ਪਾਰਕਿੰਗ ''ਚ ਖੜ੍ਹੀਆਂ 3 ਕਾਰਾਂ ਨੂੰ ਲੱਗੀ ਅੱਗ
Saturday, Oct 17, 2020 - 01:05 PM (IST)
ਚੰਡੀਗੜ੍ਹ (ਸੰਦੀਪ) : ਆਈ. ਟੀ. ਪਾਰਕ ਥਾਣਾ ਏਰੀਆ 'ਚ ਰੇਲਵੇ ਕ੍ਰਾਸਿੰਗ ਨੇੜੇ ਪਾਰਕਿੰਗ 'ਚ ਖੜ੍ਹੀਆਂ 3 ਕਾਰਾਂ ਨੂੰ ਅੱਗ ਲੱਗ ਗਈ। ਸੂਚਨਾ ਮਿਲਦੇ ਹੀ ਅੱਗ ਬੁਝਾਊ ਮਹਿਕਮੇ ਦੀ ਟੀਮ ਮੌਕੇ ’ਤੇ ਪਹੁੰਚੀ ਅਤੇ ਕਰੀਬ ਇਕ ਘੰਟੇ ਦੀ ਸਖ਼ਤ ਮੁਸ਼ੱਕਤ ਤੋਂ ਬਾਅਦ ਅੱਗ ’ਤੇ ਕਾਬੂ ਪਾਇਆ। ਕਾਰ ਮਾਲਕ ਨੇ ਪੁਲਸ ਨੂੰ ਦਿੱਤੀ ਸ਼ਿਕਾਇਤ 'ਚ ਸ਼ੱਕ ਜ਼ਾਹਰ ਕੀਤਾ ਕਿ ਉਸ ਦੀਆਂ ਤਿੰਨਾਂ ਕਾਰਾਂ 'ਚ ਰੰਜਿਸ਼ ਦੇ ਚੱਲਦੇ ਅੱਗ ਲਾਈ ਗਈ ਹੈ।
ਪੁਲਸ ਨੇ ਡੀ. ਡੀ. ਆਰ. ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲਸ ਆਸਪਾਸ ਦੇ ਏਰੀਆ 'ਚ ਲੱਗੇ ਸੀ. ਸੀ. ਟੀ. ਵੀ. ਕੈਮਰਿਆਂ ਦੀ ਫੁਟੇਜ ਖੰਘਾਲ ਰਹੀ ਹੈ। ਪੁਲਸ ਨੂੰ ਦਿੱਤੀ ਸ਼ਿਕਾਇਤ 'ਚ ਕਾਰਾਂ ਦੇ ਮਾਲਕ ਰਾਜਾ ਨੇ ਦੱਸਿਆ ਕਿ ਉਸ ਦਾ ਕਿਸ਼ਨਗੜ੍ਹ 'ਚ ਗਲੋਅ-ਸ਼ਾਈਨ ਬੋਰਡ ਦਾ ਕਾਰੋਬਾਰ ਹੈ। ਉਸ ਕੋਲ ਤਿੰਨ ਗੱਡੀਆਂ ਹਨ, ਜਿਨ੍ਹਾਂ ਨੂੰ ਉਸ ਨੇ ਰੇਲਵੇ ਕ੍ਰਾਸਿੰਗ ਦੇ ਨੇੜੇ ਬਣੀ ਪਾਰਕਿੰਗ 'ਚ ਪਾਰਕ ਕੀਤਾ ਹੋਇਆ ਸੀ। ਵੀਰਵਾਰ ਸਵੇਰੇ ਉਸ ਨੂੰ ਜਾਣਕਾਰੀ ਮਿਲੀ ਕਿ ਉਸ ਦੀ ਸਫਾਰੀ ਗੱਡੀ 'ਚ ਅੱਗ ਲੱਗੀ ਹੋਈ ਹੈ। ਜਿਵੇਂ ਹੀ ਉਹ ਮੌਕੇ ’ਤੇ ਪਹੁੰਚਿਆ ਤਾਂ ਉਸ ਨੇ ਦੇਖਿਆ ਕਿ ਸਫਾਰੀ ਕਾਰ 'ਚ ਅੱਗ ਲੱਗੀ ਹੋਈ ਹੈ ਅਤੇ ਉਸ ਕੋਲ ਖੜ੍ਹੀ ਦੋਵੇਂ ਕਾਰਾਂ ਵੀ ਅੱਗ ਦੀ ਲਪੇਟ 'ਚ ਆ ਚੁੱਕੀਆਂ ਹਨ।
