ਭੂੰਡ ਆਸ਼ਕ ਦੀ ਛਿੱਤਰ ਪਰੇਡ, ਵੀਡੀਓ ਵਾਇਰਲ

ਪਾਤੜਾਂ, (ਅਡਵਾਨੀ)- ਸ਼ਹਿਰ ਵਿਚ ਕੁੜੀਆਂ ਨੂੰ ਤੰਗ-ਪਰੇਸ਼ਾਨ ਕਰਨ ਵਾਲੇ ਭੂੰਡ ਆਸ਼ਕ ਦੀ ਲੋਕਾਂ ਨੇ ਛਿੱਤਰ-ਪਰੇਡ ਕਰਦਿਆਂ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਕੀਤੀ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਨਵਾਂ ਬਾਜ਼ਾਰ ਜੈਨ ਮਾਰਕੀਟ ਵਿਚ ਸਾਮਾਨ ਖਰੀਦਣ ਆ ਰਹੀਆਂ ਕੁੜੀਆਂ ਨੂੰ ਪਿੰਡ ਖਾਂਗ ਦੇ ਸਿਰਫਿਰੇ ਭੂੰਡ ਆਸ਼ਕ ਕੁੱਝ ਦਿਨਾਂ ਤੋਂ ਤੰਗ-ਪਰੇਸ਼ਾਨ ਕਰ ਰਹੇ ਸਨ। ਬੀਤੇ ਦਿਨ ਕੁੜੀਆਂ ਨੂੰ ਤੰਗ-ਪਰੇਸ਼ਾਨ ਕਰਨਾ ਉਸ ਸਮੇਂ ਮਹਿੰਗਾ ਪਿਆ ਜਦੋਂ ਲੋਕਾਂ ਨੇ ਉਨ੍ਹਾਂ ਦੀਆਂ ਹਰਕਤਾਂ 'ਤੇ ਨਿਗਰਾਨੀ ਰੱਖੀ। ਜਦੋਂ ਉਸ ਨੇ ਲੜਕੀ ਨੂੰ ਛੇੜਿਆ ਤਾਂ ਕੁੱਝ ਵਿਅਕਤੀਆਂ ਨੇ ਘੇਰ ਕੇ ਉਸ ਦੀ ਛਿੱਤਰ-ਪਰੇਡ ਕਰਦਿਆਂ ਰੱਜ ਕੇ ਕੁਟਾਪਾ ਚਾੜ੍ਹਿਆ ਤੇ ਵੀਡੀਓ ਬਣਾ ਕੇ ਸੋਸ਼ਲ ਮੀਡੀਆ 'ਤੇ ਵਾਇਰਲ ਕਰ ਦਿੱਤੀ। ਮੁੜ ਇਸ ਤਰ੍ਹਾਂ ਦੀ ਗਲਤੀ ਨਾ ਕਰਨ 'ਤੇ ਮੁਆਫੀਆਂ ਮੰਗ ਕੇ ਆਪਣੀ ਜਾਨ ਛੁਡਵਾਈ।