ਪੰਜਾਬ ''ਚ ਡਰਾਈਵਿੰਗ ਲਾਇਸੈਂਸ ਧਾਰਕਾਂ ਲਈ ਜ਼ਰੂਰੀ ਖ਼ਬਰ, ਖੜ੍ਹੀ ਹੋਈ ਮੁਸੀਬਤ

ਲੁਧਿਆਣਾ (ਰਾਮ) : ਸਰਕਾਰ ਵਲੋਂ ਲਾਇਸੈਂਸ ਪ੍ਰਕਿਰਿਆ ਨੂੰ ਪਾਰਦਰਸ਼ੀ ਅਤੇ ਆਧੁਨਿਕ ਬਣਾਉਣ ਲਈ ਬਣਾਏ ਗਏ ਸਰਕਾਰੀ ਡਰਾਈਵਿੰਗ ਟੈਸਟ ਟਰੈਕ ਅਵਿਵਸਥਾ ਦਾ ਕੇਂਦਰ ਬਣ ਗਿਆ ਹੈ। ਲੁਧਿਆਣਾ ਦੇ ਇਸ ਟਰੈਕ ’ਤੇ ਕਈ ਵਾਰ ਕੈਮਰੇ ਖਰਾਬ ਹੋ ਹਨ, ਕਈ ਵਾਰ ਸਰਵਰ ਡਾਊਨ ਹੁੰਦਾ ਹੈ। ਕਈ ਵਾਰ, ਸਟਾਫ ਦੀ ਅਣ-ਉਪਲੱਬਧਤਾ ਵੀ ਦਿਖਾਈ ਦਿੰਦੀ ਹੈ। ਆਮ ਬਿਨੈਕਾਰ, ਜੋ ਦੂਰ-ਦੁਰਾਡੇ ਥਾਵਾਂ ਤੋਂ ਛੁੱਟੀ ਲੈ ਕੇ ਇਥੇ ਆਉਂਦੇ ਹਨ, ਇਨ੍ਹਾਂ ਤਕਨੀਕੀ ਅਤੇ ਪ੍ਰਸ਼ਾਸਕੀ ਖਾਮੀਆਂ ਦਾ ਖਮਿਆਜ਼ਾ ਭੁਗਤ ਰਹੇ ਹਨ।

ਇਹ ਵੀ ਪੜ੍ਹੋ : ਪੰਜਾਬ ਲਈ ਰਾਹਤ ਭਰੀ ਖ਼ਬਰ, ਕੇਂਦਰ ਸਰਕਾਰ ਨੇ ਲਿਆ ਇਹ ਵੱਡਾ ਫ਼ੈਸਲਾ

ਬਿਨੈਕਾਰਾਂ ਵਾਰ-ਵਾਰ ਵਾਪਸ ਜਾਣ ਲਈ ਮਜਬੂਰ

ਬਹੁਤ ਸਾਰੇ ਬਿਨੈਕਾਰਾਂ ਨੂੰ ਇਕੋ ਟੈਸਟ ਲਈ 3 ਤੋਂ 4 ਵਾਰ ਅਪੁਆਇੰਟਮੈਂਟ ਲੈਣੀ ਪੈਂਦੀ ਹੈ। ਇਨ੍ਹਾਂ ’ਚੋਂ ਕੁਝ ਲੋਕ ਅਹਿਮਦਗੜ੍ਹ, ਜਗਰਾਓਂ, ਸ਼ਿਮਲਾਪੁਰੀ, ਚੀਮਾ ਚੌਕ ਵਰਗੇ ਖੇਤਰਾਂ ਦੇ ਹਨ, ਜੋ ਜਾਂ ਤਾਂ ਆਪਣੇ ਕਾਰੋਬਾਰੀ ਅਦਾਰਿਆਂ ਤੋਂ ਛੁੱਟੀ ਲੈਂਦੇ ਹਨ ਜਾਂ ਆਪਣੀ ਰੋਜ਼ਾਨਾ ਦੀ ਮਜ਼ਦੂਰੀ ਛੱਡ ਆਉਂਦੇ ਹਨ। ਜਦੋਂ ਉਨ੍ਹਾਂ ਨੂੰ ਦੱਸਿਆ ਜਾਂਦਾ ਹੈ ਕਿ ਕੈਮਰਾ ਕੰਮ ਨਹੀਂ ਕਰ ਰਿਹਾਜਾਂ ਸਰਵਰ ਡਾਊਨ ਹੈ ਤਾਂ ਉਨ੍ਹਾਂ ਦੀਆਂ ਉਮੀਦਾਂ ਟੁੱਟ ਜਾਂਦੀਆਂ ਹਨ ਅਤੇ ਉਨ੍ਹਾਂ ਦੀ ਦਿਨ ਦੀ ਕਮਾਈ ਬਰਬਾਦ ਹੋ ਜਾਂਦੀ ਹੈ। ਜਦੋਂ ਇਸ ਪੂਰੇ ਮਾਮਲੇ ਬਾਰੇ ਸਹਾਇਕ ਖੇਤਰੀ ਆਵਾਜਾਈ ਅਧਿਕਾਰੀ (ਏ. ਟੀ. ਓ.) ਦੀਪਕ ਕੁਮਾਰ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਨੇ ਸਮੱਸਿਆ ਦੀ ਪੁਸ਼ਟੀ ਕੀਤੀ ਅਤੇ ਕਿਹਾ ਕਿ ਨੈੱਟਵਰਕ ’ਚ ਇਕ ਸਮੱਸਿਆ ਹੈ। ਅਸੀਂ ਤਕਨੀਕੀ ਕੰਪਨੀ ਨੂੰ ਜਲਦੀ ਹੀ ਇਸ ਸਮੱਸਿਆ ਨੂੰ ਹੱਲ ਕਰਨ ਲਈ ਕਿਹਾ ਹੈ ਪਰ ਜਦੋਂ ਸਬੰਧਤ ਕੰਪਨੀ ਦੇ ਤਕਨੀਕੀ ਅਧਿਕਾਰੀ ਨਾਲ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਨੇ ਏ. ਟੀ. ਓ. ਦੇ ਬਿਆਨ ਨੂੰ ਪੂਰੀ ਤਰ੍ਹਾਂ ਰੱਦ ਕਰ ਦਿੱਤਾ ਅਤੇ ਕਿਹਾ ਕਿ ਇੰਟਰਨੈੱਟ ’ਚ ਕੋਈ ਸਮੱਸਿਆ ਨਹੀਂ ਹੈ। ਅਸਲ ਸਮੱਸਿਆ ਡਰਾਈਵਿੰਗ ਟਰੈਕ ’ਤੇ ਲਗਾਏ ਗਏ ਕੈਮਰਿਆਂ ਦੀ ਹੈ, ਜੋ ਕਿ ਖਰਾਬ ਹੋ ਗਏ ਹਨ। ਅਸੀਂ ਇਸ ਬਾਰੇ ਪ੍ਰਸ਼ਾਸਨ ਨੂੰ ਪਹਿਲਾਂ ਹੀ ਸੂਚਿਤ ਕਰ ਦਿੱਤਾ ਸੀ।

ਇਹ ਵੀ ਪੜ੍ਹੋ : ਸੂਬੇ 'ਚ ਵੱਡਾ ਕਦਮ ਚੁੱਕਣ ਜਾ ਰਿਹਾ ਟਰਾਂਸਪੋਰਟ ਵਿਭਾਗ, ਪੰਜਾਬ ਸਰਕਾਰ ਨੇ ਦਿੱਤੇ ਹੁਕਮ

ਪੀੜਤਾਂ ਦੀ ਜ਼ੁਬਾਨੀ

ਸ਼ਿਮਲਾਪੁਰੀ ਦੇ ਰਹਿਣ ਵਾਲੇ ਅਸ਼ੋਕ ਕੁਮਾਰ ਨੇ ਦੱਸਿਆ ਕਿ ਉਹ ਪਿਛਲੇ 2 ਹਫ਼ਤਿਆਂ ’ਚ 3 ਵਾਰ ਟਰੈਕ ’ਤੇ ਆਇਆ ਹਾਂ। ਹਰ ਵਾਰ ਕੋਈ ਨਾ ਕੋਈ ਬਹਾਨਾ ਬਣਾਇਆ ਜਾਂਦਾ ਹੈ ਕਦੇ ਕੈਮਰਾ ਕੰਮ ਨਹੀਂ ਕਰ ਰਿਹਾ, ਕਦੇ ਸਰਵਰ ਕੰਮ ਨਹੀਂ ਕਰ ਰਿਹਾ। ਮੈਂ ਇਕ ਛੋਟੀ ਜਿਹੀ ਕਰਿਆਨੇ ਦੀ ਦੁਕਾਨ ਚਲਾਉਂਦਾ ਹਾਂ। ਜਦੋਂ ਵੀ ਮੈਂ ਛੁੱਟੀ ਲੈਂਦਾ ਹਾਂ, ਮੇਰੀ ਦਿਹਾੜੀ ਖਤਮ ਹੋ ਜਾਂਦੀ ਹੈ। ਹੁਣ ਮੈਨੂੰ ਡਰ ਹੈ ਕਿ ਮੈਨੂੰ ਲਾਇਸੈਂਸ ਮਿਲੇਗਾ ਜਾਂ ਨਹੀਂ। ਗੁਰਕੰਵਲ ਸਿੰਘ ਵਾਸੀ ਅਹਿਮਦਗੜ੍ਹ ਨੇ ਦੱਸਿਆ ਕਿ ਇੰਨੀ ਦੂਰੀ ਤੋਂ ਆਪਣੇ ਮੋਟਰਸਾਈਕਲ ’ਤੇ ਸਵਾਰ ਹੋ ਕੇ ਆਇਆ ਸੀ। ਉਸ ਨੇ ਸੋਚਿਆ ਸੀ ਕਿ ਮੈਂ ਅੱਜ ਟੈਸਟ ਦੇ ਕੇ ਆਪਣਾ ਕੰਮ ਪੂਰਾ ਕਰ ਲਵਾਂਗਾ ਪਰ ਇਥੇ ਮੈਨੂੰ ਦੱਸਿਆ ਗਿਆ ਕਿ ਕੈਮਰੇ ਕੰਮ ਨਹੀਂ ਕਰ ਰਹੇ ਹਨ ਅਤੇ ਵੀਡੀਓ ਰਿਕਾਰਡਿੰਗ ਸੰਭਵ ਨਹੀਂ ਹੋਵੇਗੀ, ਇਸ ਲਈ ਟੈਸਟ ਨਹੀਂ ਲਿਆ ਜਾ ਸਕਦਾ। ਮੇਰੀਆਂ ਫੀਸਾਂ ਬਹੁਤ ਪਹਿਲਾਂ ਭਰੀਆਂ ਗਈਆਂ ਸਨ, ਹੁਣ ਮੈਨੂੰ ਦੁਬਾਰਾ ਆਉਣਾ ਪਵੇਗਾ। ਪੈਟਰੋਲ, ਸਮਾਂ ਅਤੇ ਕੰਮ ਸਭ ਕੁਝ ਬਰਬਾਦ ਹੋ ਰਿਹਾ ਹੈ।

ਇਹ ਵੀ ਪੜ੍ਹੋ : 25 ਤੋਂ 29 ਜੂਨ ਤੱਕ ਪੂਰੇ ਪੰਜਾਬ ’ਚ ਦੁਕਾਨਾਂ ਬੰਦ ਰੱਖਣ ਦਾ ਐਲਾਨ

ਰਾਜੂ ਵਾਸੀ ਜਗਰਾਓਂ ਦਾ ਕਹਿਣ ਕਿ ਉਹ ਇਕ ਦਿਹਾੜੀਦਾਰ ਮਜ਼ਦੂਰ ਹੈ। ਉਹ 2 ਵਾਰ ਛੁੱਟੀ ਲੈ ਕੇ ਟੈਸਟ ਦੇਣ ਆਇਆ ਸੀ ਪਰ ਦੋਵੇਂ ਵਾਰ ਜਾਂ ਤਾਂ ਕੋਈ ਸਟਾਫ ਨਹੀਂ ਸੀ ਜਾਂ ਸਿਸਟਮ ਕੰਮ ਨਹੀਂ ਕਰ ਰਿਹਾ ਸੀ। ਮੈਨੂੰ ਨਹੀਂ ਪਤਾ ਕਿ ਇਹ ਸਿਸਟਮ ਲਾਭਦਾਇਕ ਹੈ ਜਾਂ ਨੁਕਸਾਨਦੇਹ। ਸਰਕਾਰ ਕਹਿੰਦੀ ਹੈ ਕਿ ਸਭ ਕੁਝ ਡਿਜੀਟਲ ਹੋ ਗਿਆ ਹੈ ਪਰ ਇਥੇ ਇੰਟਰਨੈੱਟ ਕੰਮ ਨਹੀਂ ਕਰਦਾ। ਇਸੇ ਤਰ੍ਹਾਂ ਸਥਾਨਕ ਚੀਮਾ ਚੌਕ ਨਿਵਾਸੀ ਹਰਪ੍ਰੀਤ ਸਿੰਘ ਨੇ ਕਿਹਾ ਕਿ ਇਹ ਸਭ ਡਰਾਮਾ ਜਾਪਦਾ ਹੈ। ਕੁਝ ਸਮਾਂ ਪਹਿਲਾਂ ਨਵੇਂ ਕੈਮਰੇ ਲਗਾਏ ਗਏ ਸਨ ਅਤੇ ਹੁਣ ਕਿਹਾ ਜਾ ਰਿਹਾ ਹੈ ਕਿ ਉਹ ਖਰਾਬ ਹੋ ਗਏ ਹਨ। ਕੀ ਕੈਮਰੇ ਸਿਰਫ ਦਿਖਾਵੇ ਲਈ ਲਗਾਏ ਗਏ ਸਨ? ਸਰਕਾਰ ਪੈਸੇ ਖਰਚ ਕਰਦੀ ਹੈ ਪਰ ਉਨ੍ਹਾਂ ਦੇ ਰੱਖ-ਰਖਾਅ ਦਾ ਕੋਈ ਹਿਸਾਬ ਨਹੀਂ ਹੈ। ਹਰ ਵਾਰ ਜਦੋਂ ਉਹ ਆਉਂਦਾ ਹਾਂ ਤਾਂ ਇਕ ਨਵੀਂ ਸਮੱਸਿਆ ਪੈਦਾ ਹੁੰਦੀ ਹੈ।

ਇਹ ਵੀ ਪੜ੍ਹੋ : ਮਾਲ ਵਿਭਾਗ ਨੂੰ ਜਾਰੀ ਹੋਏ ਸਖ਼ਤ ਹੁਕਮ, ਵਿਸ਼ੇਸ਼ ਕਦਮ ਚੁੱਕਣ ਦੀਆਂ ਹਦਾਇਤਾਂ ਜਾਰੀ

ਕੀ ਨਵੇਂ ਕੈਮਰੇ ਵੀ ਇਕ ਮਹੀਨੇ ’ਚ ਖਰਾਬ ਹੋ ਗਏ?

ਸਭ ਤੋਂ ਵੱਡਾ ਸਵਾਲ ਇਹ ਉੱਠਦਾ ਹੈ ਕਿ ਜਦੋਂ ਹਾਲ ਹੀ ’ਚ ਟਰੈਕ ’ਤੇ ਨਵੇਂ ਸੀ. ਸੀ. ਟੀ. ਵੀ. ਕੈਮਰੇ ਲਗਾਏ ਗਏ ਸਨ, ਤਾਂ ਉਹ ਸਿਰਫ ਡੇਢ ਮਹੀਨੇ ’ਚ ਕਿਵੇਂ ਖਰਾਬ ਹੋ ਗਏ? ਕੀ ਇਹ ਕੈਮਰੇ ਸਿਰਫ ਰਸਮੀ ਤੌਰ ’ਤੇ ਲਗਾਏ ਗਏ ਸਨ ਜਾਂ ਗੁਣਵੱਤਾ ’ਚ ਕੋਈ ਕਮੀ ਸੀ? ਇਸ ਤਰ੍ਹਾਂ ਸਰਕਾਰੀ ਪੈਸੇ ਦੀ ਬਰਬਾਦੀ ਵੀ ਜਾਂਚ ਦਾ ਵਿਸ਼ਾ ਹੈ।

ਬਿਨੈਕਾਰਾਂ ਨੂੰ ਦੋਹਰਾ ਨੁਕਸਾਨ ਹੋ ਰਿਹਾ ਹੈ

ਸਮੇਂ ਅਤੇ ਪੈਸੇ ਦੀ ਬਰਬਾਦੀ : ਵਾਰ-ਵਾਰ ਅਪਾਇੰਟਮੈਂਟ ਲੈਣਾ, ਟਰੈਕ ’ਤੇ ਆਉਣਾ, ਦਿਨ ਦਾ ਕੰਮ ਛੱਡ ਕੇ ਜਾਣਾ - ਹਰ ਚੀਜ਼ ਦੀ ਕੀਮਤ ਬਿਨੈਕਾਰ ਦੀ ਜੇਬ ’ਚੋਂ ਨਿਕਲ ਰਹੀ ਹੈ।

ਮਾਨਸਿਕ ਤਣਾਅ : ਜਦੋਂ ਵਾਰ-ਵਾਰ ਕੋਸ਼ਿਸ਼ਾਂ ਦੇ ਬਾਵਜੂਦ ਪ੍ਰਕਿਰਿਆ ਪੂਰੀ ਨਹੀਂ ਹੁੰਦੀ, ਤਾਂ ਲੋਕ ਨਿਰਾਸ਼ ਅਤੇ ਗੁੱਸੇ ’ਚ ਆ ਜਾਂਦੇ ਹਨ।

ਫੀਸਾਂ ਦੀ ਵੈਧਤਾ ’ਤੇ ਸਵਾਲ : ਬਿਨੈਕਾਰਾਂ ਵਲੋਂ ਇਹ ਵੀ ਮੰਗ ਕੀਤੀ ਜਾ ਰਹੀ ਹੈ ਕਿ ਜਦੋਂ ਟੈਸਟ ਨਹੀਂ ਕਰਵਾਇਆ ਜਾ ਰਿਹਾ ਹੈ, ਤਾਂ ਫੀਸਾਂ ਦਾ ਕੀ ਹੋਵੇਗਾ? ਕੀ ਉਨ੍ਹਾਂ ਨੂੰ ਰਿਫੰਡ ਮਿਲੇਗਾ ਜਾਂ ਕੀ ਉਨ੍ਹਾਂ ਨੂੰ ਦੁਬਾਰਾ ਫੀਸਾਂ ਦਾ ਭੁਗਤਾਨ ਕਰਨਾ ਪਵੇਗਾ?

ਇਹ ਵੀ ਪੜ੍ਹੋ : ਪੰਜਾਬ ਦੇ ਆਂਗਨਵਾੜੀ ਸੈਂਟਰਾਂ ਨੂੰ ਲੈ ਕੇ ਵੱਡੀ ਖ਼ਬਰ, ਸਰਕਾਰ ਵੱਲੋਂ ਨਵੇਂ ਹੁਕਮ ਜਾਰੀ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇
https://whatsapp.com/channel/0029Va94hsaHAdNVur4L170e