ਠੱਗਾਂ ਨੇ ਲਾਇਆ ਅਜਿਹਾ ਜੁਗਾੜ, ਕਿ ਮਿੰਟਾਂ ''ਚ ਖਾਤਾ ਹੋ ਗਿਆ ਖ਼ਾਲੀ, ਤੁਸੀਂ ਵੀ ਹੋ ਜਾਓ ਸਾਵਧਾਨ
Saturday, Jul 27, 2024 - 04:59 AM (IST)
![](https://static.jagbani.com/multimedia/2024_7image_04_59_317625698scam.jpg)
ਜਲੰਧਰ – ਬੈਂਕ ਐਨਕਲੇਵ ਨਿਵਾਸੀ ਇਕ ਵਿਅਕਤੀ ਨੂੰ ਫੋਨ ਕਰ ਕੇ ਉਸਦੇ ਕ੍ਰੈਡਿਟ ਕਾਰਡ ਦੀ ਲਿਮਿਟ ਵਧਾਉਣ ਦਾ ਝਾਂਸਾ ਦੇ ਕੇ ਲਿੰਕ ਖੁਲ੍ਹਵਾ ਕੇ ਨੌਸਰਬਾਜ਼ ਵੱਲੋਂ ਕਾਰਡ ਨਾਲ 35000 ਰੁਪਏ ਕਢਵਾ ਲਏ ਗਏ। ਇਸਦੀ ਸ਼ਿਕਾਇਤ ਪੀੜਤ ਨੇ ਪੁਲਸ ਨੂੰ ਦਿੱਤੀ, ਜਿਸਦੀ ਜਾਂਚ ਤੋਂ ਬਾਅਦ ਥਾਣਾ ਨੰਬਰ 7 ਵਿਚ ਅਣਪਛਾਤੇ ਨੌਸਰਬਾਜ਼ ਖਿਲਾਫ ਕੇਸ ਦਰਜ ਕਰ ਲਿਆ।
ਇਹ ਵੀ ਪੜ੍ਹੋ- ਐਪਲ ਦਾ ਵੱਡਾ ਐਲਾਨ, iPhone13 ਤੋਂ iPhone15 ਸੀਰੀਜ਼ ਹੋਏ ਸਸਤੇ, ਜਾਣੋ ਕਿੰਨੀਆਂ ਘਟੀਆਂ ਕੀਮਤਾਂ
ਪੁਲਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਸਾਹਿਜਾ ਰਾਮ ਨਿਵਾਸੀ ਬੈਂਕ ਐਨਕਲੇਵ ਨੇ ਦੱਸਿਆ ਕਿ ਉਸਨੂੰ ਕੁਝ ਦਿਨ ਪਹਿਲਾਂ ਇਕ ਫੋਨ ਆਇਆ ਸੀ ਕਿ ਉਸਦੇ ਕ੍ਰੈਡਿਟ ਕਾਰਡ ਦੀ ਲਿਮਿਟ ਬੈਂਕ ਵੱਲੋਂ ਵਧਾਈ ਗਈ ਹੈ। ਫੋਨ ਕਰਨ ਵਾਲਾ ਖੁਦ ਨੂੰ ਬੈਂਕ ਕਰਮਚਾਰੀ ਦੱਸ ਰਿਹਾ ਸੀ, ਜਿਸ ਨੇ ਕਿਹਾ ਕਿ ਉਹ ਉਸਨੂੰ ਵ੍ਹਟਸਐਪ ’ਤੇ ਲਿੰਕ ਭੇਜੇਗਾ ਤਾਂ ਤੁਸੀਂ ਉਸ ’ਤੇ ਕਲਿੱਕ ਕਰਨਾ ਹੈ, ਜਿਸ ਦੇ ਬਾਅਦ ਲਿਮਿਟ ਖੁਦ ਹੀ ਵਧ ਜਾਵੇਗੀ।
ਇਹ ਵੀ ਪੜ੍ਹੋ- BSNL ਵੱਲੋਂ ਆਪਣੇ ਗਾਹਕਾਂ ਨੂੰ 3ਜੀ ਸਿਮ ਨੂੰ 4ਜੀ ਵਜੋਂ ਅਪਗਰੇਡ ਕਰਵਾਉਣ ਦੀ ਅਪੀਲ
ਸਾਹਿਜਾ ਰਾਮ ਨੇ ਕਿਹਾ ਕਿ ਜਿਉਂ ਹੀ ਉਸਨੇ ਲਿੰਕ ’ਤੇ ਕਲਿੱਕ ਕੀਤਾ ਤਾਂ ਉਸਦੇ ਅਕਾਊਂਟ ਵਿਚੋਂ 35000 ਰੁਪਏ ਨਿਕਲ ਗਏ। ਉਸਨੇ ਆਪਣਾ ਕਾਰਡ ਤੁਰੰਤ ਲਾਕ ਕਰਵਾਇਆ ਅਤੇ ਪੁਲਸ ਨੂੰ ਸੂਚਨਾ ਦਿੱਤੀ। ਸਾਈਬਰ ਸੈੱਲ ਦੀ ਟੀਮ ਨੇ ਇਸ ਮਾਮਲੇ ਦੀ ਜਾਂਚ ਤੋਂ ਬਾਅਦ ਅਣਪਛਾਤੇ ਵਿਅਕਤੀ ’ਤੇ ਕੇਸ ਦਰਜ ਕਰ ਲਿਆ ਹੈ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e