ਪੰਜਾਬ ''ਚ ਪਵੇਗਾ ''ਸੋਕਾ'' ! ਗਰਮੀ ਕੱਢੇਗੀ ਵੱਟ, ਬੇਅਸਰ ਰਹੇਗਾ ਮਾਨਸੂਨ, ਜਾਣੋ ਕੀ ਹੈ ਮੌਸਮ ਵਿਭਾਗ ਦੀ ਭਵਿੱਖਬਾਣੀ

ਨੈਸ਼ਨਲ ਡੈਸਕ : ਭਾਰਤੀ ਮੌਸਮ ਵਿਗਿਆਨ ਵਿਭਾਗ ਨੇ ਇਸ ਸਾਲ ਦੇ ਮਾਨਸੂਨ ਨੂੰ ਲੈ ਕੇ ਪਹਿਲੀ ਭਵਿੱਖਬਾਣੀ ਜਾਰੀ ਕਰ ਦਿੱਤੀ ਹੈ, ਜੋ ਕਾਫ਼ੀ ਚਿੰਤਾਜਨਕ ਹੈ। ਰਿਪੋਰਟ ਅਨੁਸਾਰ ਇਸ ਸਾਲ ਮਾਨਸੂਨ ਦੌਰਾਨ (ਜੂਨ ਤੋਂ ਸਤੰਬਰ) ਦੇਸ਼ ਭਰ ਵਿੱਚ ਸਿਰਫ਼ 92 ਫੀਸਦੀ ਬਾਰਿਸ਼ ਹੋਣ ਦੀ ਸੰਭਾਵਨਾ ਹੈ, ਜੋ ਕਿ ਆਮ ਨਾਲੋਂ ਘੱਟ ਹੈ। ਇਸ ਦਾ ਸਿੱਧਾ ਮਤਲਬ ਹੈ ਕਿ ਇਸ ਵਾਰ ਗਰਮੀ ਜ਼ਿਆਦਾ ਤਪਾਏਗੀ ਪਰ ਬੱਦਲ ਘੱਟ ਬਰਸਣਗੇ।

ਪੰਜਾਬ ਤੇ ਉੱਤਰ ਭਾਰਤ 'ਤੇ ਵੱਡਾ ਅਸਰ
ਮੌਸਮ ਵਿਭਾਗ ਅਨੁਸਾਰ ਉੱਤਰ ਭਾਰਤ ਦੇ ਸੂਬੇ ਖਾਸ ਕਰ ਕੇ ਪੰਜਾਬ, ਹਰਿਆਣਾ, ਰਾਜਸਥਾਨ ਤੇ ਯੂਪੀ ਵਿੱਚ ਆਮ ਨਾਲੋਂ 10-20 ਫੀਸਦੀ ਘੱਟ ਬਾਰਿਸ਼ ਹੋ ਸਕਦੀ ਹੈ। ਪੱਛਮੀ ਰਾਜਸਥਾਨ ਅਤੇ ਪੱਛਮੀ ਯੂਪੀ ਵਿੱਚ ਤਾਂ ਸੋਕੇ ਵਰਗੇ ਹਾਲਾਤ ਬਣਨ ਦੀ ਵੀ ਆਸ਼ੰਕਾ ਜਤਾਈ ਗਈ ਹੈ। ਦਿੱਲੀ ਵਿੱਚ ਵੀ ਆਮ ਨਾਲੋਂ ਘੱਟ ਮੀਂਹ ਪੈਣ ਦੀ ਉਮੀਦ ਹੈ।

ਕਿਉਂ ਘੱਟ ਰਹੀ ਹੈ ਬਾਰਿਸ਼?
ਮੌਸਮ ਵਿਭਾਗ ਦੇ ਡਾਇਰੈਕਟਰ ਜਨਰਲ ਡਾ. ਐਮ. ਮੋਹਪਾਤਰਾ ਅਨੁਸਾਰ ਜੂਨ ਦੇ ਆਸ-ਪਾਸ 'ਅਲ-ਨੀਨੋ' (El Nino) ਦੀ ਸਥਿਤੀ ਬਣ ਸਕਦੀ ਹੈ, ਜਿਸ ਕਾਰਨ ਹਵਾਵਾਂ ਗਰਮ ਰਹਿਣਗੀਆਂ ਅਤੇ ਬਾਰਿਸ਼ ਘੱਟ ਹੋਵੇਗੀ। ਹਾਲਾਂਕਿ, ਉਮੀਦ ਦੀ ਇੱਕ ਕਿਰਨ ਇਹ ਹੈ ਕਿ ਮਾਨਸੂਨ ਦੇ ਦੂਜੇ ਹਿੱਸੇ ਵਿੱਚ 'ਇੰਡੀਅਨ ਓਸ਼ਨ ਡਾਈਪੋਲ' (IOD) ਦੀ ਸਕਾਰਾਤਮਕ ਸਥਿਤੀ ਬਣ ਸਕਦੀ ਹੈ, ਜਿਸ ਨਾਲ ਬਾਰਿਸ਼ ਵਿੱਚ ਕੁਝ ਸੁਧਾਰ ਹੋ ਸਕਦਾ ਹੈ।

ਖੇਤੀਬਾੜੀ 'ਤੇ ਪਵੇਗੀ ਮਾਰ 
ਬਾਰਿਸ਼ ਘੱਟ ਹੋਣ ਕਾਰਨ ਖੇਤੀਬਾੜੀ ਉਤਪਾਦਨ 'ਤੇ ਵੀ ਮਾੜਾ ਅਸਰ ਪੈ ਸਕਦਾ ਹੈ। ਝੋਨਾ (Paddy), ਸੋਇਆਬੀਨ ਅਤੇ ਮੱਕੀ ਵਰਗੀਆਂ ਫਸਲਾਂ 'ਤੇ ਦਬਾਅ ਵਧੇਗਾ। ਇਸ ਦੇ ਨਾਲ ਹੀ ਗਰਮੀ ਅਤੇ ਲੂ (Heatwave) ਦੇ ਦਿਨ ਵੀ ਜ਼ਿਆਦਾ ਹੋਣਗੇ।

ਪਿਛਲੇ 16 ਸਾਲਾਂ ਦਾ ਰਿਕਾਰਡ
ਸਰੋਤਾਂ ਅਨੁਸਾਰ 1951 ਤੋਂ 2025 ਤੱਕ ਦੇ 16 ਸਾਲਾਂ ਵਿੱਚ ਜਦੋਂ ਵੀ ਅਲ-ਨੀਨੋ ਦੀ ਸਥਿਤੀ ਬਣੀ ਹੈ, ਉਨ੍ਹਾਂ ਵਿੱਚੋਂ 8 ਵਾਰ ਦੇਸ਼ ਨੂੰ ਘੱਟ ਬਾਰਿਸ਼ ਜਾਂ ਸੁੱਕੇ ਦਾ ਸਾਹਮਣਾ ਕਰਨਾ ਪਿਆ ਹੈ। ਮੌਸਮ ਵਿਭਾਗ ਹੁਣ ਮਈ ਦੇ ਅੰਤ ਵਿੱਚ ਮਾਨਸੂਨ ਨੂੰ ਲੈ ਕੇ ਅਪਡੇਟ ਕੀਤੀ ਭਵਿੱਖਬਾਣੀ ਜਾਰੀ ਕਰੇਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e