ਖਾੜੀ ਜੰਗ ਦਾ ਅਸਰ! ਛੋਟੇ ਉਦਯੋਗਾਂ ਦੀਆਂ ਵਧੀਆਂ ਮੁਸ਼ਕਿਲਾਂ, ਹੁਣ ਸੈਕੰਡਰੀ ਸਟੀਲ ਦੀਆਂ ਕੀਮਤਾਂ 'ਚ ਭਾਰੀ ਵਾਧਾ

ਜਲੰਧਰ- ਖਾੜੀ ਜੰਗ ਦੇ ਅਸਰ ਨਾਲ ਵਿਦੇਸ਼ਾਂ ਤੋਂ ਆਉਣ ਵਾਲਾ ਕੱਚਾ ਮਾਲ ਮਹਿੰਗਾ ਹੋ ਗਿਆ ਪਰ ਜਲੰਧਰ ਦੀਆਂ ਫੈਕਟਰੀਆਂ ਹੁਣ ਸੈਕੰਡਰੀ ਸਟੀਲ ਦੀਆਂ ਵਧਦੀਆਂ ਕੀਮਤਾਂ ਨਾਲ ਪਰੇਸ਼ਾਨੀ ਝਲ ਰਹੀਆਂ ਹਨ। ਲੋਹੇ ਦੀਆਂ ਵੱਖ-ਵੱਖ ਕਿਸਮਾਂ ਦੀਆਂ ਕੀਮਤਾਂ ਵਿਚ ਲਗਭਗ 4.5 ਫ਼ੀਸਦੀ ਦਾ ਵਾਧਾ ਹੋਇਆ ਹੈ।  ਹੌਟ-ਰੋਲਡ ਕੋਇਲ ਸਭ ਤੋਂ ਵੱਧ ਪ੍ਰਭਾਵਿਤ ਹੋਇਆ ਹੈ, ਜਿਸ ਦੀਆਂ ਕੀਮਤਾਂ 50,150 ਤੋਂ 52,400 ਪ੍ਰਤੀ ਟਨ ਤੱਕ ਵਧੀਆਂ ਹਨ। ਉਥੇ ਹੀ ਇੰਗਟ ਅਤੇ ਕੁਲਫ਼ੀ ਦੀਆਂ ਕੀਮਤਾਂ ਵਿੱਚ ਵੀ 1,600 ਤੋਂ 1,700 ਪ੍ਰਤੀ ਟਨ ਦਾ ਵਾਧਾ ਹੋਇਆ ਹੈ। ਇਨ੍ਹਾਂ ਦਰਾਂ ਵਿੱਚ ਭਾੜਾ, ਟੈਕਸ ਅਤੇ ਹੋਰ ਖ਼ਰਚੇ ਸ਼ਾਮਲ ਕੀਤੇ ਗਏ ਹਨ। ਉਦਯੋਗ ਸੰਚਾਲਕਾਂ ਦਾ ਕਹਿਣਾ ਹੈ ਕਿ ਕੱਚਾ ਮਾਲ ਲਗਭਗ 10 ਫ਼ੀਸਦੀ ਮਹਿੰਗਾ ਹੁੰਦਾ ਜਾ ਰਿਹਾ ਹੈ। ਨਤੀਜੇ ਵਜੋਂ ਛੋਟੇ ਉਦਯੋਗਾਂ ਲਈ ਬਾਜ਼ਾਰ 'ਚ ਟਿਕੇ ਰਹਿਣਾ ਮੁਸ਼ਕਿਲ ਹੁੰਦਾ ਜਾ ਰਿਹਾ ਹੈ।

ਇਹ ਵੀ ਪੜ੍ਹੋ:  ਪੰਜਾਬ: PNB ਬੈਂਕ 'ਚ ਪੈ ਗਿਆ ਡਾਕਾ

ਐੱਮ. ਐੱਸ. ਐੱਮ. ਈ. ਐਸੋਸੀਏਸ਼ਨ ਦੇ ਪ੍ਰਧਾਨ ਗੁਰਚਰਨ ਸਿੰਘ ਮੁਤਾਬਕ ਮਹਿੰਗੇ ਕੱਚੇ ਮਾਲ ਕਾਰਨ ਫੈਕਟਰੀ ਉਤਪਾਦਨ 'ਚ ਗਿਰਾਵਟ ਆਈ ਹੈ। ਇਹ ਵੇਖਦੇ ਹੋਏ ਕਿ ਕੱਚੇ ਮਾਲ ਦੀਆਂ ਕੀਮਤਾਂ 'ਚ ਹੋਰ ਸਾਰੀਆਂ ਲਾਗਤਾਂ ਸਮੇਤ 10 ਫ਼ੀਸਦੀ ਤੱਕ ਵਾਧਾ ਹੋ ਰਿਹਾ ਹੈ, ਛੋਟੇ ਉਦਯੋਗ ਬਾਜ਼ਾਰ 'ਚ ਕਿਵੇਂ ਮੁਕਾਬਲਾ ਕਰ ਸਕਦੇ ਹਨ?

ਫੈੱਡਰੇਸ਼ਨ ਆਫ਼ ਇੰਡਸਟਰੀਜ਼ ਦੇ ਮੁਖੀ ਸੁਨੀਲ ਸ਼ਰਮਾ ਕਹਿੰਦੇ ਹਨ, "ਖਾੜੀ ਯੁੱਧ ਕਾਰਨ ਐਕਸਪੋਰਟ ਬੰਦ ਹੋ ਗਏ ਹਨ। ਕੱਚੇ ਮਾਲ ਦੀ ਮੰਗ ਡਿੱਗ ਗਈ ਹੈ। ਫਿਰ ਪੰਜਾਬ ਵਿੱਚ ਪੈਦਾ ਹੋਣ ਵਾਲੇ ਸੈਕੰਡਰੀ ਸਟੀਲ ਦੀ ਦਰ ਕਿਉਂ ਵਧ ਰਹੀ ਹੈ? ਇਹ ਰੇਟਾਂ ਦੇ ਐੱਸ. ਐੱਮ. ਐੱਸ. ਮਾਫ਼ੀਆ ਦੇ ਕਾਰਨ ਹੈ। ਸਰਕਾਰ ਨੂੰ ਉਨ੍ਹਾਂ ਲੋਕਾਂ ਦੀ ਜਾਂਚ ਕਰਨੀ ਚਾਹੀਦੀ ਹੈ ਅਤੇ ਉਨ੍ਹਾਂ ਨੂੰ ਕਾਬੂ ਕਰਨਾ ਚਾਹੀਦਾ ਹੈ ਜੋ ਕਾਰਟੈਲ ਬਣਾਉਂਦੇ ਹਨ ਅਤੇ ਮਨਮਰਜੀ ਦੀਆਂ ਕੀਮਤਾਂ ਨਿਰਧਾਰਤ ਕਰਦੇ ਹਨ। ਕਾਰਟੈਲ ਰੋਜ਼ਾਨਾ ਦਰ ਐੱਸ. ਐੱਮ. ਐੱਸ. ਜਾਰੀ ਕਰਦੇ ਹਨ, ਦਰਾਂ ਵਧਾਉਂਦੇ ਹਨ, ਜਦਕਿ ਫੈਕਟਰੀ ਦਾ ਕੰਮ ਹੌਲੀ ਹੋ ਰਿਹਾ ਹੈ। ਜੇਕਰ ਮੰਗ ਨਹੀਂ ਵਧੀ ਤਾਂ ਦਰਾਂ ਕਿਵੇਂ ਵਧ ਸਕਦੀਆਂ ਹਨ?"

ਇਹ ਵੀ ਪੜ੍ਹੋ: ਪੰਜਾਬ: ਨਸ਼ੇ ਦੀ ਭੇਟ ਚੜ੍ਹੇ ਇਕੋ ਮਾਂ ਦੇ 4 ਪੁੱਤ, 5ਵਾਂ ਮੰਜੇ 'ਤੇ, ਰੋਂਦੀ-ਕਰਲਾਉਂਦੀ ਮਾਂ ਪਾ ਰਹੀਆਂ ਦੁਹਾਈਆਂ...

ਕਿਹੜੀ ਇੰਡਸਟਰੀ 'ਤੇ ਕਿੰਨਾ ਅਸਰ ਪਿਆ
ਕਾਸਟਿੰਗ ਇੰਡਸਟਰੀ: ਐਕਸਪੋਰਟ ਰੁਕਿਆ ਹੈ ਅਤੇ ਪੁਰਾਣੇ ਆਰਡਰ ਹੁਣ ਘਾਟੇ 'ਚ ਬਦਲ ਰਹੇ ਹਨ। ਨਟ-ਬੋਲਟ ਅਤੇ ਸ਼ੀਟ ਮੈਟਲ ਨਿਰਮਾਣ ਇਕਾਈਆਂ, ਜੋ ਪਹਿਲਾਂ ਹੀ ਘੱਟ ਮੁਨਾਫ਼ੇ ਦੇ ਮਾਰਜਿਨ 'ਤੇ ਕੰਮ ਕਰ ਰਹੀਆਂ ਹਨ, ਵਧੇ ਹੋਏ ਦਬਾਅ ਹੇਠ ਹਨ।
ਹੱਥ ਦੇ ਔਜ਼ਾਰ ਅਤੇ ਫੋਰਜਿੰਗ: ਸਟੀਲ ਦੀ ਲਾਗਤ ਨੇ ਤਿਆਰ ਸਾਮਾਨ ਦੀ ਕੀਮਤ 'ਚ 3-4 ਫ਼ੀਸਦੀ ਦਾ ਵਾਧਾ ਕੀਤਾ ਹੈ, ਜਿਸ ਨਾਲ ਸਸਤੇ ਚੀਨੀ ਸਾਮਾਨ ਨਾਲ ਮੁਕਾਬਲਾ ਕਰਨਾ ਮੁਸ਼ਕਿਲ ਹੋ ਗਿਆ ਹੈ।

ਇਹ ਵੀ ਪੜ੍ਹੋ: ਪਹਿਲਾਂ ਚਾਵਾਂ ਨਾਲ ਕਰਵਾਈ 'ਲਵ ਮੈਰਿਜ', ਫਿਰ ਕੈਨੇਡਾ ਜਾ ਕੇ ਪਤੀ ਨੇ ਬਦਲੇ ਤੇਵਰ, ਕੀਤਾ ਅਜਿਹਾ ਕਾਰਾ ਕਿ...

ਖੇਤੀਬਾੜੀ ਮਸ਼ੀਨਰੀ ਦੀਆਂ ਲਾਗਤਾਂ 'ਚ 5-6 ਫ਼ੀਸਦੀ ਦਾ ਵਾਧਾ ਹੋਇਆ ਹੈ, ਜਿਸ ਕਾਰਨ ਛੋਟੇ ਨਿਰਮਾਤਾਵਾਂ ਨੂੰ ਵਧੇਰੇ ਨਕਦੀ ਨਿਵੇਸ਼ ਕਰਨ ਲਈ ਮਜਬੂਰ ਹੋਣਾ ਪਿਆ ਹੈ।
ਪਾਈਪ ਫਿਟਿੰਗ: ਵਧਦੀਆਂ ਲਾਗਤਾਂ ਕਾਰਨ ਕਈ ਥਾਵਾਂ 'ਤੇ ਓਵਰਟਾਈਮ ਘਟਾ ਦਿੱਤਾ ਗਿਆ ਹੈ ਅਤੇ ਦਰਾਂ ਵਿੱਚ 5-7 ਫ਼ੀਸਦੀ ਦਾ ਵਾਧਾ ਹੋਇਆ ਹੈ। ਕੁੱਲ੍ਹ ਮਿਲਾ ਕੇ, ਕੱਚੇ ਮਾਲ ਦੀਆਂ ਵਧਦੀਆਂ ਕੀਮਤਾਂ ਅਤੇ ਘੱਟ ਮੰਗ ਕਾਰਨ ਜਲੰਧਰ ਉਦਯੋਗ ਦਬਾਅ ਹੇਠ ਆ ਗਿਆ ਹੈ।

ਇਹ ਵੀ ਪੜ੍ਹੋ: ਪੰਜਾਬ 'ਚ 3 ਦਿਨਾਂ ਲਈ ਇਹ ਰਸਤੇ ਰਹਿਣਗੇ ਬੰਦ! ਬਦਲਿਆ ਗਿਆ ਰੂਟ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e