ਚਾਰ ਆਈ.ਏ.ਐੱਸ. ਅਧਿਕਾਰੀ ਬਣੇ ਪ੍ਰਮੁੱਖ ਸਕੱਤਰ

ਚੰਡੀਗੜ੍ਹ੍ਹ (ਭੁੱਲਰ)_ ਪੰਜਾਬ ਸਰਕਾਰ ਵੱਲੋਂ 1993 ਬੈਚ ਦੇ ਚਾਰ ਆਈ.ਏ.ਐੱਸ ਅਧਿਕਾਰੀਆਂ ਨੂੰ ਤਰੱਕੀ ਦਿੱਤੀ ਗਈ ਹੈ। ਰਾਜ ਦੇ ਮੁੱਖ ਸਕੱਤਰ ਕਰਨ ਅਵਤਾਰ ਸਿੰਘ ਵੱਲੋਂ ਜਾਰੀ ਹੁਕਮਾਂ ਅਨੁਸਾਰ ਇਨ੍ਹਾਂ ਅਧਿਕਾਰੀਆਂ ਨੂੰ ਪ੍ਰਮੁੱਖ ਸਕੱਤਰ-ਕਮ ਵਿੱਤ ਕਮਿਸ਼ਨਰ ਦੇ ਰੈਂਕ ਵਿਚ ਤਰੱਕੀ ਦਿੱਤੀ ਗਈ ਹੈ। ਜਾਰੀ ਹੁਕਮਾਂ ਅਨੁਸਾਰ ਜਿਹੜੇ ਆਈ.ਏ.ਐੱਸ. ਅਧਿਕਾਰੀਆਂ ਨੂੰ ਤਰੱਕੀ ਮਿਲੀ ਹੈ ਉਨ੍ਹਾਂ ਵਿਚ ਅਨੁਰਾਗ ਵਰਮਾ, ਰਾਕੇਸ਼ ਕੁਮਾਰ ਵਰਮਾਮ ਕੇ.ਸ਼ਿਵਾ ਪ੍ਰਸਾਦ ਅਤੇ ਰਮੇਸ਼ ਕੁਮਾਰ ਗੰਟਾ ਸ਼ਾਮਿਲ ਹਨ। ਇਨ੍ਹਾਂ ਵਿਚੋਂ ਕੇ.ਸ਼ਿਵਾ ਪ੍ਰਸਾਦ ਇਸ ਸਮੇਂ ਛੁੱਟੀ 'ਤੇ ਵਿਦੇਸ਼ ਗਏ ਹੋਏ ਅਤੇ ਗੰਟਾ ਕੇਂਦਰ 'ਚ ਡੈਪੂਟੇਸ਼ਨ 'ਤੇ ਨਿਯੁਕਤ ਹਨ। ਜਾਰੀ ਹੁਕਮਾਂ 'ਚ ਸਪੱਸ਼ਟ ਕੀਤਾ ਗਿਆ ਹੈ ਕਿ ਇਨ੍ਹਾਂ ਨੂੰ ਦਿੱਤੀ ਤਰੱਕੀ ਦੇ ਲਾਭ ਆਪਣੇ ਰਾਜ ਵਿਚ ਡਿਊਟੀ ਜੁਆਇੰਨ ਕਰਨ 'ਤੇ ਮਿਲਣਗੇ।