ਡਿਊਟੀ ''ਚ ਲਾਪਰਵਾਹੀ ਵਰਤਣ ''ਤੇ 8 ਪੁਲਸ ਕਰਮਚਾਰੀ ਮੁਅੱਤਲ

ਹੁਸ਼ਿਆਰਪੁਰ,(ਅਮਰਿੰਦਰ): ਡਿਊਟੀ 'ਚ ਲਾਪਰਵਾਹੀ ਵਰਤਣ ਦੇ ਦੋਸ਼ 'ਚ ਐਸ. ਐਸ. ਪੀ. ਗੌਰਵ ਗਰਗ ਨੇ ਸੋਮਵਾਰ ਦੇਰ ਸ਼ਾਮ ਜ਼ਿਲੇ ਦੇ 8 ਪੁਲਸ ਕਰਮਚਾਰੀਆਂ ਨੂੰ ਤੁਰੰਤ ਪ੍ਰਭਾਵ ਨਾਲ ਮੁਅੱਤਲ ਕਰਨ ਦੇ ਆਦੇਸ਼ ਦਿੱਤੇ ਹਨ। ਪੁਲਸ ਦੇ ਵਿਭਾਗੀ ਸੂਤਰਾਂ ਮੁਤਾਬਕ ਮੁਅੱਤਲ ਕੀਤੇ ਗਏ ਪੁਲਸ ਮੁਲਾਜ਼ਮਾਂ 'ਚ ਲੋਕਲ ਰੈਂਕ ਦੇ ਏ. ਐਸ. ਆਈ. ਜਸਵੰਤ ਸਿੰਘ ਥਾਣਾ ਸਦਰ, ਕਾਂਸਟੇਬਲ ਰੂਬੀ ਕੁਮਾਰ ਤੇ ਪੀ. ਆਰ./ਹੈਡ ਕਾਂਸਟੇਬਲ ਸੁਭਾਸ਼ ਚੰਦਰ ਦੋਵੇਂ ਥਾਣਾ ਟਾਂਡਾ, ਲੇਡੀ ਕਾਂਸਟੇਬਲ ਸੁਖਵਿੰਦਰ ਕੌਰ ਸਹਾਇਕ ਸੀ. ਐਚ. ਸੀ. ਪੀ. ਐਲ, ਲੇਡੀ ਕਾਂਸਟੇਬਲ ਪੁਸ਼ਪਾ ਪੁਲਸ ਲਾਈਨ, ਸੀ-2 ਵਿਜੇ ਕੁਮਾਰ ਤੇ ਲੋਕਲ ਰੈਂਕ ਏ. ਐਸ. ਆਈ. ਬਲਵਿੰਦਰ ਸਿੰਘ ਥਾਣਾ ਮੇਹਟਿਆਣਾ ਤੇ ਪੀ. ਆਰ. ਹੈਡ ਕਾਂਸਟੇਬਲ ਨਰਿੰਦਰ ਸਿੰਘ ਤਮੀਲੀ ਬ੍ਰਾਂਚ ਦੇ ਨਾਮ ਸ਼ਾਮਲ ਹਨ।  

ਜਦ ਇਸ ਸਬੰਧ 'ਚ ਐਸ. ਐਸ. ਪੀ. ਗੌਰਵ ਗਰਗ ਤੋਂ ਪੁੱਛਿਆ ਗਿਆ ਤਾਂ ਉਨ੍ਹਾਂ ਸਾਫ ਤੌਰ 'ਤੇ ਕਿਹਾ ਕਿ ਇਨ੍ਹਾਂ ਕਰਮਚਾਰੀਆਂ ਦੀ ਡਿਊਟੀ ਫਤਿਹਗੜ੍ਹ ਸਾਹਿਬ 'ਚ ਲਗਾਈ ਗਈ ਸੀ, ਜਿਥੇ ਇਹ ਲੋਕ ਨਹੀਂ ਪਹੁੰਚੇ ਸਨ। ਪੁਲਸ ਵਿਭਾਗ 'ਚ ਅਨੁਸ਼ਾਸਨਹੀਨਤਾ ਕਦੇ ਵੀ ਬਰਦਾਸ਼ਤ ਨਹੀਂ ਕੀਤੀ ਜਾ ਸਕਦੀ ਹੈ। ਉਨ੍ਹਾਂ ਦੱਸਿਆ ਕਿ ਸਸਪੈਂਡ ਪੁਲਸ ਕਰਮਚਾਰੀ ਆਪਣੇ ਮੁਅੱਤਲੀ ਕਾਲ 'ਚ ਪੁਲਸ ਲਾਈਨਜ਼ 'ਚ ਹਾਜ਼ਰੀ ਲਗਾਉਣਗੇ।