ਚੰਡੀਗੜ੍ਹ ''ਚ 3 ਦਿਨਾ ''ਗੁਲਦਾਊਦੀ ਸ਼ੋਅ'' 6 ਦਸੰਬਰ ਤੋਂ

ਚੰਡੀਗੜ੍ਹ (ਰਾਏ) : ਨਗਰ ਨਿਗਮ ਟੈਰੇਸਡ ਗਾਰਡਨ ਸੈਕਟਰ-33 'ਚ 33ਵਾਂ ਸਲਾਨਾ ਤਿੰਨ ਦਿਨਾ ਗੁਲਦਾਊਦੀ ਸ਼ੋਅ 6 ਦਸੰਬਰ ਨੂੰ ਆਯੋਜਿਤ ਕਰੇਗਾ। ਗੁਲਦਾਊਦੀ ਸ਼ੋਅ 'ਚ ਕਿੰਗ ਆਫ ਦਿ ਸ਼ੋਅ, ਕਵੀਨ ਆਫ ਦਿ ਸ਼ੋਅ, ਪ੍ਰਿੰਸ ਆਫ ਦਿ ਸ਼ੋਅ, ਪ੍ਰਿੰਸੇਜ ਆਫ ਦਿ ਸ਼ੋਅ ਤੋਂ ਇਲਾਵਾ ਬੈਸਟ ਫਲਾਵਰ ਆਫ ਦਿ ਸ਼ੋਅ ਦਾ ਐਲਾਨ ਹੋਵੇਗਾ। ਗੁਲਦਾਊਦੀ 'ਚ ਨਗਰ ਨਿਗਮ ਦੀ ਹਾਰਟੀਕਲਚਰ ਵਿੰਗ ਨੇ ਗੁਲਦਾਊਦੀ ਦੇ 266 ਕਿਸਮਾਂ ਡਿਸਪਲੇ ਕਰਨ ਦੀ ਤਿਆਰੀ ਕਰ ਲਈ ਹੈ।

ਨਗਰ ਨਿਗਮ ਵਲੋਂ ਕੁਝ ਦਿਨਾਂ 'ਚ ਗਮਲਿਆਂ ਨੂੰ ਸਜਾਉਣ ਦਾ ਕੰਮ ਟੈਰੇਸਡ ਗਾਰਡਨ 'ਚ ਸ਼ੁਰੂ ਕਰ ਦਿੱਤਾ ਜਾਵੇਗਾ। ਨਗਰ ਨਿਗਮ ਦੀ ਹਾਰਟੀਕਲਚਰ ਵਿੰਗ 10 ਹਜ਼ਾਰ ਗਮਲਿਆਂ 'ਚ ਲੱਗੇ ਗੁਲਦਾਊਦੀ ਨੂੰ ਡਿਸਪਲੇ ਕਰਨ ਦੀ ਤਿਆਰੀ 'ਚ ਹੈ। ਪਹਿਲੀ ਦਸੰਬਰ ਨੂੰ ਫਰੀ ਐਂਟਰੀ ਸ਼ੁਰੂ ਕਰ ਦਿੱਤੀ ਜਾਵੇਗੀ। 5 ਦਸੰਬਰ ਨੂੰ ਜੇਤੂਆਂ ਦਾ ਐਲਾਨ ਹੋਵੇਗਾ। ਸ਼ੋਅ 'ਚ ਸਰਕਾਰੀ, ਅਰਧ ਸਰਕਾਰੀ, ਸੰਸਥਾਵਾਂ ਨਰਸਰੀ ਆਪਣੇ ਗਮਲੇ ਜਾਂ ਗੁਲਦਾਊਦੀ ਨੂੰ ਸ਼ੋਅ 'ਚ ਡਿਸਪਲੇ ਕਰਨ ਲਈ ਐਂਟਰੀ ਕਰਾ ਸਕਣਗੀਆਂ। ਸ਼ੋਅ ਦੌਰਾਨ ਸੱਭਿਆਚਾਰਕ ਪ੍ਰੋਗਰਾਮ ਹੋਣਗੇ।