ਜ਼ਮੀਨ ਦੇ ਦਸਤਾਵੇਜ਼ ਵੀ ਤਿਆਰ ਕਰ ਲਏ ਹਨ।

ਇਹ ਵੀ ਪੜ੍ਹੋ: ਪੰਜਾਬ ਦੇ ACP ਤੇ SHO ’ਤੇ ਵੀ ਡਿੱਗ ਸਕਦੀ ਹੈ ਗਾਜ, MLA ਰਮਨ ਅਰੋੜਾ ਨਾਲ ਮਿਲ ਕਮਾਏ ਕਰੋੜਾਂ ਰੁਪਏ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e