''ਜਗ ਬਾਣੀ'' ਦਫਤਰ ''ਚ ਫ੍ਰੀ ਮੈਡੀਕਲ ਕੈਂਪ ਅੱਜ

ਜਲੰਧਰ (ਵਰਿੰਦਰ)— 'ਜਗ ਬਾਣੀ'  ਦੇ ਸਹਿਯੋਗ ਨਾਲ ਲਾਲ ਕੇਸਰੀ ਸੇਵਾ ਸੰਮਤੀ, ਕੇਸਰੀ ਸਾਹਿਤ ਸੰਗਮ ਅਤੇ ਪਿਮਸ ਹਸਪਤਾਲ ਵੱਲੋਂ ਫ੍ਰੀ ਮੈਡੀਕਲ ਕੈਂਪ ਦਾ ਆਯੋਜਨ 1 ਫਰਵਰੀ ਨੂੰ 'ਜਗ ਬਾਣੀ' ਦੇ ਮੀਟਿੰਗ ਹਾਲ 'ਚ ਕੀਤਾ ਜਾ ਰਿਹਾ ਹੈ। ਸੰਮਤੀ ਦੇ ਚੇਅਰਮੈਨ ਜੈ ਦੇਵ ਮਲਹੋਤਰਾ, ਹਰਬੰਸ ਸਿੰਘ ਅਕਸ ਅਤੇ ਪ੍ਰਧਾਨ ਵਰਿੰਦਰ ਸ਼ਰਮਾ ਅਨੁਸਾਰ ਇਸ ਤਰ੍ਹਾਂ ਦੇ ਮੈਡੀਕਲ ਕੈਂਪ ਦਾ ਆਯੋਜਨ ਹਰ ਸਾਲ ਸੰਮਤੀ ਵੱਲੋਂ ਜਗ ਬਾਣੀ ਦੇ ਸਹਿਯੋਗ ਨਾਲ ਕੀਤਾ ਜਾਂਦਾ ਹੈ ਅਤੇ ਸਾਰੇ ਜ਼ਰੂਰਤਮੰਦਾਂ ਨੂੰ ਮੁਫਤ ਦਵਾਈਆਂ ਦਿੱਤੀਆਂ ਜਾਂਦੀਆਂ ਹਨ। 
ਸੰਮਤੀ ਦੇ ਸੀਨੀਅਰ ਉਪ ਪ੍ਰਧਾਨ ਜੋਗਿੰਦਰ ਕ੍ਰਿਸ਼ਨ ਸ਼ਰਮਾ ਅਤੇ ਜਨਰਲ ਸਕੱਤਰ ਸੁਨੀਲ ਕਪੂਰ ਅਨੁਸਾਰ ਮੈਡੀਕਲ ਕੈਂਪ ਸਵੇਰੇ 12 ਵਜੇ ਤੋਂ 3 ਵਜੇ ਤੱਕ ਚਲੇਗਾ। ਕੈਂਪ ਦੀਆਂ ਸਾਰੀਆਂ ਤਿਆਰੀਆਂ ਪੂਰੀਆਂ ਕਰ ਲਈਆਂ ਗਈਆਂ ਹਨ। ਕੈਂਪ 'ਚ ਹਾਰਟ, ਛਾਤੀ ਅਤੇ ਅੱਖਾਂ ਦੇ ਰੋਗਾਂ ਦਾ ਚੈੱਕਅਪ ਫ੍ਰੀ ਕੀਤਾ ਜਾਵੇਗਾ ਅਤੇ ਹੱਡੀਆਂ ਦਾ ਬੋਨ ਡੈਨਸਿਟੀ ਟੈਸਟ ਵੀ ਫ੍ਰੀ ਕੀਤਾ ਜਾਵੇਗਾ। ਈ. ਸੀ. ਜੀ. ਤੋਂ ਇਲਾਵਾ ਬਲੱਡ ਸ਼ੂਗਰ ਆਦਿ ਦੇ ਵੀ ਟੈਸਟ ਕੀਤੇ ਜਾਣਗੇ।