ਸਰਕਾਰ ਦੀਆਂ ਹਦਾਇਤਾਂ ’ਤੇ ਹਰਕਤ ’ਚ ਆਇਆ ਵਿਭਾਗ, ਛਾਪੇਮਾਰੀ ਨਾਲ ਸਕੂਲਾਂ ’ਚ ਮੱਚਿਆ ਹੜਕੰਪ

ਅੰਮ੍ਰਿਤਸਰ (ਦਲਜੀਤ) - ਮਾਪਿਆਂ ਦੇ ਮਾਨਸਿਕ ਅਤੇ ਆਰਥਿਕ ਸ਼ੋਸ਼ਣ ਹੋਣ ਤੋਂ ਬਾਅਦ ਪੰਜਾਬ ਸਰਕਾਰ ਕੁੰਭਕਰਨੀ ਦੀ ਨੀਂਦ ਤੋਂ ਜਾਗ ਪਈ ਹੈ। ਸਰਕਾਰ ਦੀਆਂ ਹਦਾਇਤਾਂ ’ਤੇ ਸਿੱਖਿਆ ਵਿਭਾਗ ਵਲੋਂ ਹਰ ਰੋਜ਼ ਦਰਜਨਾਂ ਸਕੂਲਾਂ ਵਿਚ ਛਾਪੇਮਾਰੀ ਕੀਤੀ ਜਾ ਰਹੀ ਹੈ। ਵਿਭਾਗ ਦੀ ਇਸ ਛਾਪੇਮਾਰੀ ਤੋਂ ਬਾਅਦ ਆਪਣੀਆਂ ਮਨਮਾਨੀਆਂ ਕਰਨ ਵਾਲੇ ਜ਼ਿਆਦਾਤਰ ਪ੍ਰਾਈਵੇਟ ਸਕੂਲਾਂ ਵਿਚ ਹੜਕੰਪ ਮਚ ਗਿਆ ਹੈ। ਕਈ ਸਕੂਲ ਵਿਭਾਗ ਦੀ ਕਾਰਵਾਈ ਤੋਂ ਬਚਣ ਲਈ ਜਿੱਥੇ ‘ਆਪ’ ਸਰਕਾਰ ਦੇ ਆਗੂਆਂ ਦੀ ਸ਼ਰਨ ਵਿਚ ਜਾ ਰਹੇ ਹਨ, ਉਥੇ ਕਈ ਸਕੂਲ ਵਿਭਾਗ ਨੂੰ ਸੂਚਨਾ ਨਾ ਦੇਣ ਲਈ ਜੁਗਾੜ ਲਾ ਰਹੇ ਹਨ। ਉੱਧਰ, ਦੂਜੇ ਪਾਸੇ ਵਿਭਾਗ ਵਲੋਂ ਮਾਪਿਆਂ ਦੀ ਮਦਦ ਲਈ ਨੋਡਲ ਅਧਿਕਾਰੀਆਂ ਦੇ ਮੋਬਾਇਲ ਨੰਬਰ ਜਾਰੀ ਕਰ ਦਿੱਤੇ ਗਏ ਹਨ।

ਜਾਣਕਾਰੀ ਅਨੁਸਾਰ ਮਾਪਿਆਂ ਵਲੋਂ ਨਵਾਂ ਸੈਸ਼ਨ ਸ਼ੁਰੂ ਹੁੰਦੇ ਆਪਣੇ ਬੱਚਿਆਂ ਦੀਆਂ ਵਰਦੀਆਂ, ਕਿਤਾਬਾਂ ਅਤੇ ਸਟੇਸ਼ਨਰੀ ਸਕੂਲਾਂ ਵਲੋਂ ਦੱਸੀਆਂ ਗਈਆਂ ਦੁਕਾਨਾਂ ਤੋਂ ਖਰੀਦ ਲਈਆਂ ਸੀ। ਮਾਪਿਆਂ ਵਲੋਂ ਜਦੋਂ ਇਸ ਸੰਬੰਧ ਵਿਚ ਲਗਾਤਾਰ ਰੌਲਾ ਪਾਇਆ ਗਿਆ ਤਾਂ ਕੁੰਭਕਰਨੀ ਨੀਂਦ ਤੋਂ ਜਾਗ ਕੇ ਸਰਕਾਰ ਹਰਕਤ ਵਿਚ ਆਈ। ਪਹਿਲਾਂ ਤਾਂ ਮੁੱਖ ਮੰਤਰੀ ਭਗਵਾਨ ਸਿੰਘ ਮਾਨ ਵਲੋਂ ਪ੍ਰਾਈਵੇਟ ਸਕੂਲਾਂ ਦੀਆਂ ਮਨਮਾਨੀਆਂ ’ਤੇ ਰੋਕ ਲਾਉਣ ਦਾ ਸਿਰਫ਼ ਜ਼ੁਬਾਨੀ ਬਿਆਨ ਜਾਰੀ ਕੀਤਾ ਗਿਆ, ਜਦਕਿ ਸਿੱਖਿਆ ਵਿਭਾਗ ਨੂੰ ਇਸ ਸਬੰਧ ਵਿਚ ਕੋਈ ਲਿਖਤੀ ਨਿਰਦੇਸ਼ ਨਹੀਂ ਦਿੱਤੇ। ਮੁੱਖ ਮੰਤਰੀ ਵਲੋਂ ਕਾਫ਼ੀ ਸਮਾਂ ਬੀਤਣ ਤੋਂ ਬਾਅਦ ਸਿੱਖਿਆ ਵਿਭਾਗ ਨੂੰ ਕਾਰਵਾਈ ਲਈ ਕਿਹਾ ਗਿਆ ਪਰ ਜਦੋਂ ਤੱਕ ਕਾਰਵਾਈ ਹੁੰਦੀ ਉਦੋਂ ਤੱਕ ਕਾਫ਼ੀ ਦੇਰ ਹੋ ਗਈ ਸੀ।

ਜ਼ਿਆਦਾਤਰ ਮਾਪਿਆਂ ਨੇ ਸਕੂਲਾਂ ਵਲੋਂ ਦੱਸੀਆਂ ਦੁਕਾਨਾਂ ਤੋਂ ਵਰਦੀਆਂ, ਸਟੇਸ਼ਨਰੀ ਅਤੇ ਹੋਰ ਸਮੱਗਰੀ ਖਰੀਦ ਲਈ ਸੀ। ਹੁਣ ਅੰਮ੍ਰਿਤਸਰ ਜ਼ਿਲ੍ਹੇ ਦੇ ਸੀ. ਬੀ. ਐੱਸ. ਈ. ਆਈ. ਸੀ. ਐੱਸ. ਈ. ਅਤੇ ਹੋਰ ਬੋਰਡ ਨਾਲ ਸਬੰਧਤ ਸਕੂਲਾਂ ਵਿਚ ਵਿਭਾਗ ਦੀ ਟੀਮ ਵਲੋਂ ਲਗਾਤਾਰ ਚੈਕਿੰਗ ਅਤੇ ਛਾਪੇਮਾਰੀ ਕੀਤੀਆਂ ਜਾ ਰਹੀਆ ਹਨ, ਜਿਸ ਨੂੰ ਲੈ ਕੇ ਜ਼ਿਆਦਾਤਰ ਸਕੂਲਾਂ ਵਿਚ ਹੜਕੰਪ ਮੱਚ ਗਿਆ ਹੈ। ਦੂਜੇ ਪਾਸੇ ਪੁਤਲੀਘਰ ਸਥਿਤ ਦੋ ਨਿੱਜੀ ਸਕੂਲਾਂ ਖ਼ਿਲਾਫ਼ ਕੀਤੇ ਗਏ ਅੰਦੋਲਨ ਤੋਂ ਬਾਅਦ ਹਰਕਤ ਵਿਚ ਆਈ ਸੂਬਾ ਸਰਕਾਰ ਨੇ ਕਿਤਾਬਾਂ, ਵਰਦੀਆਂ ਦੀ ਵਿਕਰੀ ਸਕੂਲ ਕੰਪਲੈਕਸ ਵਿਚ ਕਰਨ ’ਤੇ ਪਾਬੰਦੀ ਲਾ ਦਿੱਤੀ ਹੈ। ਅਜਿਹਾ ਕਰਨ ਵਾਲੇ ਸਕੂਲਾਂ ਖ਼ਿਲਾਫ਼ ਕਾਰਵਾਈ ਕਰਨ ਲਈ ਜ਼ਿਲ੍ਹਾ ਸਿੱਖਿਆ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਗਏ ਹਨ।

ਸਰਕਾਰ ਦੀਆਂ ਹਦਾਇਤਾਂ ਮਿਲਣ ਤੋਂ ਬਾਅਦ ਡੀ. ਈ. ਓ. ਸੈਕੰਡਰੀ ਜੁਗਰਾਜ ਸਿੰਘ ਰੰਧਾਵਾ ਅਤੇ ਡੀ. ਈ. ਓ. ਐਲੀਮੈਂਟਰੀ ਰਾਜੇਸ਼ ਕੁਮਾਰ ਨੇ ਤਿੰਨ ਮੈਂਬਰੀ 15 ਜਾਂਚ ਟੀਮਾਂ ਦਾ ਗਠਨ ਕਰ ਕੇ ਉਨ੍ਹਾਂ ਦੇ ਮੋਬਾਇਲ ਨੰਬਰ ਮਾਪਿਆਂ ਅਤੇ ਆਮ ਲੋਕਾਂ ਲਈ ਜਾਰੀ ਕਰ ਦਿੱਤੇ ਹਨ, ਨਾਲ ਹੀ ਕਿਹਾ ਕਿ ਕਿਸੇ ਵੀ ਸਕੂਲ ਸਬੰਧੀ ਕਿਸੇ ਤਰ੍ਹਾਂ ਦੀ ਸਮੱਸਿਆ ਹੋਣ ’ਤੇ ਉਹ ਇਨ੍ਹਾਂ ਨੰਬਰਾਂ ’ਤੇ ਸੰਪਰਕ ਕਰ ਕੇ ਆਪਣੀ ਸ਼ਿਕਾਇਤ ਦਰਜ ਕਰਵਾ ਸਕਦੇ ਹਨ। ਸਬੰਧਤ ਸਕੂਲ ’ਤੇ ਕਾਰਵਾਈ ਜ਼ਰੂਰ ਕੀਤੀ ਜਾਵੇਗੀ।

ਵਿਭਾਗ ਨੇ ਨੋਡਲ ਅਫ਼ਸਰਾਂ ਦੇ ਜਾਰੀ ਕੀਤੇ ਮੋਬਾਇਲ ਨੰਬਰ

–ਅਜਨਾਲਾ-1 ਵਿਚ ਬਲਾਕ ਨੋਡਲ ਅਫ਼ਸਰ ਪ੍ਰਿੰਸੀਪਲ ਸੁਖਦੇਵ ਸਿੰਘ 987707805, ਸੀ. ਐੱਚ. ਟੀ. ਮੋਨਿਕਾ ਰਾਣਾ ਅਤੇ ਪ੍ਰਿੰਸੀਪਲ ਇੰਦਰਜੀਤ ਸਿੰਘ ਅਜਨਾਲਾ।
-ਪ੍ਰਿੰਸੀਪਲ ਰੁਪਿੰਦਰ ਰੰਧਾਵਾ ਨੂੰ ਅਜਨਾਲਾ-2, 8283832330, ਸੀ. ਐੱਚ. ਟੀ. ਸਵਰਨਜੀਤ ਕੌਰ, ਪ੍ਰਿੰਸੀਪਲ ਸੁਖਦੇਵ ਕੁਮਾਰ।
-ਪ੍ਰਿੰਸੀਪਲ ਮਨਮੀਤ ਕੌਰ 9855545201, ਗੁਰਦੇਵ ਸਿੰਘ ਬੀ. ਈ. ਓ., ਪ੍ਰਿੰਸੀਪਲ ਮੋਨਿਕਾ ਮਾਨੀ ਅੰਮ੍ਰਿਤਸਰ ਜੰਗਲਾਤ ਵਿੱਚ।
–ਅੰਮ੍ਰਿਤਸਰ ਤੋਂ ਪ੍ਰਿੰਸੀਪਲ ਗੁਰਿੰਦਰ ਕੌਰ ਨੂੰ 9814302281, ਸੋਹਣ ਸਿੰਘ ਸੀ. ਐੱਚ. ਟੀ. ਅਤੇ ਆਸ਼ੂ ਸਰੀਨ।
-ਅੰਮ੍ਰਿਤਸਰ-3 ਪ੍ਰਿੰਸੀਪਲ ਸਤੀਸ਼ ਕੁਮਾਰ 6501015045, ਅਰੁਣਾ ਕੁਮਾਰੀ ਬੀ. ਈ. ਓ. ਅਤੇ ਪ੍ਰਿੰਸੀਪਲ ਵਿਕਾਸ ਕੁਮਾਰ।
-ਅੰਮ੍ਰਿਤਸਰ-4 ਹੈੱਡ ਮਾਸਟਰ ਵਿਨੋਦ ਕਾਲੀਆ 9814385754, ਰਵਿੰਦਰਜੀਤ ਕੌਰ ਬੀ. ਈ. ਓ., ਪ੍ਰਿੰਸੀਪਲ ਅਮਰਪਾਲੀ।
-ਚੋਗਾਵਾਂ-1 ਵਿਚ ਪਰਮਜੀਤ ਕੌਰ 9815531235, ਦਲਜੀਤ ਸਿੰਘ ਬੀ. ਈ. ਓ. ਅਤੇ ਪਰਮਿੰਦਰਜੀਤ ਕੌਰ।
-ਚੋਗਾਵਾਂ ਤੋਂ ਹਰਵਿੰਦਰ ਸਿੰਘ ਜਸਤਰਵਾਲ 9569912414, ਸੀ. ਐੱਚ. ਟੀ. ਯਾਦਮਨਿੰਦਰ ਸਿੰਘ ਅਤੇ ਪ੍ਰਿੰਸੀਪਲ ਅਰਚਨਾ ਬੋਸ।
-ਜੰਡਿਆਲਾ ਗੁਰੂ ਹੈੱਡ ਮਾਸਟਰ ਮਨਜਿੰਦਰ ਸਿੰਘ ਔਲਖ 9872307800, ਜਗਦੀਪ ਸਿੰਘ ਸੀ. ਐੱਚ. ਟੀ., ਪ੍ਰਿੰਸੀਪਲ ਖੁਸ ਰੁਪਿੰਦਰ ਕੌਰ।
-ਪ੍ਰਿੰਸੀਪਲ ਅਨੂ ਬੇਦੀ 95010221766 ਮਜੀਠਾ ਜੰਗਲਾਤ, ਮੀਨਾ ਰਾਣੀ ਸੀ. ਐੱਚ. ਟੀ., ਐਕਸ. ਮੋਨਾ ਕੌਰ।
-ਮਜੀਠਾ-2 ਵਿਚ ਐਕਸਪ੍ਰੈਸ. ਇੰਦੂ ਬਾਲਾ, ਅਰਜੁਨ ਸਿੰਘ ਬੀ. ਈ. ਓ. ਅਤੇ ਪ੍ਰਿੰਸੀਪਲ ਦਲਜਿੰਦਰ ਕੌਰ।
-ਰਈਆ-1 ਵਿਚ ਪ੍ਰਿੰਸੀਪਲ ਨਵਦੀਪ ਕੌਰ 9779102235, ਹਰਜਿੰਦਰ ਪਾਲ ਸਿੰਘ ਸੀ. ਐੱਚ. ਟੀ. ਈ. ਅਤੇ ਪ੍ਰਿੰਸੀਪਲ ਨਵਤੇਜ ਕੌਰ।
-ਰਈਆ-2 ਵਿਚ ਪ੍ਰਿੰਸੀਪਲ ਰਾਜੀਵ ਕੱਕੜ 9872869992, ਦਿਲਬਾਗ ਸਿੰਘ ਬੀ.ਈ.ਓ. ਅਤੇ ਪ੍ਰਿੰਸੀਪਲ ਪਰਵਿੰਦਰ ਸਿੰਘ।
-ਤਰਸਿੱਕਾ ਵਿਚ ਐਕਸ.ਪੀ.ਆਰ. ਰਜਨੀਸ 8557958600, ਜਸਵਿੰਦਰ ਸਿੰਘ ਸੀ. ਐੱਚ.ਟੀ. 9814080101 ਅਤੇ ਐਕਸਪ. ਜਸਪ੍ਰੀਤ ਸਿੰਘ
-ਵੇਰਕਾ ਵਿੱਚ ਐਕਸ.ਪੀ.ਆਰ. ਸੁਨੀਲ ਗੁਪਤਾ 9815281981, ਬੀ.ਈ.ਓ. ਯਸਪਾਲ, ਐੱਕਸ. ਪ੍ਰਦੀਪ ਆਨੰਦ