ਘਰ ’ਚੋਂ ਐੱਲ. ਸੀ. ਡੀ. ਚੋਰੀ

 ਗੁਰਦਾਸਪੁਰ,  (ਵਿਨੋਦ)-  ਸਿਟੀ ਪੁਲਸ ਸਟੇਸ਼ਨ ਇੰਚਾਰਜ ਸ਼ਾਮ ਲਾਲ ਨੇ ਦੱਸਿਆ ਕਿ ਅੱਜ ਹੀ ਪੁਲਸ ਨੂੰ ਸਥਾਨਕ ਮਿਹਰ ਚੰਦ ਰੋਡ ਤੋਂ ਕਿਸੇ ਨੇ ਸੂਚਿਤ ਕੀਤਾ ਕਿ ਮਿਹਰ ਚੰਦ ਵਾਸੀ ਪਰਨੀਤ ਆਨੰਦ ਪੁੱਤਰ ਗੋਪਾਲ ਆਨੰਦ ਦੇ ਘਰ ਵਿਚ ਚੋਰੀ ਹੋ ਗਈ ਹੈ। ਸੂਚਨਾ ਮਿਲਦੇ ਹੀ ਪੁਲਸ ਮੌਕੇ ’ਤੇ ਪਹੁੰਚੀ ਤਾਂ ਉਥੇ ਵੇਖਿਆ ਕਿ ਘਰ ਦਾ ਸਾਮਾਨ ਖਿਲਰਿਆ ਪਿਆ ਸੀ ਅਤੇ ਇਕ ਕਮਰੇ ਵਿਚ ਲੱਗੀ ਐੱਲ. ਸੀ. ਡੀ. ਚੋਰੀ ਹੋ ਚੁੱਕੀ ਸੀ। 
 ਉਨ੍ਹਾਂ ਦੱਸਿਆ ਕਿ ਪ੍ਰਨੀਤ ਆਨੰਦ ਪਰਿਵਾਰ ਸਮੇਤ ਆਪਣੇ ਲਡ਼ਕੇ ਕੋਲ 12 ਜੂਨ ਨੂੰ ਬੰਗਲੌਰ ਗਿਆ ਸੀ। ਪਿਛੋਂ ਘਰ ਤੋਂ ਇਕ ਸਫਾਈ ਕਰਨ ਵਾਲੀ ਅੌਰਤ ਭੋਲੀ ਅੱਜ ਜਦ ਘਰ ਦੀ ਸਫਾਈ ਕਰਨ ਲਈ ਆਈ ਤਾਂ ਉਸਨੇ ਦੇਖਿਆ  ਕਿ ਅਲਮਾਰੀ ਟੁੱਟੀ ਅਤੇ ਸਾਮਾਨ ਖਿਲਰਿਆ ਪਾਇਆ, ਜਿਸ ’ਤੇ ਭੋਲੀ ਨੇ ਘਟਨਾ ਦੀ ਜਾਣਕਾਰੀ ਗੁਆਂਢੀਆਂ ਨੂੰ ਤੇ ਫਿਰ ਪੁਲਸ ਨੂੰ ਦਿੱਤੀ। ਮੁਹੱਲਾ ਵਾਲਿਆ ਨੇ ਇਸ ਦੀ ਸੂਚਨਾ ਪਰਨੀਤ ਆਨੰਦ ਨੂੰ ਵੀ ਸੂਚਿਤ ਕੀਤਾ। ਜਿਸ ਤੋਂ ਬਾਅਦ ਧਾਰੀਵਾਲ ਤੋਂ ਪ੍ਰਨੀਤ ਦੀ ਭੈਣ ਸੰਗੀਤਾ ਵੀ ਗੁਰਦਾਸਪੁਰ ਆ ਗਈ।  ਪ੍ਰਨੀਤ ਆਨੰਦ ਨਾਲ ਗੱਲ ਕਰਨ ਤੇ ਪਤਾ ਲੱਗਾ ਕਿ ਘਰ ਵਿਚ ਰੱਖੇ ਗਹਿਣੇ ਉਨ੍ਹਾਂ ਨੇ ਬੰਗਲੌਰ ਜਾਣ ਤੋਂ ਪਹਿਲਾ ਬੈਂਕ ’ਚ ਰੱਖ ਦਿੱਤੇ ਸੀ। ਚੋਰ ਇਕ ਕਮਰੇ ’ਚੋਂ ਕੇਵਲ ਐੱਲ. ਸੀ. ਡੀ. ਉਤਾਰ ਕੇ ਲੈ ਗਏ ਹਨ। ਇਸ ਘਟਨਾ ਦੀ ਜਾਂਚ ਚਲ ਰਹੀ ਹੈ ਅਤੇ ਜਲਦੀ ਹੀ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਜਾਵੇਗਾ।