ਏਅਰ ਏਸ਼ੀਆ ਨੇ ਸ਼ੁਰੂ ਕੀਤੀਆਂ ਦੋ ਨਵੀਆਂ ਉਡਾਣਾਂ

ਚੰਡੀਗੜ੍ਹ (ਲਲਨ) : ਚੰਡੀਗੜ੍ਹ ਇੰਟਰਨੈਸ਼ਨਲ ਏਅਰਪੋਰਟ ਤੋਂ ਜਹਾਜ਼ ਕੰਪਨੀ ਏਅਰ ਏਸ਼ੀਆ ਦੋ ਨਵੀਆਂ ਉਡਾਣਾਂ ਸ਼ੁਰੂ ਕਰਨ ਜਾ ਰਹੀ ਹੈ। ਏਅਰ ਏਸ਼ੀਆ ਦੀ ਉਡਾਣ ਆਈ-5 332 ਸ਼੍ਰੀਨਗਰ-ਚੰਡੀਗੜ੍ਹ-ਮੁੰਬਈ ਵਿਚਕਾਰ ਚੱਲੇਗੀ। ਇਹ ਫਲਾਈਟ ਚੰਡੀਗੜ੍ਹ ਏਅਰਪੋਰਟ 'ਤੇ 1.45 ਵਜੇ ਉਡਾਣ ਅਤੇ ਸ਼ਾਮ ਦੇ 5.50 ਵਜੇ ਮੁੰਬਈ ਏਅਰਪੋਰਟ 'ਤੇ ਲੈਂਡ ਹੋਵੇਗੀ। ਉੱਥੇ ਹੀ ਆਈ-5 315 ਮੁੰਬਈ ਤੋਂ 8.40 ਵਜੇ ਉਡਾਣ ਭਰੇਗੀ ਅਤੇ ਚੰਡੀਗੜ੍ਹ 'ਚ ਦੁਪਹਿਰ 12.40 ਵਜੇ ਲੈਂਡ ਕਰੇਗੀ।

ਇਹ ਉਡਾਣ ਇਸ ਰੂਟ 'ਤੇ ਰੋਜ਼ਾਨਾ ਚੱਲੇਗੀ। ਉੱਥੇ ਹੀ ਦੂਜੀ ਉਡਾਣ ਆਈ-5 481 ਸ਼ਿਮਲ-ਚੰਡੀਗੜ੍ਹ-ਮੁੰਬਈ ਵਿਚਕਾਰ ਚੱਲੇਗੀ, ਜੋ 3 ਵਜੇ ਚੰਡੀਗੜ੍ਹ ਅਤੇ ਸ਼ਾਮ ਨੂੰ 6.50 ਵਜੇ ਮੁੰਬਈ ਏਅਰਪੋਰਟ 'ਤੇ ਲੈਂਡ ਕਰੇਗੀ। ਉੱਥੇ ਹੀ ਆਈ-5 482 ਉਡਾਣ ਮੁੰਬਈ ਤੋਂ 7.20 ਵਜੇ ਉਡਾਣ ਅਤੇ ਰਾਤ 11.10 ਵਜੇ ਚੰਡੀਗੜ੍ਹ ਇੰਟਰਨੈਸ਼ਨਲ ਏਅਰਪੋਰਟ 'ਤੇ ਲੈਂਡ ਕਰੇਗੀ। ਉਹ ਉਡਾਣ ਵੀ ਰੋਜ਼ਾਨਾ ਇਸ ਰੂਟ 'ਤੇ ਚੱਲੇਗੀ।