ਅੰਮ੍ਰਿਤਸਰ ਦੇ ਕਲਾਕਾਰ ਰੂਬਲ ਨੇ ਬਣਾਈ ਬਾਈਡੇਨ ਤੇ ਕਮਲਾ ਹੈਰਿਸ ਦੀ ਤਸਵੀਰ
Tuesday, Jan 19, 2021 - 06:05 PM (IST)
ਜਲੰਧਰ (ਬਿਊਰੋ): ਅੰਮ੍ਰਿਤਸਰ ਦਾ ਕਲਾਕਾਰ ਜਗਜੋਤ ਸਿੰਘ ਰੂਬਲ ਆਪਣੀ ਕਲਾ ਲਈ ਕਾਫੀ ਮਸ਼ਹੂਰ ਹੈ। ਜਗ ਬਾਣੀ ਦੇ ਇਕ ਪੱਤਰਕਾਰ ਨਾਲ ਗੱਲ ਕਰਦਿਆਂ ਰੂਬਲ ਨੇ ਦੱਸਿਆ ਕਿ ਉਸ ਨੇ ਪਹਿਲਾਂ ਵੀ ਕਈ ਤਸਵੀਆਂ ਬਣਾਈਆਂ ਹਨ ਜਿਹਨਾਂ ਵਿਚੋਂ 15 ਦੇ ਕਰੀਬ ਤਸਵੀਰਾਂ ਦਾ ਨਾਮ ਵਰਲਡ ਆਫ ਰਿਕਾਰਡ ਬੁੱਕ ਵਿਚ ਦਰਜ ਹੋ ਚੁੱਕਾ ਹੈ। ਅੱਜ ਉਸ ਵੱਲੋਂ ਅਮਰੀਕਾ ਦੇ ਨਵੇਂ ਚੁਣੇ ਗਏ ਰਾਸ਼ਟਰਪਤੀ ਜੋਅ ਬਾਈਡੇਨ ਅਤੇ ਉਪ ਰਾਸ਼ਟਰਪਤੀ ਕਮਲਾ ਹੈਰਿਸ ਦੀ ਤਸਵੀਰ ਬਣਾਈ ਗਈ ਹੈ।
ਗੱਲਬਾਤ ਦੌਰਾਨ ਕਲਾਕਾਰ ਰੂਬਲ ਵੱਲੋਂ ਕਿਹਾ ਗਿਆ ਹੈ ਕਿ ਉਸ ਨੇ ਪਹਿਲਾਂ ਵੀ ਤਸਵੀਰ ਬਣਾਈ ਸੀ ਜੋ ਛੋਟੀ ਸੀ। ਇਸ ਲਈ ਅੱਜ ਉਸ ਨੇ ਦੋ ਵੱਡੀਆਂ ਤਸਵੀਰਾਂ ਬਣਾਈਆਂ ਹਨ ਅਤੇ ਇਹਨਾਂ ਨੂੰ ਗਿਫਟ ਕੀਤਾ ਜਾਵੇਗਾ।
ਨਾਲ ਹੀ ਉਸ ਵੱਲੋਂ ਕਿਹਾ ਗਿਆ ਹੈਕਿ ਮੇਰਾ ਸੁਪਨਾ ਹੈ ਕਿ ਇਹ ਤਸਵੀਰ ਵ੍ਹਾਈਟ ਹਾਊਸ ਵਿਚ ਲੱਗੇ ਤਾਂ ਜੋ ਉਸ ਦੀ ਮਿਹਨਤ ਬੇਕਾਰ ਨਾ ਜਾਵੇ।
ਇਸ ਦੇ ਇਲਾਵਾ ਉਸ ਵੱਲੋਂ ਕਿਹਾ ਗਿਆ ਹੈ ਕਿ ਉਸ ਵੱਲੋਂ ਪਹਿਲਾਂ ਵੀ ਅਮਰੀਕਾ ਦੇ ਰਾਸ਼ਟਰਪਤੀ ਦੀਆਂ ਤਸਵੀਰਾਂ ਬਣਾਈਆਂ ਗਈਆਂ ਹਨ ਜਿਹਨਾਂ ਨੂੰ ਉਹ ਖੁਦ ਜਾ ਕੇ ਉੱਥੇ ਲਗਾਉਣਾ ਚਾਹੁੰਦਾ ਹੈ।
ਨੋਟ- ਉਕਤ ਖ਼ਬਰ ਬਾਰੇ ਦੱਸੋ ਆਪਣੀ ਰਾਏ।
